“Joŋ wee suuse’ ne Manwur [Jeofa, MN], nday jar peele ɓen wo no, nday maga de eegre ma bag jag wããre ɓen wo go mono.”—Siŋ wora 103:20

Wããre Baa wãã ti jar peele ɓen wo gahãyla?

• Job 38:4-7

  Jeofa joŋ jar peele ɓen wo go taŋgu ngeel ma gesiŋ la no.

• Naage nene 5:11

  Jar peele ɓen wo milyoŋ pur debaŋ.

• 1 Piyer 1:11, 12

  Ɗiggi Jeofa see wo wer kããra boŋ de jar peele ɓen wo ti ngeel ma gesiŋ la no.

• Lug 15:10

  Jar peele Baa gor wo ti jar ma seege ti faage ɓe no.

“Je peele Manwur [Jeofa, MN] de gor ti jar maga joŋ wo hẽẽne do ɓe mono, day se yãɗ ra go.”—Siŋ wora 34:8

Mayse kaŋ nen naa ga jar peele Baa kay wo jar tebeere wo la?

• Tĩĩgi were 19:15, 16; Danyel 6:22; Lug 22:43; Joŋre 12:6-11

  Jar peele Baa kay wo Lod, Danyel, Yeso, Piyer.

• Hebre wo 1:7, 14

  Jeofa hoo jar peele ɓen wo ma kay jar tebeere wo, ma koɗ rage gesiŋ la.

“Maga Manhuli mo daŋ naa go eegre wa. Naa go de ko tawgi ɓe maga á nii joŋ rage go de ele.”—2 Koreŋte wo 2:11

Sõõren wo diŋ wose wo la? Diŋ wer mayse ga á kiɗ wo ga a joŋ naa de ɓlagge la?

• Naage nene 12:9

  Je peele po boŋ ɓo’ jag Jeofa go. Á ɗe jee peele sen ga Satan.

• Tĩĩgi were 6:2

  Ti wur mani Nowe mono, jar peele Baa mapo ɓo’ wo jag ɓe go, day raw wo le co’ge ti tamsir la.

• Matiye 9:34

  Jar peele Baa sen raw wo maŋge wer Satan day saara kol sõõre go.

• Dogge jag liŋgi 18:10, 11

  Sõõre sen kiɗ wo deŋ maga saara mo bag bii naa jar tebeere, saara mo joŋ naa de ɓlagge de ɗeŋ ma hun la ɓuy.

“Giŋ wee Manhuli no, ni á daŋ yaŋ go de ɗee do ɓay.”—Jag 4:7

Naa da’ kayge mani Jeofa da’ge ma ooge ngiŋ peel Satan de sõõre ɓen wo la?

• Joŋre 19:19

  Naa mo du’ do see gurkoo wo de fẽẽre maji maga Manhuli yoŋ see ɓe le wer ɓaara mo wa.

• Efes wo 6:16, 18

  Ya’ hãge ɓil ɓo ciŋ de jaŋge Wããre Baa ni ndo hay wii kayge do Baa nen tosge lay.

• Jag jõõ wo 18:10

  Hay ɗe ɗuu Jeofa tum.