“Ama ma jagjiŋ maga sen kureŋ, sen ɓred de gaali, sen wo de jar diŋ kol ge go tenen ti’i.”—Matiye 7:14

Wer jag Baan wo mo deŋ ɓaara de cõõre jag Baa ɓuy yawla?

• Matiye 7:21-23

  Baa bay yã tosgen wo ɓuy wa, wer ga á bay joŋge ɓuy diŋ dage ɓe wa.

• Matiye 7:13, 14

  Goŋge Baa ma ti ngeel ɓen wo de naa da’ tenen ma tum. Ama goŋge ɓe ma de bayworen wo bas naa go ma tum.

• Matiye 7:16, 17

  Nday ko jar goŋ Baa ma cwãyn wo go diŋ see joŋre ɓaara. Ã bay naŋ ga ndo mo wo go ɓil tiŋ jag Baan wo ɓuy wa, had diŋ wããre Baa.

• 1 Tesalonig wo 2:13; 2 Timote 3:16, 17

  Hãge ɓil ɓay wo de hadge ɓay mo hay wo diŋ ɓil Wããre Baa.

• Matiye 4:10; Jaŋ 17:6

  Goŋ wee Jeofa ni nday mo hay ɗe ɗuu ɓe lay.

• Jaŋ 13:35

  Hay wee da kããra.

• Jaŋ 3:36; Joŋre 4:12

  Hoo wee sug ti Yeso. Á diŋ jee maga Jeofa ba ma yãã naa go mono.

• Jaŋ 18:36; Joŋre 5:29

  Hay taɓge de fẽẽre politik wo wa.

• Matiye 24:14; 6:10

  Had ne jar ga Twaywaŋ mani Baa kne’ ree ma see naa wo yaŋ diŋ se boŋ tu.

Ndo joŋ joŋge maga Baa mo yã tosge bon la?

• Jag 2:19

  Hãge ɓil ti Baa kãã tu ga. Joŋ diŋ mo maga Bible wãã ne mono.

• Esayi 52:11; Naage nene 17:5

  Babilon ma kluu, kaŋ nen ga jag baa maga bay wo waa cwãy wa had wo ga Baa boŋ jar nen ɓe swa’, tenen jee tabay wuu ga, ga nen hu yaŋ. Diŋ wer sen so ga Baa bay laa tosge daŋge jar tebeere wo wa mono.

• Naage nene 18:4, 8

  Jeofa caa ge wer jag baa maga bay wo wãã cwãy wa yaŋ go. Men fẽẽre maga wo de maŋge see ɓaaran wo go ɓuy.

• Mark 10:28-30

  Jar mapo caa wo hẽẽ yaŋ go de ɓay, ama Jeofa men ge nday go ga.