“Bii yaŋ la pa lay, fen maga dig me ga yog me go de bii wa diŋ may pa la.”—Joŋre 8:36

Ndo mo hay joŋ batem wer mayla, day ẽla?

Joŋge batem ngaɓ go ga ndo go de men fẽẽre ɓlagge ma ɓaa wo no day patala ndo go de hã se ɓo ne Baa ma joŋ dage ɓe.

• Matiye 28:19, 20

  Ma joŋ joŋre ne Jeofa mono, ni nday mo joŋ batem go da.

• Siŋ wora 40:8

  Joŋge batem ngaɓ go ne jar ga ndo de sãy joŋ joŋre ne Baa ti.

• Matiye 3:16

  Do Yeso no lay no, nday mo hay go de wumgi nen bii noga heege nen bii.

“Wersen dage maga naa de da Baa diŋ ga naa yaŋ ɗaw wããre ɓen wo mono, day wããre ɓen bay põõ ge wa.”—1 Jaŋ 5:3

Joŋ wee hẽẽne ma hã se ɓay go ne Jeofa wa. Wer mayla?

• Siŋ wora 103:14; Esayi 41:10

  Koh de maga ndo ɓay go keɗ wa, ndo ɓo nen hã ɓo ne Jeofa. Á kay mo yaŋ ma joŋ de ele.

• Kolos wo 1:10

  Dage ɓo ma see Jeofa kay mo yaŋ ma ooge ngiŋ jag heene joŋge ɓlagge no.

“Ndi de fruygi ma joŋ fen maga ɓil ɓo dan mono Baa ɓi no. Day jag liŋgi ɓon le jiili ɓi kuɗum.”—Siŋ wora 40:9

Nday mo hay joŋ mayse ma hã see ɓay go ne Jeofa la?

• Jaŋ 17:3

  HAD WÃÃRE BAA

  Had ko Jeofa wo de Yeso, ndo da’ wer yaŋ go ne hara, ni dage ɓon ya’ wer yaŋ ciŋ lay.

• Hebre wo 11:6

  YA’ WER HÃGE ƁIL ƁO CIŊ

  Ya’ wer hãge ɓil ɓo ciŋ ti fẽẽre maga Baa joŋra ge yaŋ, maala ti huli Yeso maga yã naa go jag ɓlagge wo de huli mono.

• Joŋre 3:19

  ƁOƊ JAG GO TI ƁLAGGE ƁO WO

  Fer lawge ti fẽẽre maga ndo hay joŋ ra de ɓlagge mono.

  COO SEELE ƁO

  Men wee seele ma de ɓlaggen go ni nday joŋ de ele.

• 1 Piyer 4:2

  HÃ SEE ƁO GO NE JEOFA

  Wãã ne Jeofa nen tosge ga, ga ndo goŋ yaŋ diŋ see boŋ, ga joŋge joŋre ɓen joŋge yaŋ nen ɓo de daŋ fẽẽren wo ɓuy.