“Jar ma de hulin wo mono á bay wo de ko mopo wa hase.”—Eklesiyaste 9:5

Mayse joŋ blam maga naa hu go mo la?

• Siŋ wora 146:3, 4; Eklesiyaste 9:6, 10

  De ma ga jo bo hu we go no, koge mopo ɓe bay wa so, sug ɓe laa ga so, ɗiggi ɓe bay wa so lay.

• Jaŋ 11:11-14

  Yeso ngaɓ huli de maŋ le’ge naa.

“Ma le’ge koo ma de eln wo de ɓlaggen mo ka’ no, ndo reen ge gà. Werga wur maga ndo reen we no, ndo hu ge go.”—Tĩĩgi were 2:17

Naa huɗ wer mayla?

• Tĩĩgi were 3:1-6

  Manhuli caa gete’ ne Efa ti fen maga joŋge blam maga á ree le’ge koon we no. De maga Adam wo de Efa faa wo jag Baa mono, á joŋ wo blagge day saara huɗ ge go.

• Tĩĩgi were 3:19

  De maga Adam hu go mono, á bay ti ngeel po wa so.

• Rom wo 5:12

  Blaggen doo ceege po maga Adam ya’n wo ne naa nono. Naa biŋ le go de ɓe see, day se diŋ wer sen ga naa huɗ mono.

• 1 Korente wo 15:26

  Kefder Baa wãã ga huli diŋ jee hee naa.

“Hayga je tabay hu la fer le go tenen pa no, ndi de hay go tum nen naw gorge . . . hãã wo go ti wur maga á a coo ndi mono.”—Job 14:14

Wer mayse ga naa wãã ga cwãy ma ti hulin pog naa go la?

• 1 Jaŋ 4:8

  Hadge maga nen wuu yaŋ cer diŋ Baa. Jeofa bay dage ga jobo mo joŋ bon de maŋ sen wa.

• Naage nene 4:11

  Jar debaŋ joŋ wo heene do jar huli wo, wer sen ga saara goŋ ra, bay wo ɗig ti Jeofa wa. Ama Jeofa diŋ Baa ma cwãy no. Naa mo goŋ diŋ Jeofa boŋ tu.