“A le hay waŋ wuuri, da ga jar mo hay joŋ fen ma ga ɓil ɓo dan gesiŋ la do ma ciŋ no lay.”—Matiye 6:9-13

Twaywaŋ mani Baa diŋ mayla?

• Naage nene 11:15

  Twaywaŋ mani Baa diŋ ngeel maga Baa de hay Waŋ le ciŋ ni mono. Á wãã ge ree tamsir le hãã ciŋ.

• 1 Timote 6:15

  Yeso diŋ Waŋ Twaywaŋ mani Baa no.

• Naage nene 14:1, 4

  Jar ndar kis ti ɓe hwal hwal naa ti naa (144 000) raw ge wo lagge ɓaaran diŋ ɓiŋ Yeso ciŋ.

• Hebre wo 4:​15; 5:8

  Yeso de jar ɓe ma ndar kis ti ɓe hwal hwal naa ti naan wo de ko ɗiggi naa de ree ma see naa wo ɓuy.

“Ama á caa ge kiida jar coo wo ge ti ngeel ɓe.”—Esayi 11:4

Yeso diŋ Waŋ ma ti tu ɓen wer mayla?

• 1 Timote 6:16

  Waŋre ma ti tamsir lan wo ɓuy huɗ wo go, ama Yeso ma ɓen hu ge ti boŋ ga. Fẽẽre maga á joŋ ge ra ne naa mo ɓuy taw ge wo ti boŋ ga hase.

• Esayi 11:2-4

  Yeso de kããge ma joŋ fẽẽre ma ti ngeel ɓe de dedaŋ waŋre lan wo ɓuy. Á de eegre dedaŋ waŋren wo ɓuy. De deele, day se de dage ɓil lay.

“Baa ma ciŋn a ge yaŋ de sir waŋ po maga á ɓlag ge go ga hase yaŋ.”—Danyel 2:44

Twaywaŋ go de joŋ mayse yaw la? Day se joŋge mayse ge pa la?

• Naage nene 12:7-12

  Yeso kol Waŋ nen kiŋgi ma 1914 no. Blam sen se raw ni Manhuli le go gesiŋ. Diŋ wer sen so ga tamsir go de bagge de bon wo de ɓlagge wara mono.

• Eklesiyaste 8:9; Naage nene 16:16

  Ti durgi Harmagedoŋ mono, Twaywaŋ mani Baa taw ge waŋre ma de hãã wo de maga joŋ wo ree ti ɓaŋ yaŋ go.

• Siŋ wora 37:10

  Baa taw ge jar maga joŋ wo ree de ɓlagge ga day wo coo seele ɓaara ga yaŋ go.

• Naage nene 22:1-3

  De maga Twaywaŋ mani Baa a ge mono, ceege joŋ jobo ga so, jobo hu ga so, jar tebeere wo ɓuy togoɗ wo ɗuu Baa yaŋ.