Ndo yaŋ de koge ga, hadge wããre maga ndo da’ ɓil kefder sen mo kay la ya’ hãge ɓil ɓo ciŋ ne Jeofa ni. Daga ndo mo men hadge sen go wa so. (1 Piyer 2:2) Ma da’ tenen ma tum mo no, daga ndo ya’ see Baa mbaŋ de hadge Wããre ɓe no.​—Jaŋ ɓil Jaŋ 17:3; Jud 21.

De maga ndo da’ wer we ne Baa de woore no, hãge ɓil ɓo ya’ yaŋ ciŋ ni debaŋ lay. Hãge ɓil ɓon kay mo yaŋ maga ndo mo hay de el nen Baa. (Hebre wo 11:1, 6) À kay mo yaŋ maga ndo mo ɓod jag go ti ɓlagge ɓon wo, maga ndo mo coo seele ɓon lay.​—Jaŋ ɓil Joŋre 3:19.

Sen ti ngeel ɓe, hayga ndo sii wããre maga ndo had yaŋ ne jar lay no—werga siigi wããre ma de cõõre de el ma jar ɓuy. De maga ndo see de had kefder Baa ciŋ ni mono, ndo da’ ɗeŋ ma sii wããre ma de cõõren ne jobo de Bible yaŋ.​—Jaŋ ɓil Rom wo 10:13-15.

Jar debaŋ tĩĩ wo wer sii wããren diŋ ne bar ɓaara wo de jar ni ɓaara wo. Ama hay de ɗeŋ. Ɗar jag-Baa jobo wa, wãã diŋ ti fẽẽre maga Baa wãã ga se joŋra yaŋ ne naa jar tebeere mo deŋ wo no. Ɗig tum ga siigi wããren bay diŋ de jag tawa wa, ama joŋre ɓo ma yoo jar tebeeren mo caw sii wããre de daŋ jag ɓo yaw. Joŋ se ɓo de el see jare.​—Jaŋ ɓil 2 Timote 2:24, 25.

Hayga ndo yaŋ had wããre Baa no, ndo gẽẽ yaŋ ti nenterse. Barge ɓo joŋ yaŋ de Baa kluu debaŋ. Ndo kol diŋ ma Baa do mbarga ɓe nono.​—Jaŋ ɓil 2 Korente wo 6:18.

Hayga ndo yaŋ had Wããre Baa ciŋ ni no, ndo gẽẽ yaŋ go ti nenterse. (Hebre wo 5:13, 14) Wii Sedewa Jeofa maga a mo had mo de Wããre Baa ɓil kefder Que nous enseigne la Bible? Hayga ndo ya’ hadge Wããre Baa ɓon we ciŋ ni no, ndo da’ se ɓo yaŋ.​—Jaŋ ɓil Siŋ Wora 1:1-3; 73:27, 28.

Wããre ma de cõõren ale diŋ see Jeofa, Baa ma ti desãy no. Hayga ndo ya’ we ɓiŋ jar ma wer ɓen wo mbaŋ no, ndo ya’ yaŋ mbaŋ ti jeŋ Baa lay. (Hebre wo 10:24, 25) Men joŋre hadge wããre Baa ɓon ti faage wa, ndo kos da’ tenen ma tum we go so. Mopo ma de el bay ti tamsir de daŋ maga jobo ya’ ɓiŋ Baa mbaŋ wa so.​—Jaŋ ɓil 1 Timote 1:11; 6:19.