Baa daga jar tebeere mo joŋ wo naw ɓaaran nen fruygi tum ti tamsir la. À joŋ tamsir de fẽẽre ma ɓil ɓen wo ɓuy werga à da jar tebeere wo. Wur kos we go maga jar ma ti tamsir ma hunla ɓuy da’ wo ti desãy yaŋ. À caa wer coocoo wo de ree ma ti jar tebeeren yaŋ wo go ɓuy.​—Jaŋ ɓil Jermi 29:11.

Waŋ po ma ti tamsir la kãã ma caa wer debaycõõre no, ceege no, noga hulin go ti boŋ ga ɗa has. Ama wããre ma de cõõre yaŋ: Wur kos we go maga Baa kol ge waŋre jar tebeere ma ti tamsirn la yaŋ de waŋ mani ɓe no. Jobo law ga so, joŋ ceege ga so lay.​—Jaŋ ɓil Esayi 25:8; 33:24; Danyel 2:44.

De maga Baa caa wer Jar debaycõõren wo we go no, gayri joŋ ge jobo ga so. (Sofoni 2:3) Sen joŋ na hunla? Kefder Baa wãã go pel bol ti ree gayri ma patalan ti jar tebeeren wo. Ree sen wo mo deŋ wara kaŋ wo nen naa ga naw ma ni Baa kos we go.​—Jaŋ ɓil 2 Timote 3:1-5.

Naa mo laa wer ne Baa ɓil Wããre ɓe no. À do leder maga pããbe ma da weere ɓe wo ɓo’ wo ne haara ne no. À kaŋ nen naa ti ɗeŋ maga naa mo joŋ naw naa de el ti tamsir patala lay, ti naw ma pel tum lay. Kidolgi, Jar mapo caa wo hee yaŋ de ɓo ti maga ndo de had Wããre Baa mono. Ama ɗig ti naw ma pel maga Baa wãã ti ɓe mono, men jobo dig mo ge go wa.​—Jaŋ ɓil Jag Jõõ wo 29:25; Naage Nene 14:6, 7.