Baa daga wosela ɓuy mo ya’ see se nen tosge. (Siŋ Wora 65:2) Ama à bay yã tosgen wo ɓuy wa. Ko nen ɓo ɗa, hay ga jobo yaŋ joŋ wãy ɓe de ɓlagge no Baa laa tosge ɓe yawla? (1 Piyer 3:7) Baa hay bay laa tosge jar Israyel ma joŋ ɓlagge tumtum wo wa. Kidolgi, tosge Baa diŋ mopo kluu debaŋ. Ama, Baa laa ɓe tosge jee ɓlagge maga ɓod jag go ti ɓlagge ɓen day se coo seele ɓe lay mono, ɓlagge sen mo hay ba kluu debaŋ yaw.​—Jaŋ ɓil Esayi 1:15; 55:7.

Ko filme Baa co’sug tosgen wo ɓuy yawla?

Tosge naa wo diŋ fẽẽre maga naa goŋ Baa de ɓaara wo mono, wersen naa tos diŋ Baa Jeofa boŋ tu. (Matiye 4:10; 6:9) Naa diŋ jar ma de ɓlagge, tosge naa mo hay wo ɓuy diŋ de ɗu Yeso, werga à hu go ti ree ɓlagge naa wo mono. (Jaŋ 14:6) Jeofa bay de dage ga naa mo jaŋ tosge naa wo ɓil kefder wa, ga naa maŋ ra go ti do siŋ wa lay. À daga tosge naa mo ale jag jiili naa.​—Jaŋ ɓil Matiye 6:7; Filip wo 4:6, 7.

Baa jee joŋ naa no, laa tosge ma jag gesiŋ wo lay. (1 Samyel 1:12, 13) À daga naa mo tos tum, de jag toŋ de law lay, ti reege naa wo, de maga naa le’ we nen ree mo lay no.​—Jaŋ ɓil Siŋ Wora 55:23; Matiye 15:36.

À bay gus maga naa ya’ see naa ɓiŋ Baa mbaŋ wa, werga naa joŋ naw naa ti tamsir la yoo jar maga bay wo hã jiili ɓaara ne Baa wa, day saara feg ti wããre Baa lay. (2 Timote 3:1, 4; 2 Piyer 3:3, 13) Wersen so, daga naa mo tay de hẽẽre naa ma lan wo ma coɓ nen kããra.​—Jan ɓil Hebre wo 10:24, 25.

 Hayga naa yaŋ tayge de jar maga da wo Baa no, sen kay naa ma ya’ge ɓiŋ Baa mbaŋ. Tayge ti Sedewa Jeofa wo diŋ ngeel maga naa da’ coɓge nen kããra ni, maga hãge ɓil naa ne Baa ya’ ciŋ ni lay.​—Jaŋ ɓil Rom wo 1:11, 12.

Hayga ndo yaŋ ɗiggi ti fẽẽre maga ndo had ra ɓil Wããre Baa no, ndo ya’ yaŋ ɓiŋ ɓe mbaŋ. Ɗig ti joŋre maga à joŋra wo mo deŋ ɓuy no, bagge yaŋ ma ɓil Wããre ɓe no, fẽẽre maga se joŋge ra yaŋ ne naa mo lay no, ni ndo ya’ yaŋ ɓiŋ Baa mbaŋ. Tosge wo de ɗiggi ti wããre ɓen kay wo naa ma ko wer dage mani Baa no, koge ree ɓen lay.​—Jaŋ ɓil Josuwe 1:8; Siŋ Wora 1:1-3.

Ma ya’ge ɓiŋ Baa mbaŋ mono, say ndo kaŋ ɗiggi ɓo ti ɓe, ndo hã ɓil ɓo go ne hen lay. Ama hãge ɓil mokay do hrog maga à gẽẽ de reege nono. Ndo gẽẽ hãge ɓil ɓon ciŋ diŋ de ɗiggi ti ree maga ndo hã ɓil go ne Baa ti ree ɓaara wo mono.​—Jaŋ ɓil Matiye 4:4; Hebre wo 11:1, 6.

Jeofa ɗig ti jar maga da wo ne mono. À yã ra go jag ree maga hãy hãge ɓil ɓaaran no, ree maga bas ra go ma da’ tenen ma tum lay mono. (Siŋ Wora 91:1, 2, 7-10) À ɓo’ sug naa ti seele maga à wo de ree ne naa ti wo mo ɓuy no. Jeofa had naa de faage ma de deelen diŋ se.​—Jaŋ ɓil Siŋ Wora 73:27, 28; Jag 4:4, 8.