Efa raw laa jag cwe se ga Satan ɓo’ le mono, se raw ree le’ ge koo no. Blam ɓe á raw hã ge ne Adam, se ree lay.

Adam wo de Efa joŋ wo ni ga: a ɗe sen mo ta’ ga ɓlagge. Baa raw nii ra ge go ɓil pay Paradis no.

Gayri raw da’ ra ge de weere ɓaaran wo ɓuy. Saara taw tããrebe, blam ɓe huɗ wo go. Á bay wo wa so, á bay wo ti ngeel po wa so lay.

Naa huɗ ɓuy na diŋ wer ga naa ale see Adam wo de Efa mono. Jar maga wo go de huli ko wo mopo ga so, laa wo wããre ga so, joŋ wo joŋre ga so lay.—Eklesiyaste 9:5, 10.

Jeova hay joŋ naa bay ma huɗgi wa. Wur kos we go maga Baa bir jar hulin wo go so. Á co’ wo sug Baa we no, á da’ wo tenen ma tumn yaŋ.