Naw swa’ blam huli Yeso mono, nããre po raw wo ko tipaale no, saara da’n go ɓil koɗe. Jeova hay go de bir Yeso yoo jar huli wo.

Blam sen mokay, Yeso raw nãã nen see ɓe ne jar peele ɓen wo.

Kidolgi Jeova bir Yeso go maga á mo hay diŋ nenterse ma de eegre, ma tenen tum. Jar ma wer Yeson kon wo raw ge ciŋ caw.

Yeso hã see ɓe go ma coo jar tebeere wo. (Matiye 20:28) Baa hã tenen ma tumn ne naa na diŋ wersen no.

Jeova hay Yeso ti paale Waŋ ma wãã ree tamsir ɓuy. Jar ndar kis ti ɓe hwal hwal naa ti naa yoo jar ma de hã ɓiln wo, bir wo go gesiŋ la ma lagge ciŋ ti jeŋ Yeso ni lay. Yeso wo de jar se ndar kis ti ɓe hwal hwal naa ti naan ga wo kedeɗ mo no, joŋ ge wo tutwal Twaywaŋ Baa ma ciŋ no.—Naage Nene 14:1-3.

Twaywaŋ Baa ma ciŋ cooge tamsir go diŋ paradisi. Durgi, ĩɗgi huli, coocoo noga koŋne joŋ ge wo ga so. Jar tebeere da’ wo ti desãy ma cwãyn yaŋ.—Siŋ Wora 145:16.