Hayga sãy fug ɓil Jeova yaŋ ti naa no, ni naa mo co’ sug Weel ɓe no, á diŋ jobo ma kluu. Jeova joŋ Weel ɓen go ɓaaɓaa taŋgu Adam. Á hay diŋ je peele ɓe ma de eegre le ciŋ.

Day ge de ngar ngeel po ta’ mo so no, Jeova raw ɓo’ weel ɓe sen le, ga á mo biŋ ɓil sir Betlehem, ɓil may po a ɗen ga Mari. Mari hay bay de ko je twar wa. A raw kaŋ ɗu ne mbargan ga Yeso.—Jaŋ 6:38.

De maga á hay diŋ je taabay ti tamsir la mono, Yeso hay joŋge diŋ de el ma ni Baa dege’ dege’ tu. Á hay de yaŋ lay, hay da jar lay, blam ɓe go gfa’ lay. De maga á hay had cwãyn ti Jeova mono, hẽẽne jar hay bay joŋ ge ɓe wa.

Yeso pẽẽ jar ceege wo go, blam ɓe se bir jar huli ma po wo go lay.

Jar Jwif ma wãɗ ree tiŋ Baa kal wo kaŋ nen Yeso go, wer ga á hay go boɗ wer gete’ wo de ɓlagge ɓaara no.

Jar Jwif ma wãɗ ree tiŋ Baan jãɗ wo nen jar Rom ga á mo jwa’ wo Yeso, blam ɓe mo ‘war wo go.