Taŋgu maaga ndo joŋ hadge de jobo

1. 1. Bag jag see ɓo go de woore. Ɗig go ti fẽẽre maaga jee maaga ndo de hadge ɓe de sãy ɓaara ti, ti ngeel maaga á ni mono, lan ti fẽẽre maaga á hã ɓil ti ɓaara mono. Ɗig ti fẽẽre maaga joŋ ge wo nen ɓe de gaali maa laa were, noga ga joŋge joŋre de ɓaara nen ɓe de gaali. Ko maaga ngeel “Maa da’ wer pa” kay ne kayge la, lan bag jag see ɓo go peel bol maa joŋ joŋre de ɓe hayga ndo joŋ we de sãy naa wer mopo ti de ɓe, de maaga nday de hadge mono.

Maaga ndo de joŋ hadgen mono

1. 2. Hayga jee ɓen day we no, tĩĩ wer ɓe de tosge, ɓo’ ti ɓe go doo sen no pa.

2. 3. Wãã wããre debaŋ wa. Ndal wee ti fẽẽre maaga wo ɓil kefdern mono, lan men jee ɓen wãã wããre maa jag jiili ɓe.

3. 4. De maaga nday tĩĩ wer caage ɓil kefder po mono, jaŋ kluu ɓe no blam ɓe kaŋ nen ɓe ti kluuri hadge po wo mẽ’ẽ.

4. 5. De maaga caage ɓil kefder sen taw we go no, joŋ joŋre de ngeel Ferge ko nen Caage ɓil kefder maaga á mo fer ɗiggi ti fẽẽre maaga á laa ra mono.

5. 6. De maaga ndo de joŋ hadge maa hõnla ɓuy:

   1. Jaŋ wee paragraf no.

   2. Jaŋ wee verse maaga à de yerge wer ɓaara ga “Jaŋ” go boŋ boŋ ɓuy.

   3. Hayga á joŋ yaŋ no, jaŋ verse maa tigriŋ ga wo ɓil hadge no.

   4. Ko wee videyo maaga à de yerge wer ɓaara ga “Ko” (hayga á yaŋ go jag ɓay no).

   5. Wii jag ɓe ti wiigi jag maa hõnla ɓuy.

   6. Ngaɓ nen ɓe ti foto maa ti ngeel “Fruggi nen hadge no”, blam ɓe wii ne ga á mo wãã ti ɓe.

   7. Joŋ joŋre de ngeel “Fẽn maa joŋge blam” maa kayge ɓe maaga á mo ko ga holaŋ se de Jeofa ya’ ciŋ ni na ya’ge là. Jor glog ɓe maa joŋ joŋre de fẽn maa joŋge blam maaga de ngaɓge ni mono, noga maa kiɗ maa tigriŋ, noga pa maa joŋ rage ɓog ɓuy.

   8. Wii jag ɓe ga mayse co jag ɓe debaŋ ti ngeel “Maa da’ wer pa” de maaga á hay knẽ’ nen hadge ɓen mo là.

   9. Dur maaga nday mo joŋ hadge maa hõnla ɓuy ɓaale boŋ.

Blam hadge no

1. 7. Men ɗiggi go ti jee ɓen wa. Tos Jeofa ti ɓe ga á mo kaŋ bosa’ ne durgi ɓen wo ti maa ya’ge ciŋ ni. Wii koge re do ɓe maa ko maaga ndo kay jee ɓen kayge là.