Yeso joŋ na joŋge là

Naa had mayse see Yeso là?

2. Á de el maaga naa mo wãã wããre ne jee ɓen desãy, amaa naa mo yõõ ti maa kaŋ nen ɓe ti fẽn maaga á nen joŋge ɓe maa ya’ge see Jeofa wa.

 Joŋ doo Yeso no lay

3. Kay jee maaga ndo had ne maa ɗig fẽẽre maa joŋge wo, lan maa bag jag ɓaara go.

1.    Joŋ joŋre de ngeel “Fẽn maa joŋge blam” ga naa da’ ɓil hadge maa hõnla ɓuy ɓil kefder Hay mbay tenen ti’ tum!

2.   Kay jee maaga ndo had ne maa bag jag ɗiggi ɓe maaga á de sãy joŋ rage ti la mbaŋ, noga wo peel hãã go. Kaŋ nen ɓe ti fẽẽre maaga á nen joŋ rage.

3.   Á bag jag mopo we go no, joŋ suse’ ne hẽne.

4. Ɗig ti fẽẽre maaga dig wo ti ɓe maa gẽẽge go ciŋ ti cwãy no, ni ndo kay ne maa ɗiigi go ne hara ti.

1.    Wii jag see ɓo ga:

   • ‘Mayse maŋ jag ɓe go maa joŋ batem là?’

   • ‘Ndi joŋ diŋ mayse maa kayge ɓe ne?’

2.   Tos maa da’ coɓge maa wããge ne jee ɓen ti fẽn maaga á maa joŋge go pah tu, amaa wãã ne desãy.

5. Men had jee maaga bay go gẽẽge ciŋ wa go.

1.    Maa koge ga jee maaga ndo had ne mbe go de gẽẽge ciŋ yawla mono, wii jag see ɓo ga:

   • ‘Á mbe de joŋ joŋre de fẽẽre maaga á laa ra ti hadgen wo mo yawlà?’

   • ‘Á mbe de woge ti taygeti wo yawlà? Á mbe de sii cwãy maaga se laa ra ne jar tigriŋ wo yawlà?’

   • ‘Hayga á yaŋ go de iggi joŋ hadgen no, á mbe de sãy kolge go Sedeewa Jeofa ti yawlà?’

2.   Hayga jee maaga à had ne bay we go gẽẽge ciŋ wa no:

   • Wãã ne hẽn ga á mo ɗig ti fẽn maaga dig ne maa gẽẽge go ciŋ mono.

   • Wãã ne hẽn desãy wer may ga ndo men hadge ɓe go là.

   • Wãã wããre ne hẽn ti fẽẽre maaga á nen joŋ rage taŋgu maaga ndo fer hadge ɓe tigriŋ.