TĨĨGI WER NDALGE DE JARE
HADGE 2
Men ndalgen seege de see ɓe
Verse: “Wããre maaga wãã ti wur ɓe —de cõõre debaŋ!”—Jõõ. 15:23, [NWT].
Filip joŋ na joŋge là
1. Ko VIDEYO, noga jaŋ Joŋre 8:30, 31. Blam ɓe ɗig ti wiigi jag maa blam wo la no:
Naa had mayse see Filip là?
2. Hayga naa men ndalgen we seege de see ɓe no, jee ɓen ko see ɓe yaŋ go de caage, day se co’ sug naa yaŋ lay.
Joŋ doo Filip no lay
3. Ko jee ɓen go de woore, lan fẽẽre maaga wo de cir ti ɓe mo lay. Hayga ndo ko oole jee ɓe no, do maaga á waɗ mono, lan nen ɓe wo we go de woore no, ndo da’ wer yaŋ go ne hẽn de woore debaŋ. Jee ɓen joŋ doo ga se de sãy wãã wããre de ɓo ti ne yaw? Tĩĩ wer wãã mopo maa ɓil Bible ne jee ɓen ga: “Ndo mbo de koge ga . . . ?” Hayga jee ɓen bay we de sãy wããre ti wa no, joŋ doole ɓe wa.
4. Hay gorge desãy. Tem de wããge ne jee ɓen ti Bible tu wa. Gor nen maaga ndalgen mo a mbe le ti Bible de see ɓe tu. Sen da wããge ga, maapo ga naa gor wur maa tigriŋ maa ferge wo ndalge de jee ɓe no.
5. Coo wããre ɓo. Maapo ga jobo wãã mopo maaga ndo hay bay le go de bag jag see ɓo ti ɓe wa. Amaa, wãã mopo maaga du’ jiili ɓe yaŋ ne hẽne, koh de maaga ndo hay bay mbo le go de bag jag see ɓo wa mono.
