TĨĨGI WER NDALGE DE JARE
HADGE 3
Wãã wããre ne jar de ele, joŋ jar de el lay
Verse: “Dage . . . de ele.”—1 Kor. 13:4.
Yeso joŋ na joŋge là
1. Ko VIDEYO, noga jaŋ Jaŋ 9:1-7. Blam ɓe ɗig ti wiigi jag maa blam wo la no:
-
Yeso joŋ mayse go taŋgu ɗa là—pẽẽ jee rẽwn go ɗa yaw, noga sii wããre Baa go ne hẽn ɗa?—Ko Jaŋ 9:35-38.
-
Ti ɗiggi ɓo mono, wer mayse ga blon joŋ de sãy co’ sug Yeso ti ne?
Naa had mayse see Yeso là?
2. Hayga jobo ko we ga re maa see sen de ɗig naa lay no, se co’ sug naa yaŋ go gusi.
Joŋ doo Yeso no lay
3. Ko decoo jee ɓe no . Ɗig ti re maaga jee ɓen nen ɓe mono.
-
Wii jag see ɓo ɗa: ‘Mayse de gayge ɓe nen ɗiggi là? Mayse kay ne yaŋ, noga co yaŋ jag ɓe là?’ Ndo joŋ we doo sen ne no, se kay mo maaga ndo mo joŋ de el see jare, de el maaga a le jag jiili.
-
Ndo co’ sug jee ɓen we no, ni ndo go de ɓo’ nen ne hẽn ga re maa see ɓen de ɗig moge. Hayga jobo wãã ɗiggi ɓe we ne ndo ti mopo, noga sii re maa see ɓe we ne ndo no, coo wããren de ɓe do wa.
4. Wãã wããre ne jar de ele, de hooge sug lay. Nen gẽẽge wããre ɓo, jobo ko go ga ndo de ko decoo se, lan de sãy kay sege ti yaw baywa yawlà. Ɗig go ti mo maaga ndo da wããge ɓe de woore, lan ti ɗeŋ maaga ndo wãã ge ne de ɓe mo lay. Joŋ nen maaga ndo mo wãã fẽn maaga ma’ jiili jee ɓen wa.
5. Hay kay jare. Kiɗ ɗeŋ maaga ndo kay jee ɓen de mopo. Naa joŋ de el we see jobo no, se co’ sug naa go gusi.
