TĨĨGI WER NDALGE DE JARE
HADGE 4
Hay fer ti see ɓo gesiŋ
Verse: “De ferge ti see [ɓo] gesiŋ, ko [ . . . ] jar lan wo de daŋ [moge] kluuri.”—Flp. 2:3.
Pol joŋ na joŋge là
1. Ko VIDEYO, noga jaŋ Joŋre 26:2, 3. Blam ɓe ɗig ti wiigi jag maa blam wo la no:
-
Pol naa nen ferge ti gesiŋ go nen wããre maaga á wãã ne waŋ Agrippa na naage là?
-
Nen maaga Pol hay togoɗ diŋ see ɓe, á joŋ joŋge maaga se fer togoɗgen diŋ ne Jeofa lan ti Wããre ɓen là? —Ko Joŋre 26:22.
Naa had mayse see Pol là?
2. Naa yaŋ wãã wããre de ferge ti gesiŋ, lan de hooge sug lay no, jar joŋ yaŋ de sãy co’ sug wããre naan ti.
Joŋ doo Pol no lay
3. Wãã wããre de hooge sugi. Joŋ doo ga ndo go de ko fẽẽren ɓuy, jee lan ko mopo ga ne wa.
4. Ngaɓ ne jee ɓen ga wããre ɓon a wo le diŋ ɓil Bible. Wããre maa ɓil Biblen wo de kããge maa du’ jiili jare. Naa joŋ joŋre we de Bible no, naa kay jar maaga á mo hã wo ɓil diŋ ti wããre maa ɓil ɓe no, bay ti wããre maa naa ti see naa wa.
5. Hay desãy. Oo go deŋ tu ga maa ɓon ti ngeel ɓe naŋ wa. Naa bay de sãy joŋ faare de jar ti wa. Ndo naa nen ferge ti gesiŋ go de hayge ba’a, lan de beg ɗeŋ maaga ndo caa ɓil go de jee ɓen hunlà (Jõõ. 17:14; Tid 3:2). Hayga ndo fer wããre we ne jee ɓen desãy no, maapo ga se co’ sug wããre naan yaŋ wur maa tigriŋ.
