TĨĨGI WER NDALGE DE JARE
HADGE 5
Hay wãã wããre de hooge sugi
Verse: “Daga jag ɓay mo hay de cõõre tum.”—Kol. 4:6.
Pol joŋ na joŋge là
1. Ko VIDEYO, noga jaŋ Joŋre 17:22, 23. Blam ɓe ɗig ti wiigi jag maa blam wo la no:
-
Maaga Pol ko fẽẽre maaga jar Aten joŋ wo maa goŋ baa ɓaara maaga bay wo ti ngeel ɓe wa mono, á joŋ see ne hẽn na joŋge là?—Ko Joŋre 17:16.
-
Pol caa kiida jar Aten wo ga. Amaa, á joŋ joŋre de fẽẽre maaga á hã wo ɓil ti ɓaara maa sii wããre Baa ne hara. Á sii wããre ne hara de hooge sug na siigi là?
Naa had mayse see Pol là?
2. Hayga naa ɗig wããre maaga naa da wããge ɓe we go de woore, ɗig we go ti ɗeŋ maa wããge ɓe, lan naa wãã ne we ti wur ɓe lay no, jar joŋ yaŋ de sãy co’ sug naa ti.
Joŋ doo Pol no lay
3. Ɗig wããre ɓon wo go de woore. Ko ba ɗa, hayga ndo yaŋ wãã wããre de jobo maaga bay diŋ kretiyẽ wa no, ni ndo ko ɗeŋ maaga ndo wãã wããre ne hẽn ti Bible, noga ti Yeso.
4. Tem knẽ’ wããre jee ɓen wa. Men jee ɓen wãã wããre maa jag ɓen go desãy ɓuy. Hayga á wãã mopo maaga Bible bay we hadge doo sen no wa no, ni ndo joŋ faare de ɓe wa (Jag. 1:19). Ndo co’ sug ɓe we no, ndo da’ wer yaŋ ne fẽẽre maaga á de hã ɓil ti ɓaara mono, lan wer mayse ga á hã ɓil ti ɓaara la lay—Jõõ. 20:5.
5. Hayga á joŋ yaŋ no, yãã jag jee ɓe no, lan ni ndo kee ne. Maapo ga se go de bawge jag jiili ɓe ga jag-Baa maaga se ni had diŋ cwãy. Ndal wee ti fẽn maaga ɗiggi ɓay ti ɓe diŋ sen boŋ taŋgu ɗa. Blam ɓe ni ndo kay ne, de seege de ɓe mẽ’ mẽ’ẽ, maa laa wer ne fẽn maaga Bible had mono.
