FERGE WO DA’ JOBO
HADGE 7
Dur mbo ti siigi wããre no
Verse: “Á bay wo men had jar go wa, [ . . . ] siɗ wo Wããre ma de cõõren [ . . . ] go ne jare”—Joŋ. 5:42.
Pol joŋ na joŋge là
1. Ko VIDEYO, noga jaŋ Joŋre 19:8-10. Blam ɓe ɗig ti wiigi jag maa blam wo la no:
Naa had mayse see Pol là?
2. Ferge wo tum da’ jobo maa had Bible ne hẽn wii wuri, lan wii durgi lay.
Joŋ doo Pol no lay
3. Wo da’ jee ɓen diŋ de wur maaga co jag ɓe mono. Wii jag see ɓo ɗa: ‘Á joŋ go de koɗ na hunlà, day ndi da’n na la genlà? Á da’ nen maa ndalge de ɓi na hunlà?’ Fer mbo wo da’ jee ɓe no, koh wur maaga á maŋ ne mo hay ba de cõõre jag ɓo wa.
4. Maŋ wee wur maa ferge yiŋgi de kẽẽ. Tum de maaga nday taw ndalgen go mono, fer maŋ wur maa tigriŋ maa ndalge de jee ɓen blam pa. Hoo sug ti wur maaga nday maŋ ne mono.
5. Woo do go wa. Hayga tum, ndo yaŋ bay we da’ jobo liŋ wa, noga ga ndo yaŋ da’ge ɓe go de joŋre do no, wãã go tu ga á bay de sãy wããren ti wa wa (1 Kor. 13: 4, 7). Hay mbo tum kiɗgi ɓe, amaa joŋ ne de koge re nen maaga ndo mo ɓlag wur maa do ɓon go wa—1 Kor. 9:26.
