Yeso joŋ na joŋge là

Naa had mayse see Yeso là?

2. Naa de sãy gorge desãy ti, werga jar maa po yãã wo wããren deparday ga.

 Joŋ doo Yeso no lay

3. Kiɗ ɗeŋ maa tigriŋ maa sii wããre ne jee ɓe no. Hayga jee ɓen yãã hadge Biblen we gus tu ga no, joŋ doole ɓe wa. Joŋ joŋre de videyo wo, noga de artikle maaga ngaɓ wo ne hẽn ga à see de hadge Bible na seega là, day á da’ may wer hadge Bible la lay mono.

4. Ngaɓ jag ɓe de jee tigriŋ wa. Wosela ɓuy sara. Maapo jee maa liŋ ni ɓay, noga jee maaga ndo fer wo da’ge ɓe mbraw maa yãã hadge Bible, noga day yãã fẽn po maaga Bible had ne ga. Á yaŋ doo sen ne no, ni ndo wii jag see ɓo ga á bay dayge wa wer maylà. Á de sa’ see ɓe see hadge po maa ti jag-Baa maaga á ni debaŋ yaw? Jar maa liŋ ni ɓaara, noga jar leege ɓe jãɗ wo nen ɓe yaw? Men wur ne hẽn maa ɗiggi ti fẽn maaga ndo had ne hẽn mono, lan maa ko de el fẽn maaga Bible had mono.

5. Tos ti ɓe. Tos Jeofa maaga ndo mo woo do go wa, lan maaga ndo mo wãã wããre ne jee ɓen de hooge sugi. Maapo ga jee ɓen bay de sãy wããren ti wa so hase. Tos Jeofa maaga á mo kay ndo maa koge ga á mbe doo sen ne cwãy no, ni ndo men woge go da’ge ɓe—1 Kor. 9:26.