“Baa . . . tag ge mberbe ma nen ɓaaran go ɓuy, jobo hu ga so, jobo law see ɓe ti ree po ga so, jobo ndum ti ree po ga so, ceege joŋ jobo ga so, fěěre ma ɓaa taw ge wo go ɓuy.”—Naage Nene 21:3, 4, Wããre Baa.

Baa bay kaŋ gayri ne jobo ti wa.—Jag 1:13.

Naa da’ teŋge nen werga naa de koge ga Baa de ko gayri na wo.—Sakari 2:12.

Baa caa wer gayrin yaŋ go.—Siŋ Wora 37:9-11.

À mbe de el ma hã ɓil, diŋ wer wããre po wo ɓoge:

• Baa bay de dage ga na mo joŋ bon wa, à diŋ je ma joŋ ree ti ngeel ɓe de deele. Ɗig wee ti wur maga jar Jwif hay wo le ti bone ɓil sir ma Ejipte mo ɗa, Baa hay ko bon ɓaara no. Kefder Baa wãã ga Baa hay ko decoo ɓaara ti ndumgi maga saara hay ndumgi “do jar maga hay wo joŋ bon ɓaara, day hay wo las rage lay mono.”—Jar Car Kiida wo 2:18, Wããre Baa.

  Baa bay de sãy jar debaycõõre wo ti wa hase. Kefder Baa wãã ga, “jee ĩd jar go de koɗkoɗ no” diŋ mopo ma de yeɗe nen se.—Jag Jõõ wo 6:16, 17.

• Baa koɗ wosela ɓuy. Baa de ko jiili jar tebeere wo ɓuy diŋ se boŋ, do maga “wosela ɓuy de ko bon” ma se ɓe nono!—2 Kronig 6:29, 30.

  Baa cage wer bon ma ti wosela ɓuy yaŋ go de Twaywaŋ ɓe no. (Matiye 6:9, 10) Patala mono, Baa coɓ nen jar maga kiɗ wo ne go de jiili ɓaara ɓuy mono.—Joŋre 17:27; 2 Korente wo 1:3, 4.