Jar maaga wo de da kããra defay ɗig wo ga fruygi maaga saara da’ ne wur dage kẽẽ saaran joŋ ge mbe tum. Sen mbe ti ngeel ɓe. Krétiyẽ maaga wo go de iggi de da kããra, ga dur wo maa hoo sug ti yaŋ maa ɓil Biblen wo mono, wo de da’ wer ne sen ɗawa.

1. Wããre Baa baa yaŋ maa hõn wo ne jee tiŋ là?

Jeofa hay jee twar diŋ waŋ ɓi feele (Jaŋ Efes wo 5:23). Á da ga jee twar mo joŋ fẽẽre maa de woore wo, ga kay jar maa ɓi feele ɓen yaŋ wo mono. Bible wãã ne werpiiri wo ga: “Hay we tum da naare ɓay wo” (Efes wo 5:25). Sen da wããge ga hãylà? Jee twar maa de dage ɓil da wãy ɓe de maaga á yaŋ liŋ no, de maaga á yaŋ yoo ngaɓa mo lay. Á joŋ nen maaga re maa de ɓlagge mo da’ ne wa, joŋ ga á mo hay tum de fruygi, hã fẽẽre maaga á de sãy ɓaara ti ne hẽn lay (1 Timote 5:8). Fẽn maaga daŋgo ɓuy diŋ ga á mo kay wãy ɓen nen maaga á mo hay see Baa mbaŋ (Matiye 4:4). Ko ba ɗa: á tos Baa de wãy ɓe, jaŋ Bible de ɓe lay. Jee twar maaga sena’ wãy ɓe mono, holaŋ ɓaara joŋ de Jeofa de woore debaŋ.—Jaŋ 1 Piyer 3:7.

2. Wããre Baa baa yaŋ maa hõn wo ne wãy là?

Wããre Baa wãã ga “wãy [. . . ] mo hay hoo sug ti war ɓe debaŋ” (Efes wo 5:33, NWT). Á hoo sug ti war ɓe debaŋ na hooge là? Á de el maaga á mo ɗig ti joŋre war ɓe maa de wooren wo no, ti durgi maaga á dur ti ɓe, lan ti weere ɓaaran wo mono. Á mo yãã jag ɓe ti ɗiggi maaga á far ra mono; mo wãã wããre ne hẽn desãy, lan mo kee ne yoo ngaɓa lay; koh á mo hay ba goŋ Jeofa wa.

3. Jee twar wo de wãy joŋ wo joŋge maaga dage maa ti holaŋ ɓaaran mo ya’ wer ciŋ ni là?

Bible wãã ne jee twar wo de wãy ɓe ga: “Á wo ɓog ɓuy raw wo kolge go diŋ hõõgese po boŋ” (Matiye 19:5). Sen da wããge ga á mo dur wo maaga dage maa ti holaŋ ɓaaran mo woo go wa. Maa joŋge doo sen ne mono, á mo hay wo da iggi see kããra, mo hay wo da wãã cwãy ne kããra, mo hay wo da wãã ɗiggi ɓaara ne kããra lay. Jee twar no, noga wãy no, ko jobo noga fẽn po dedaŋ jee teɓog ɓen ga, sãy diŋ Jeofa. Wosela yoo ɓaara ɓog ɓuy dur maaga se mo sa’ barge maa de baywoore de jee tigriŋ wa.

 FRUGGI NEN HADGE NO

4. Werpiiri wo—da wee naara ɓay wo, ko wee el ɓaara

5. Naare wo,—da wee werpiiri ɓay wo, hoo wee sug ti ɓaara

Bible jor glog wãy ga á mo hay hoo sug ti war ɓe, koh war ɓe mo hay ba goŋ Jeofa wa. Jaŋ 1 Piyer 3:1, 2, ni ndal wee ti wiigi jag maa blam la wo no:

• Hayga war ɓo bay we goŋ Jeofa wa no, ɗiggi ɓo mo hay de kaŋge ta’ ga á ya’ yaŋ mbe goŋge ɓe wurpo. Ndo ɗig ga du’ ge jiili ɓe na diŋ maylà? Siigi wããre Baa ne hẽn ceɓ yaw, noga joŋre ɓo maa de wooren wo de hooge sug maaga ndo hoo ti ɓe mono? Wer maylà?

Jee twar wo de wãy ɓe mbaara de kããge maaga saara maŋ ɗiggi maa de woore de kããra.  Amaa, day maapo ɗiggi ɓaara tab kẽẽ ga. Wãyn mo wãã ɗiggi ɓe ne war ɓen desãy, de hooge sugi, amaa á mo hay de kaŋge ti ɓe ga Jeofa de hã faage ne war ɓe maa far ɗiggi maaga kay wo ɓi feele ɓaara no. Á mo kay war ɓe maaga ɗiggi maaga á maŋ ne mo ɓo’ ti go de woore. Doo sen ne kay fruygi joŋ yaŋ ɓi feele ɓaara no. Jaŋ 1 Piyer 3:3-5, ni ndal wee ti wiigi jag maa blam la no:

• Jeofa ko wãy maaga hoo sug ti war ɓe na koge là?

6. Kne’ wee re maaga hãy wo holaŋ ɓay mono

 KLUURI HADGE NO

Jee twar wo de wãy ɓe yaŋ wo da kããra, yaŋ wo hoo sug ti kããra, lan yaŋ wo joŋ joŋre de wããre maa ɓil Biblen no, saara joŋ yaŋ ti desãy debaŋ.

Ferge ko nen hadge no

• Jee twar joŋ diŋ mayse maaga fruygi mo hay ɓi feele ɓen là?

• Wãy joŋ diŋ mayse maaga fruygi mo hay ɓi feele ɓen là?

• Hayga ndo yaŋ go diŋ jee tiŋ noga wãy no, yaŋ maa hõn ɓil Bible kay ndo maa ya’ wer da jee teɓog ɓon ciŋ ni là?