Jeofa joŋ naa, day hã kado maa de woore debaŋ ne naa. Kado sen diŋ wããge wããre. Á de ko maaga naa joŋ joŋre de kado sen na joŋge là. (Jaŋ Jag 1:26)! Naa wãã wããre de ɗeŋ maaga á mo hay de cõõre jag Jeofa na wããge là?

1. Naa joŋ joŋre de kado maaga Jeofa hã ne naa na joŋge là?

Bible wãã ne naa ga naa mo “hã [ . . . ] ẽgre ne kããra, coɓ nen kããra” (1 Tesalonig wo 5:11). Ndo ɗig yaŋ ti jobo maaga de sãy teŋge nen ti yaw? Ndo joŋ joŋge maa teŋ nen ɓe là? Ndo wãã yaŋ ne hẽn ga á co jag ɓo debaŋ? Ndo wãã yaŋ ne hẽn ti mopo maaga de cõõre jag ɓe. Ndo kiɗ verse po maaga coɓ nen jobo maaga ndo de koge ɓe, ga nen re yaŋ? Verse mbaara ngaɓa deŋ. Hay de koge ga ɗeŋ wããge wããre ɓon coɓ nen jar debaŋ. Hay durgi maaga ndo mo hay wãã wããre de gẽẽge maa de woore, desãy lay—Jag jõõ wo 15:1.

2. Wããre maa hõn wo ga naa mo wãã ra wa là?

Bible wãã ga: “Daga wããre ma bay ngar mo kal le go jag ɓay wa” (Jaŋ Efes wo 4:29). Sen da wããge ga naa mo men wããre maa de ɓlagge wo, noga wããre maaga cee wo jiili jar go. Sen da wããge pa ga naa mo men riŋgana wo de carge wer jar go lay—Jaŋ Jag jõõ wo 16:28.

3. Mayse kay naa maa wããge diŋ wããre maaga coɓ jar là?

De ngar ngeel maa po wo mono, wããre maaga kal le go jag naa diŋ maaga le jiili naa cwãy; noga maaga de gay naa nen ɗiggi (Lug 6:45). Diŋ wersen so ga naa mo hay tum durgi maa ɗiggi diŋ ti fẽẽre maa de woore wo—ti fẽn maaga keɗede, ti fẽn maaga bay ɗage, ti fẽn maaga à da ne, ti fẽn maaga à kee ne (Filip wo 4:8). Maaga naa mo hay ɗiggi tum diŋ ti fẽẽre sen wo mono, nen daga naa mo baa barge diŋ de jar maa kedeɗ wo, lan hay joŋge diŋ hrag maa de woore wo lay (Jag jõõ wo 13:20). Taŋgu maaga naa wãã mopo mono, á de el maaga naa mo ɗig go de woore peel bol ɗa pa. Ɗig ti maaga jar ko ge wããre ɓon na koge là. Bible wãã ga: “Je maga wãɗ jag kluu mono, wããre ɓen car jar doo moslam nono amaa jag jar ma de ko reen rug wo wããge”—Jag jõõ wo 12:18.

 FRUGGI NEN HADGE NO

4. Naa ɓo’ trum ne wããre ti na ɓo’ge là

Ti wur maa po wo mono, naa fer ɗiggi ga naa de wãã wããre po maaga naa hay wãã ne ga ɗawa (Jag 3:2). Jaŋ Galad wo 5:22, 23, ni ndal wee ti wiigi jag maa blam wo la no:

• Maa ɓo’ trum ne wããre ti mono, ndo de tos Jeofa ti joŋre maa hõn wo là? Joŋre sen kay wo ndo na kayge là?

Jaŋ 1 Korente wo 15:33, ni ndal wee ti wiigi jag maa blam la no:

• Jar maaga ndo see wer ɓaara, lan hrag maaga ndo joŋ ra hãy wo wããre ɓo na hãyge là?

Jaŋ Eklesiyaste 3:1, 7, ni ndal wee ti wiigi jag maa blam la no:

• Ti re maa hõn wo ga naa hay wãã wããre ga là, noga de gor wur maa de woore maa wãã wããren là?

 5. Hay wããge ti jar de woore

6. Hay wãã wããre ne jar maa liŋ ni ɓay wo de woore

 KLUURI HADGE NO

Wããre maa jag naa kay jobo, noga cee ne. Á de el maaga naa mo ɗig ti wããre maa jag naa wo no, ti ɗeŋ maaga naa wãɗ ra, lan ti wur maaga naa wãɗ ra mo lay.

Ferge ko nen hadge no

• Ndo wãã wããre maaga á mo kay jar na wããge là?

• Ndo men wãɗ wããre maa ẽse wo go là?

• Mayse kay naa maa wãã wããre de gẽẽge maa desãy, de woore lay là?