HADGE 53

Hrag maaga wo de cõõre jag Jeofa.

KAŊ NE

Jeofa diŋ “Baa maa de fruygi” (1 Timote 1:11, NWT). Á da ga naa mo hay de fruygi, mo hay joŋ naw naan de woore lay. Maaga naa maŋ wur maa ig see naa, lan maa joŋ hrag mono, sen co jag ɓe. Naa da’ fruygi wer hrag maaga naa joŋ ra na da’ge là? Naa fruy ɓil Jeofa de hrag maaga naa joŋ ra na fruygi là? Naa ko wee ɗeŋ ɓen wo ɓil hadge sen la ɗa.

1. Naa le’ joŋ hrag we naa mo ɗig go ti mayse peel bol ɗa là?

Ndo yaŋ de sãy caa see ɓo go ti no, ndo joŋ diŋ mayse là? Jar maa po yaŋ wo de sãy caa see ɓaara go ti no, á lag wo diŋ liŋ tu, ‘waa wo siŋ, ko wo videyo, noga kal wo ɓil internet. Jar maa po da wo joŋ hrag de kããre ɓaara wo—laa wo go mbeɗ ɓaale ɓaara sug sugi, raw wo blumgi nen bii, noga joŋ wo mbaara hrag po hãy koɗe. Koh naa mo joŋ ba diŋ hrag maa hõn ne, naa mo kiɗ diŋ maaga “co wo jag Waŋkluu mono” (Efes wo 5:10). Sen de woore debaŋ werga, hrag maaga wo de fẽẽre maaga Jeofa caa hee de ɓaara raw wo puri; doo girgiri, figliw, noga fẽẽre maa nen suŋgu wo (Jaŋ Siŋ wora 11:5). Mayse kay naa maaga naa mo joŋ diŋ hrag maa de woore là?

Hayga naa baa barge we diŋ de jar maaga da wo Jeofa no, á kay wo naa yaŋ maaga naa mo kiɗ diŋ hrag maa de woore wo. Doo maaga naa hay ko le go ti hadge maa de 48 ne mono, “je maga see wer jar ko re wo mono, kol go de ko re lay”. Amaa, hayga naa yaŋ tum tayge de jar maaga bay wo da jag liŋgi maa ni Jeofan wa no, naa “ɓo’ge ti go de ɓlagge” lay—Jag jõõ wo 13:20.

2. Wer mayse ga á de woore maaga naa mo ko wur maaga naa joŋ ti hrag mo là?

Koh hrag maaga naa joŋ mo hay ba de woore, naa mo hay joŋ haya ne see naa ti wur maaga naa ig koge ɓe mono. Naa yaŋ joŋge doo sen ne no, naa da’ wur maa joŋ joŋre maa de woore maa tigriŋ wo yaŋ. Bible jor glog naa maaga naa mo “ɓlag wurn wo go wa”, noga maaga naa mo joŋ joŋre de wur maa do naan wo de woore—Jaŋ Kolos wo 4:5.

FRUGGI NEN HADGE NO

Naa ko ga hrag po mbe de woore maa joŋge na koge là?

3. Ɗee go see hrag maa de baywoore wo

Wer mayse ga á de el maaga naa mo kiɗ hrag maaga naa joŋ ra de ko re là? Ko VIDEYO, ni ndal wee ti wiigi jag maa blam la wo no.

VIDEYO: Joŋ diŋ hrag maa de woore wo (4:39)

Hrag maaga jar Rom hay wo joŋ rage ɓaa wo de maŋ maa hõn wo wara là?
Ɓil videyon la mono, Dani da’ ti joŋge hrag ga hãylà?

Jaŋ Rom wo 12:9, ni ndal wee ti wiigi jag maa blam wo la no:

Verse sen kay mo ti ɓaŋ joŋge hrag na kayge là?

Joŋre maa hõn wo ga Jeofa caa hee de ɓaara là? Jaŋ Jag jõõ wo 6:16, 17 lan Galad wo 5:19-21. Nday jaŋ verse maa hõnla ɓuy we go no, ndal wee ti wiigi jag maa blam la no:

Ɓil verse sen la mono, fẽẽre maaga naa da’ ra nen hrag maa waran wo diŋ mayse wo là?

Ndo far hrag ɓon wo de ko re na farge là?

Wii jag see ɓo ga:

Á diŋ maylà? Mayse ɓil hrag sen la ni ga co jag Jeofa ga là?
De wur maa hõnlà? Hrag sen maŋ jag ɓi go maa joŋ joŋre po maa tigriŋ wo de woore yaw?
De wose là? Á joŋ ge ga ndi mo hay barge, noga mo hay tum de jar maaga bay wo da Jeofa wa yaw?

Maaga re maa de baywoore mo da’ naa wa mono, naa mo lag go see ɓe hãã. Doo sen ne lay mono, naa mo ɗee wee go see hrag maaga kaŋ wo taw naa go mono

4. Joŋ joŋre de wur maa do ɓon wo de woore

Ko VIDEYO, ni ndal wee ti wiigi jag maa blam la no.

VIDEYO: Joŋ joŋre de wur maa do ɓon de woore (2:45)

Hẽn naan hay bay ko mopo maa de baywoore wa. Day ren hay diŋ maylà?

Jaŋ Filip wo 1:10, ni ndal wee ti wiigi jag maa blam la no:

Verse sen kay naa na kayge ti maaga naa ig joŋ hrag gemayla ne?

5. Joŋ diŋ hrag maa de woore wo

Hrag maa po bay mbaara de cõõre jag Jeofa wa, amaa maa de woore mbaara deŋ. Jaŋ Eklesiyaste 8:15 lan Filip wo 4:8, ni ndal wee ti wiigi jag maa blam la no: