HADGE 55
Hay kay tayge maaga ndo ni mono
Go ti tamsir krub ɓuy mono, jar milyoŋ pur de goŋ Jeofa de fruygi ɓil tiŋ-Baa wo ngaɓa debaŋ. Ɓil ɓaara go feh ti hadge wo de yaŋ maaga á da’ wo mono, lan saara kay tayge maaga saara ni go de jiili ɓaara ɓuy de ɗeŋ maa wer sar sar wo. Ndo mbo de joŋge ti tayge maaga ndo ni doo sen no lay yawlà?
1. Ndo joŋ joŋre de wur maa do ɓon wo de ẽgre ɓo maa kay tayge maaga ndo ni na joŋge là?
Wosela yoo naa ɓuy de kããge maa kay tayge maaga se ni mono. Jar maaga wo go de garge, noga wo de ceege yaŋ wo ti tayge maaga ndo ni mo yaw? Ndo kay ra yaŋ maa woge ti taygeti wo? Noga ndo kay ra yaŋ ti joŋge peele, doo yogge tiŋ ɓaara, noga yeege rege le ne hara yaw (Jaŋ Jag 1:27)? Naa mbe de kããge maa kayge ti yogge tiŋ-Baa, ti joŋre maa coor fẽẽre maa ɓil ɓen wo maaga á mo hay tum de woore. Jobo joŋ doole naa ti sen ga. Naa “hã see [naa de see naa]” werga naa da Baa wo de hẽẽre naa wo no—Siŋ wora 110:3.
Jar maaga wo go de joŋ batem kay wo mbaara taygen de ɗeŋ maa tigriŋ wo pa. Werpiiri maaga bag wo jag joŋre maa ti nentersen wo go de woore kol wo go jar maa kay jar maa peel tayge wo. Blam, saara kol go jar maa peel tayge lay. Werpiiri wo de naare wo ɓuy tu mbaara de kããge maa kay taygen de siigi wããre Baa. Á da wo we no, saara mbaara de kããge maa kol piyoniyẽ. Sedeewa Jeofa maa po kay wo ti joŋre borge tiŋ-Baa wo, noga raw wo kay tayge maaga wo de sãy kayge ti mono.
2. Naa kay taygen de fẽẽre maa do naa wo na kayge là?
Bible jor glog naa ga naa mo “goŋ Baa de horog [naan] wo” (Jag jõõ wo 3:9). Ɓil naa go de fruygi ti maaga naa kay tayge naan de suŋgu maa do naa no, noga de fẽẽre maa do naa wo no mono. Suŋgun wo de fẽẽren kay wo maaga joŋre siigi wããre Baan mo joŋ go ti tamsir krub ɓuy (Jaŋ 2 Korente 9:7). À joŋ joŋre de suŋgu maaga naa hã ne maa kay hẽẽre naa maaga re maa doo bii maŋge wo de leege ɓlag wo fẽẽre ɓaara wo go mono. Jar maa po “ɓo’ wo mopo go ti nen” tum maa hãge ne Jeofa (Jaŋ 1 Korente wo 16:2). Naa ɓo’ mbe ne ɓil kes maa ti tayge naa no, noga ti donate.pr418.com. Naa ngaɓ go ga naa da Jeofa na de ɗeŋ maaga naa joŋ joŋre de fẽẽre maa do naan wo mono.
FRUGGI NEN HADGE NO
Ɗeŋ po maaga ndo kay tayge maaga ndo ni de ɓaara.
3. Naa joŋ wee joŋre de horog maa do naan wo maa kay tayge no
Jeofa wo de Yeso da wo jar maaga hã wo ɓaaran de fruygi mono. Ko ba ɗa, Yeso kee wãy dewur po maaga hay go de coco hase, day hã mbe mopo ne Jeofa mono. Jaŋ Lug 21:1-4, ni ndal wee ti wiigi jag maa blam wo la no:
-
Naa co jag Jeofa diŋ ga ni naa de hã suŋgu ne hẽn pur yawlà?
-
Fẽẽre maaga naa hã ra go de jiili naa ɓuy joŋ wo see ne Jeofa wo de Yeso na joŋge là?
Maa koge ga suŋgu maaga naa hã ne, à joŋ joŋre de ɓe joŋge là mono, Ko VIDEYO, ni ndal wee ti wiigi jag maa blam la no.
-
Fẽẽre maaga naa hã ra kay tayge maa ti tamsirn wo ɓuy na kayge là?
4. Hã see ɓo go ti joŋre maa kay tayge no
Le ɓaa mono, jar maa ni Jeofan hay bay wo hãge diŋ suŋgu tawa wa, á hay wo joŋ joŋre nen maaga ngeel taygen mo hay wo go tum de fããge lay. Jaŋ 2 Kronig 34:9-11, ni ndal wee ti wiigi jag maa blam la no:
-
Jee Israyel maa hõnla ɓuy hay joŋge joŋge maaga tiŋ maa ni Jeofan mo hay go de fããge là?
Naa ko maaga sedeewa Jeofa maa waran joŋ wo fẽẽre doo maaga Bible wãã ne taw taw tu mo ɗa, Ko VIDEYO, ni ndal wee ti wiigi jag maa blam la wo no.
-
Wer mayse ga á de el maaga naa mo hay fãã tiŋ-Baa naan wo go, lan mo hay coor fẽẽre maaga ɓlag wo go ɓil ɓe ni mo lay là?
-
Ndo kay ti ɓaŋ sen na de ɗeŋ maa hõn lay là?
5. Werpiiri mbaara de kããge maa ya’ wer joŋ joŋre ciŋ ni ti ɓaŋ nenterse maa kay tayge no
Kefder Baa jor glog werpiiri wo maaga á mo bag wo jag joŋre maa ti nenterse maa nen do ɓaaran wo go maa kay tayge no. Maa ko saɓlaŋ po mono, Ko VIDEYO, ni ndal wee ti wiigi jag maa blam la no.
-
Ɓil videyon la mono, Rayan joŋ diŋ mayse maa ya’ wer kay taygen de peel ni là?
Bible ngaɓ ɗeŋ maaga jobo kol go diŋ jee maa peel tayge noga jee kay jar maa peel tayge wo. Jaŋ 1 Timote 3:1-13, ni ndal wee ti wiigi jag maa blam wo la no:
NAA YAŊ LAƊGE GA: “Sedeewa Jeofa da’ wo suŋgu maa joŋ fẽẽre maa ɓaaran wo mo deŋ ɓuy genlà?”
-
Ndo fer ni na ga hãylà?
KLUURI HADGE NO
Maaga naa hã suŋgu, de fẽẽre ne Jeofa mono, se co jag ɓe debaŋ.
Ferge ko nen hadge
-
Naa joŋ joŋre de wur maa do naa, lan de ẽgre naa maa kay tayge maaga naa ni na joŋge là?
-
Naa joŋ joŋre de fẽẽre maa do naa wo maa kay tayge maaga naa ni na joŋge là?
-
Ndo de sãy kay tayge maaga ndo ni na de ɗeŋ maa hõn wo là?
MAA DA’ WER PA
Baa bay wii dim do krétiyẽ wo wara wa wer maylà?
« La dîme : Que dit la Bible à ce sujet ? » (article jw.org)
Joŋre maa po wo ti tayge wo maa hãge diŋ ne werpiiri maaga wo go de joŋ batem tawa. Maa twãy maaga go de joŋ batem mbe de kããge maa joŋ rage lay yawlà?
« Le principe de l’autorité dans l’assemblée » (La Tour de Garde, Février 2021)
Ko maaga hẽẽrebe po hã wo see ɓaara go maa woge de kefder wo ne hẽẽrebe wo mo ɗa.
À poɗ sedeewa Jeofa wo ti joŋre maaga à joŋ wo mo yawlà?
« Comment les Témoins de Jéhovah financent-ils leurs activités ? » (article jw.org)
