HADGE 16

Yeso hay joŋ may de maaga á hay gesiŋ la mo là?

KAŊ NE

Jar debaŋ ɗig wo ga Yeso hay diŋ mbarga maa klee maaga jee ooge ti ɓe bay wa; ga á diŋ jee ndar nen wããre Baa maa de ko re; noga jobo maaga go de kos húulí. Day hayga naa kiɗ wer we ne naw ɓe maaga á hay gesiŋ la no, naa had mayse ti ɓe là? Ɓil hadge sen la, naa ko fẽẽre maaga Yeso joŋ ra yaŋ, lan naa ko ɗeŋ maaga á kay wo ndo kayge la yaŋ.

1. Joŋre maaga hay daŋ go nen Yeso diŋ maylà?

Joŋre maaga hay daŋ go nen ɓe diŋ “siigi Wããre maa de Cõõre maa ti twaywaŋ maani Baan” no (Jaŋ Lug 4:43). Á sii wããre maa de cõõren ga Baa age yaŋ de twaywaŋ noga gomna po maaga ‘wũyge re maa see jar téebeere yaŋ wo go ɓuy. a Yeso joŋ joŋre de gayri nen kiŋgi swa’ de reeda maa sii wããre se maa hã coɓge ne jare—Matiye 9:35.

2. Wer mayse ga Yeso joŋ fẽẽre mbuɗgi wo là?

Bible naa wer “fẽẽre mbuɗgi wo de fẽẽre maa joŋ hẽẽne maaga [Baa] joŋ ra de [Yeso] mono” (Joŋre 2:22). Baa hay hã ẽgre ne Yeso maa dig leege, maa hã rege ne jar ndar puri, maa pẽẽ cege wo go, lan maa bir húulí wo le go (Matiye 8:23-27; 14:15-21; Mark 6:56; Lug 7:11-17). Fẽẽre mbuɗgi maa ni Yeson ngaɓ wo go ga hay ɓo’n le diŋ Baa. Á ngaɓ wo go pa ga Jeofa de kããge maa ‘wũy re maa see naa wo ɓuy.

3. Seele Yeso maaga á hay ti tamsir la had naa ga haylà?

Yeso hay hoo sug ti Jeofa ti ren wo ɓuy (Jaŋ Jaŋ 8:29). Yeso hay joŋ fẽẽre maaga hay co jag pan ɓe de deele hã go ti wur húulí ɓe, koh de maaga à hay mbe joŋ bon ɓe mono. Saɓlaŋ Yeson ngaɓ go ga jar téebeere mbaara de kããge maa joŋ joŋre ne Jeofa koh á mo hay ba wo nen re maa de gayri laybla no. Yeso “raw kaŋ nen [naa] ti ɓe ga [naa] mo maŋ blam se lay”—1 Piyer 2:21.

FRUGGI NEN HADGE NO

Ko maaga Yeso hay sii wããre ma de cõõren wo de fẽẽre mbuɗgi maaga á hay joŋ ra ge mo ɗa.

4. Yeso hay sii wããre maa de cõõre no

Yeso hay seege nen ɓurgi ti faage maa jag de pããrege wo; sii wããre maa de cõõren go ne jar maaga se da’ ra mo ɓuy. Jaŋ Lug 8:1, blam ni ndal wee ti wiigi jag maa blam la wo no:

Yeso hay sii wããre diŋ ne jar maaga hay wo age laa wããre ɓe mo tawa tu yawlà?
Yeso hay durgi na durgi maa da’ jar là?

Baa hay wãã go peel bol ga Mesin siigi wããre maa de cõõren yaŋ go. Jaŋ Esay 61:1, 2, blam ni ndal wee ti wiigi jag maa blam wo la no:

Yeso hay bag jag profesi maa ɓil Esayn go na bagge là?
Ndo mbo de ɗiggi ga jar mbe de sãy laa wããre maa de cõõre sen wara ti lay yawlà?

5. Yeso hay had hadge maa kay jare

Ciŋ ti maaga Yeso sii wããre maa ti twaywaŋ maani Baan go mono, se hay had hadge maa kay jar debaŋ. Naa ko yoo wããre ɓe maaga á sii ciŋ ti húulì mo ɗa. Jaŋ Matiye 6:14, 34 lan Matiye 7:12, blam ni ndal wee ti wiigi jag maa blam wo la no:

Yeso baa yaŋ maa hõn wo de woore ɓil wããre sen wo lam ne?
Ndo mbo de ɗiggi ga yaŋ sen wo de kay jar wara lay yaw?

6. Yeso hay joŋ fẽẽre mbuɗgi wo

Jeofa hã ẽgre ne Yeso maa joŋ fẽẽre mbuɗgi wo. Ko saɓlaŋ po boŋ ɗa, jaŋ Mark 5:25-34 noga Ko VIDEYO ni ndal wee ti wiigi jag ma blam wo la no.

VIDEYO: Wãy maa de cege pẽẽ go (5:10)

Ɓil videyo sen la, wãy cegen hay go de hã ɓil ti maylà?
Mayse ngel mo ti fẽn mbuɗgi sen là?

Jaŋ Jaŋ 5:36, ni ndal wee ti wiigi jag ma blam la no

Fẽẽre mbuɗgi maaga Yeso hay joŋ ra “wãã wo” ti maylà noga ngaɓ wo mayse ti Yeso là?

Ndo hay mbo de koge ɓe no lay?

Wããre maa ti Yeso wo ɓuy naa da’ ra ɓil kefder maaga à ɗe ra ga Wããre Maa de Cõõre wo—Matiye, Mark, Lug, lan Jaŋ. Jar yer wããre sen wo boŋ boŋ ɓuy yer wo wããre sar sar ti Yeso ɓil ɓaara. Wããre maaga naa da’ ɓil kefder sen wo la mo ɓuy wãã wo ne naa ti Yeso de woore.

MATIYE

hay yer kefder Wããre maa de Cõõre maa taŋgu no. Á hay wããge debaŋ ti hadge maa ni Yeso ga wãã ti twaywaŋ maani Baan tawa tu mono.
MARK

yer kefder Wããre maa de Cõõre maa ɓen jag gedogleere de daŋ lan wo ɓuy. Á wãã ti fẽẽre wo ngaɓa maaga du’ wo jiili debaŋ lay.
LUG

ɓo’ sug debaŋ diŋ ti tosge, lan ti ɗeŋ maaga Yeso hay see naare wo ẽla mono.
JAŊ

wãã ɓen ti ɗiggi Yeso, naa wer wããre maaga Yeso hay wããge de bar ɓe wo, lan de jar ɓuy lay mono.