HADGE 13
Jag-Baa maaga bay wo ti ngeel ɓe wa dem wo ɗuu Baa na dem ge là?
Baa diŋ dage. Day wer mayga jar Jag-Baa maa po joŋ wo fẽẽre maa de ɓlagge debaŋ là? Werga á bay wo diŋ jar jag-Baa maa ti ngeel ɓe wa; á dem wo ɗuu Baa. Á joŋ wo diŋ mayse ga dem ɗuu Baa là? Baa ɗig ti ɓlagge ɓaaran na ɗiggi là? Day Baa joŋge ra na joŋge là?
1. Wer mayse ga hadge Jag-Baa maaga bay wo ti ngeel ɓe wa dem wo ɗuu Baa là?
Jar jag-Baa maaga bay wo ti ngeel ɓe wa “coo wo cwãy wããre Baa go de gete’e” (Rom wo 1:25). Ko ba ɗa, á bay wo had ɗuu Baa ne jar wa. Amaa, wããre Baa wãã ga naa mo hay joŋ joŋre de ɗuu Baa (Rom wo 10:13, 14). Pa mono, re hres we no, jar kluuri maa peel tiŋ-Baa po wãɗ wo ga á diŋ dage Baa. Amaa sen diŋ gete’e. Baa joŋ fẽn maa de ɓlagge ti boŋ ga hase (Jaŋ Jag 1:13). Diŋ wer gete’ sen wo so ga jar bay de sãy goŋ Baa wara ti wa mono.
2. Wer mayse ga joŋre jar Jag-Baa maaga bay wo ti ngeel ɓe wa dem wo ɗuu Baa là?
Jar kluuri maa peel tiŋ-Baa sen bay wo joŋ jar doo ga Baa da ne wa. Kefder Baa wãã ga ɓlagge ɓaaran “de tayge debaŋ raw hãã ciŋ” (Naage nene 18:5). Kiŋgi go wara kis kis puuri, jar jag-Baa maaga bay wo ti ngeel ɓe wa heer wo see ɓaara nen politik, nen durgi wo, lan saara kaŋ taw jar wo durgi debaŋ, noga húulì jar sen co wo jag ɓaara. Jar kluuri maa peel tiŋ-Baa maa po wiɗ wo suŋgu do jar maa ti jag-Baa ɓaaran wo maa joŋ duliyã ɓaara. Joŋre sen wo mo ɗeŋ ngaɓ wo go ga jar sen bay wo de ko Baa wa, day saara bay de kããge maa joŋ sedeewa ti ɗuu Baa wa.—Jaŋ 1 Jaŋ 4:8.
3. Jag-Baa maaga bay wo ti ngeel ɓe wa joŋ wo see ne Baa na joŋge là?
Hayga fẽẽre maaga á joŋ wo bay wo we de cõõre jag ɓo wa no, ndo ɗig ga á joŋge wo see ne Baa na joŋge lay là? Baa da jar ɓuy, amaa ɓil ɓe de sõõge ne jar maa peel ɓaaran ga dem wo ɗuu ɓe, day joŋ wo jar de ɓlagge lay mono ti. Baa ga se caa ge wer jag-Baa maaga bay wo ti ngeel ɓe wa yaŋ go ɓuy, day “à ko ge nen ‘ɓaara’ ga so hase” (Naage nene 18:21). Ig la mẽ’ koɗ mono, Baa caa ge wer jag-Baa maaga bay wo ti ngeel ɓe wa go ɓuy—Naage Nene 18:8.
FRUGGI NEN HADGE NO
Naa wãã go de woore ti maaga joŋre jag-Baa maaga bay wo ti ngeel ɓe wa joŋ wo see ne Baa mo ɗa. Lan naa ko fẽẽre maaga á joŋn wo go de woore, blam ɓe ni naa ko ga wer mayse ga sen mo hay maŋ jag naa go ko Jeofa wa là.
4. Jeofa yãã jag-Baa maaga bay wo ti ngeel ɓe wa mo ga
Jar ngaɓa debaŋ ɗig wo ga jag-Baa wo diŋ doo faage maa wer sar sar ga wo wo ni Baa ɓuy. Day sen diŋ cwãy ɓe yawlà? Jaŋ Matiye 7:13, 14, ni ndal wee ti wiigi jag maa blam la no:
-
Bible wãã ti faage maa da’ tenen maa tum na ga hãylà?
Ko VIDEYO ni ndal wee ti wiigi jag maa blam la no.
-
Bible wãã mbe na ga jag-Baa wo ɓuy mbaara de cõõre jag Baa yawlà?
5. Jag-Baa maaga bay wo ti ngeel ɓe wa bay wo joŋ jar de dage doo Baa no wa
Jag-Baa maaga bay wo ti ngeel ɓe wa dem wo ɗuu Baa de wer fẽẽre ngaɓa. Ko ba ɗa, jar debaŋ go de koge ga á heer wo see ɓaara nen durgi wo. Ko VIDEYO ni ndal wee ti wiigi jag maa blam la no.
-
Jag-Baa krétiyẽ maapo joŋ wo ti durgi maa kluu maa de ɓogn na diŋ maylà?
-
Á joŋ see mo na jonge ne?
Jaŋ Jaŋ 13:34, 35 wo 17:16 ni ndal wee ti wiigi jag maa blam wo la no:
-
Á joŋ see ne Jeofa na joŋge de maaga á ko jag-Baa sen wo heer see ɓaara nen durgi mo là?
-
Jag-Baa maaga bay wo ti ngeel ɓe wa joŋ wo fẽẽre maa de ɓlagge wo debaŋ. Ndo yaŋ de ko fẽẽre po wo de baywoore ga jag-Baa sen joŋ wo ra yawlà?
Jag-Baa maaga bay wo ti ngeel ɓe wa bay wo joŋ jar de dage doo ga Baa da no wa
6. Baa de sãy pog jar le go jag jag-Baa maaga bay wo ti ngeel ɓe wa mono
Jaŋ Naage nene 18:4, a ni ndal wee ti wiigi jag maa blam la no:
-
Á joŋ see mo na joŋge de maaga ndo laa ga Baa de sãy pog jar le go jag jag-Baa maaga bay wo ti ngeel ɓe wa mo ne?
7. Hay mbo tum had ko Baa maa cwãy no
Fẽẽre maaga jag-Baa maaga bay wo ti ngeel ɓe wa wãɗ wo noga joŋ wo, hãyn wo ɗiggi ɓo ti Baa yawlà? Ko ba doo maaga mbarga yãã jag pan ɓe ga, men tiŋ go, raw joŋ fẽẽre maa de ɓlagge wo mo ɗa. Fẽẽre maaga á joŋn bay de cõõre jag pan ɓe wa. Wer mayse ga á bay de el maaga ɗar pããben ti jonre mbarga ɓen wa ne?
-
Á mbe de el maaga mbuɗ faale ne Jeofa wer joŋre jag-Baa maaga bay wo ti ngeel ɓe wa yawlà?
NAA YAŊ LAƊGE GA: “Ndi bay de sãy laa wããre Baa ti wa, werga joŋ ɓlagge debaŋ diŋ jar jag-Baa wo yaw.”
-
Ɗiggi ɓo doo sen no lay yaw?
-
Wer mayse ga fẽẽre maaga jag-Baa maaga bay wo ti ngeel ɓe wa joŋ wo noga wãɗ wo mo hay hãy ɗiggi ɓo ti Jeofa wa ne?
KLUURI HADGE NO
Jag-Baa maaga bay wo ti ngeel ɓe wa dem wo ɗuu Baa wer hadge ɓaara wo de joŋre ɓaara maa de baywooren wo no. Baa yeeɗge nen ɓaara go ɓuy.
Ferge ko nen hadge no
-
Ndo ɗig ti hadge wo de joŋre jag-Baa maaga bay wo ti ngeel ɓe wa na ga hãylà?
-
Jeofa ɗig ti ɓaara na ga hãy lay là?
-
Baa joŋ ge jag-Baa maaga bay wo ti ngeel ɓe wa na joŋge là?
MAA DA’ WER PA
Wer jag-Baa maa kluuri ɓog maaga bay wo de cõõre jag Baa wa mono.
“Toutes les religions se valent-elles? Mènent-elles toutes à Dieu?” (ɓil jw.org)
Wer mayse ga Jeofa da ga naa mo tay see kããra maa goŋ se ge là?
“Est-il nécessaire d’appartenir à une religion organisée?” (ɓil jw.org)
Prètre po ya’ ɓod faare ti jag-Baa maaga á hay ni mono. Amaa sen laa maŋ jag ɓe go had cwãy ti Baa ga.
“Pourquoi un prêtre a quitté son église” (Réveillez-vous!, février 2015)
Kiŋgi go wara kis kis pur ga jag-Baa had wo ga Baa diŋ jobo maa debaycõõre maaga go see naa hãã. Ko cwãy po wo swa’ ga ngaɓ wo ga wããre ɓaaran diŋ gete’ mo ɗa.
“Des mensonges qui empêchent d’aimer Dieu” (La Tour de Garde, 1er novembre 2013)
a Maa laage ga wer mayse ga Naage nene ngaɓ jag-Baa maaga bay wo ti ngeel ɓe wa doo wãy po ga à ɗen ga Babilon maa kluu la mono, ko Ngeel maa laa were 1.
