Yeso had ga Krétiyẽ mo hay joŋ wo batem (Jaŋ Matiye 28:19, 20). Batem diŋ maylà? Day jobo joŋ diŋ mayse maaga se mo joŋ batem go là?

1. À joŋ batem joŋge là?

‘Batem’ ale diŋ see jag Greg. Se da wããge ga ‘wumgi’ nen bii. De maaga Yeso joŋ batem mono, à wumn nen pyew jurdeŋ, blam sen se raw “kalge le go ciŋ nen bii no” (Matiye 3:15,16). Krétiyẽ maa ti ngeel ɓen de joŋ wo doo sen no lay. À wum hõõgesen nen bii ɓuy tuu.

2. Batem ngaɓ diŋ maylà?

Batem ngaɓ ga jobo go de hã se ɓe ne Jeofa Baa. Jobo hã see ɓe go na hãge là? Taŋgu maaga á joŋ batem mono, á wãã ne Jeofa nen tosge ɓe ga se go de hã see se maa joŋ joŋre ne hẽn hãã tum. Á ha’ go peel Jeofa ga se goŋ yaŋ diŋ se boŋ tu, lan ga joŋge dage ɓe joŋ ge nen se de daŋ tenen maa see ti see se no. Á yãã ga se “men ɗiggi ti see ɓe go, . . . se maŋ blam” Yeso ti hadge ɓen wo de saɓlaŋ ɓen wo ɓuy (Matiye 16:24). Hãge see wo de joŋge batem ɓen bul wo faage go ne hẽn maa baa barge de Baa de hẽẽre ɓe maa lan wo lay.

3. Jobo joŋ mayse go taŋgu batem ɗa là?

Maa bag jag see ɓo go see batem mono, had wããre ti Baa lan ni ndo ya’ wer hãge ɓil ɓo ciŋ ti ɓe (Jaŋ Hebre wo 11:6). Koge re ɓo wo de hãge ɓil ɓo ti Jeofa ya’ wo we ciŋ no, ndo kol dage ɓe debaŋ lay. Sen go tinoo tu ga sãy siigi wããre Baa ndu mo ti; ndo hoo sug ti jag liŋgi ɓen wo lay (2 Timote 4:2; 1 Jaŋ 5:3). “Seele [bo] mo hay doo mani jar mani Waŋkluu wo nono, nen maga [ndo] mo hay de cõõre jag ɓe ti fẽẽren wo ɓuy,” taŋgu maaga ndo hã see ɓo go ne Baa lan ndo joŋ batem mono.—Kolos wo 1:9, 10. a

 FRUGGI NEN HADGE NO

4. Ɗeŋ maaga à joŋ batem Yeso de ɓe had mayse ne naa là?

Jaŋ Matiye 3:13-17 maa ko ɗeŋ maaga à joŋ batem Yeso de ɓe mo ɗa. Ni ndal wee ti wiigi jag maa blam la wo no:

• Yeso hay diŋ mbarga maa klee de maaga se joŋ batem mo yawlà?

• À joŋ batem mbe joŋge là? À hay kaa bii ne hẽn ti kaage yawlà?

Yeso tĩĩ wer joŋre maaga Baa hay hã ne hẽn do blam maaga se joŋ batem go mono. Jaŋ Lug 3:21-23; Jaŋ 6:38, ni ndal wee ti wiigi jag maa blam la no:

• Yeso hay hã see ɓe go ne joŋre maa hõn debaŋ blam batem ɓe mo là?

5. Ɗiggi ɓo mo hay de kaŋge ti Batem

Ɗiggi ti hãge see wo de joŋge batem joŋ hẽẽne de ngar ngeel maa po. Amaa, me’ me’ de maaga ndo gẽẽ ciŋ mokay, ndo wo koge ga ndo mo hay joŋ ne. Maa ko tee jar maaga hay joŋ wo doo sen ne lay mono, Ko VIDEYO.

Jaŋ Jaŋ 17:3; Jag 1:5, ni ndal wee ti wiigi jag maa blam la no:

• Mayse kay jobo maaga á mo bag jag see ɓe go maa joŋ batem là?

1. Jobo hã see ɓe go ne Jeofa diŋ de wããge ne hẽn nen tosge ga se go maa joŋre ne hẽn tum

2. Batem jobo ngaɓ go ga jee ɓen hay go de hã see ɓe ne Jeofa nen tosge

 6. Blam batem ndo kol go diŋ jee maa ɓi feele Jeofa

Blam maaga ndo joŋ batem go mokay, ndo kal yoo hẽẽrebe maa de tay jag boŋ ti tamsir ɓuy. Koh de maaga wùr nduu mbe le ti wer sir sar sar, ga wer wùr ɓe sar sar laybla’ mono, hãge ɓil wùrn ti mopo boŋ, wùr hoo sug ti jag liŋgi se boŋn wo lay. Jaŋ Siŋ wora 25:14; 1 Piyer 2:17, ni ndal wee ti wiigi jag maa blam la no:

• Batem kay mo maa ya’ barge ɓo ciŋ de Jeofa lan de hẽẽreben wo na kayge là?

 KLUURI HADGE NO

Yeso wãã ga jee maaga da we ga se see wer se no, say á mo joŋ batem go ɗa. Maa bag jag ɗiggi sen go mono, da ga hãge ɓil jee sen mo hay kluu ti Jeofa, seele ɓe mo hay doo ga Jeofa da nono, lan á mo hã see ɓe go ne Jeofa nen tosge lay.

Ferge ko nen hadge no

• Batem diŋ mayselà, day wer mayse ga á diŋ mopo maa de woore là?

• Batem ngaɓ may go là?

• Jobo joŋ mayse taŋgu maaga se hã see ɓe go ne Jeofa, lan se joŋ batem go là?