Jeofa de sãy maaga naa mo ko jar maa liŋ ni se maa ciŋ wo no. Jar peele Baa wo yoo jar maa liŋ ni ɓen wo ni lay; à ɗe ra ga “jar ni Baa wo” (Job 38:7). Bible had naa ti jar peele Baa wo ga hãylà? Á joŋ wo mayse ne jar téebeere wo là? Day jar peele Baa wo ɓuy lag mbaara we de deele peel Baa yawlà?

1. Jar peele Baa wo diŋ wose wo là?

Jeofa joŋ jar peele Baa wo go taŋgu maaga see joŋ ngeel maa gesiŋ la no. Á wo diŋ jar maaga nen bay ko ra ge wa, doo maaga nen bay ko Jeofa wa no lay no. Á wo le de lag ge ciŋ ti jeŋ ɓe (Hebre wo 1:14). Jar peele Baa wo milyoŋ puri, day saara sar sar ɓuy lay (Naage nene 5:11). Á “bag wo jag joŋre wããre ɓen go . . .  hoo wo sug ti gẽẽge wããre ɓe no” (Siŋ wora 103:20). Nen wur maa ɓaa le mono, Jeofa hay laa jar peele ɓe wo maa wãã wããre ɓen, noga maa kay jar maa ɓen wo; lan maa yãã rage go. Wara lay, jar peele Baa koɗ wo naa ne jar maaga wo de sãy ko Baa ti mono.

2. Satan wo de sõõre ɓen wo diŋ wose wo là?

Jar peele Baa maapo lag wo de deele peel Jeofa ga. Jee peele Baa maaga mbiɗ faale ne Baa taŋgu diŋ je peele ɓe “maaga à ɗen ga Manhúulɩ́ noga Satan, ga de jãɗ jar maa ti tamsir wo la krub ɓuy mono” (Naage nene 12:9). Wer maaga Manhúulɩ́ hay de sãy wãã wããre jar ti so mono, se jor glog jar téebeere maa taŋgun wo de jar peele Baa maa tigriŋ wo maaga á mo mbiɗ wo faale ne Baa doo se no lay. À ɗe jar peele Baa maaga faa wo jag ɓe ga sõõre wo. Jeofa raw laa rage le go gesiŋ, day caa ge wer ɓaara ge go pa—Jaŋ Naage nene 12:9, 12.

3. Satan wo de sõõre ɓen baa wo bii naa na baage là?

Satan wo de sõõre ɓen baa wo bii jar de fẽẽre maa nen suŋgu wo debaŋ, ga diŋ ɗeŋ maaga jar téebeere wãã wo wããre ne sõõre wo de ɓe mono. Sen diŋ doo maaga, jar maapo raw wo see jar maa de ko wer ger wo, noga jar halge wo; jar ndar fiyeŋ wo; jar saŋgu maa gesiŋ wo. Jar maapo raw wo kiɗ pẽẽge see fẽẽre maa nen suŋgu wo. Jar maapo baa wo bii jar de wããge ga saara de wãã wããre ne húulí wo. Amaa Jeofa ɓo’ sug naa ga: “Joŋ we nen ngiɗ nen wo see jar maaga ɗe wo nenterse wo mo wa, jar maaga ndar wo nen wããre maa peel wo go mono, kiɗ we ra wa” (Joŋre Jar Lefid wo 19:31). Á ɓo’ sug naa diŋ maa yãã naa go do Satan wo de sõõre ɓen wo no. Á wo diŋ jar hee Baa, day da wo ga saara joŋ naa de ɓlagge.

 FRUGGI NEN HADGE NO

6. Naa blum Manhúulɩ́ wo de sõõre ɓen wo no

Manhúulɩ́ wãã wããre sõõren wo no. Amaa wãã wããre Jar peele Baa maa de deelen wo diŋ Misel, ga diŋ ɗu Yeso maa tigriŋ pa mono. Ẽgre Misel hay gemãy là? Jaŋ Naage nene 12:7-9, ni ndal wee ti wiigi jag maa blam wo la no:

• Wose de ẽgre dedaŋ kẽ ne? Misel wo de Jar peele Baa wo yaw noga Manhúulɩ́ wo de sõõre ɓen wo no?

• Ndo ɗig ga jar maa wer Yeson mbaara nen joŋ hẽẽne do Manhúulɩ́ wo de jar maa wer ɓen wo yawlà?

Ndo mbo de kããge maa naa blum Manhúulɩ́ wo de sõõre ɓen wo no. Jaŋ Jag 4:7, ni ndal wee ti wiigi jag maa blam la no:

• Nday gor ti see ɓay doo Manhúulɩ́ wo de sõõre ɓen wo na de ɗeŋ maa hõnlà?

 KLUURI HADGE NO

Jar peele Baa maa de deelen kay wo naa. Manhúulɩ́ wo de sõõre ɓen wo diŋ jar hee Jeofa, day á joŋ wo joŋre de fẽẽre maa nen suŋgun wo maa baa bii jare.

Ferge ko nen hadge no

• Jar peele baa kay wo naa maa ko Jeofa na kayge là?

• Manhúulɩ́ wo de sõõren wo diŋ wose wo là?

• Wer mayse ga naa mo ɗee go se fẽẽre maa nen suŋgun wo là?