HADGE 25
Ɗiggi Baa ti jar téebeere wo ga hãyla?
Bible wãã ga tenen jee táabay ‘nen naw mbag koɗe day se tum nen re’ (Job 14:1). Baa da mbe na ga tenen naa mo hay doo sen nono? Bay wa. Day á de ngaɓ mayse ne naa ne? Dage ɓen bag mbe jag yaŋ go? Ko maaga Bible fer wããre ti wiigi jag sen wo ɗa.
1. Jeofa da ga tenen naan mo hay na hayge là?
Jeofa da na ga tenen naan mo hay daŋ go do woore. De maaga á caa Adam wo de Efa, jar téebeere maa taŋgun wo mono, á lag ra ti ngeel maa de woore, paradis maa Edeŋ no. Blam sen “Baa raw kaŋ bosa’ ne hara ti, day wii ra ga: ‘Hay we tesge, jaw we, baa we tamsir go, wãã we wããre ɓe’ ” (Tĩĩgi were 1:28). Jeofa hay da na ga á mo biŋ wo weere, mo kol wo tamsir go ɓuy diŋ paradis, mo ɗaw wo nàyre wo de ele. Dage ɓe hay diŋ ga woselà ɓuy mo le’ cege wa lan mo hay tenen caw tum.
Naa da’ tée dulyã maa sen wara ga, a amaa ɗiggi Baa bay de cooge wa (Esay 46:10, 11). Á da ga jar téebeere maaga hoo wo sug mo hay wo ti’ tum nen ngeel maa de woore—Jaŋ Naage nene 21:3, 4.
2. Naa joŋ joŋ ge maaga naw naa mo hay de woore wara ɓaa là?
Jeofa caa naa “de coo ti nenterse,” nen maaga mo hay koɗ naa diŋ se (Jaŋ Matiye 5:3-6). Á da ga naa mo bag barge de se, naa mo “see ti faage ɓen wo, mo da se,” lan naa mo joŋ joŋre ne se “go de jiili [naa] ɓuy” (Dogge jag liŋgi 10:12; Siŋ wora 25:14). Naa joŋ we doo sen ne no, naa joŋ de fruygi koh naa mo hay ba nen re. De maaga naa yaŋ goŋ Jeofa no, dulyã naan joŋ de woore debaŋ werga naa see doo ga á da ga naa mo see nono.
FRUGGI NEN HADGE NO
Ko dage maa kluu ga Jeofa joŋ de maaga á de joŋ tamsir ne naa mono, lan ko maaga wããre ɓen had naa ti ɗiggi ɓe maaga naa mo joŋ naw naan mo ɗa.
3. Jeofa da na ga dulyã naan mo hay de woore
Ko VIDEYO, ni ndal wee ti wiigi jag maa blam la no.
-
Baa joŋ tamsir de woore debaŋ wer may là?
Jaŋ Eklesiyaste 3:11, ni ndal wee ti wiigi jag maa blam la no:
-
Sen had mo ti Jeofa na ga hãylà?
4. Ɗiggi Jeofa bay de cooge wa
Jaŋ Siŋ wora 37:11, 29 lan Esay 55:11, ni ndal wee ti wiigi jag maa blam la no:
-
Mayse ngaɓ ne naa ga ɗiggi Jeofa bay de cooge ti dage ɓe maa see naan wa là?
Tiŋ maaga go de ɓlagge fer mbe ‘wũygi pa. Doo sen ne lay mono, Baa fer ge yaŋ ‘wũy sir maaga jar téebeere hay ɓlag wo ne go ne jar maaga da wo ne mono
5. Goŋge Jeofa coo dulyã naa de woore debaŋ
Koge fẽn maaga Baa caa naa ti ɓe hã ti desãy ne naa. Ko VIDEYO, ni ndal wee ti wiigi jag maa blam la no.
-
Terumi da’ wer ne fẽn maaga Baa caa ne ti ɓe mono. Sen kay ne na kayge ne?
Jaŋ Eklesiyaste 12:13, ni ndal wee ti wiigi jag maa blam la no:
-
Werga Jeofa joŋ fẽẽre ne naa debaŋ so mono, naa de joŋ mayse ne hẽn doole lay ne?
MAAPO JOBO WII JAG ƁO YAŊ GA: “Baa joŋ me maaga ndi mo hay ti bon caw maa maylà?”
-
Ndo fer ne jee ɓen ti ɓe na ga hãyne?
KLUURI HADGE NO
Jeofa da ga naa mo hay tenen ti’ tum ti tamsir la, naa mo le’ cege wa. Hayga naa yaŋ joŋ joŋre ne hẽn go de jiili naa ɓuy no, naa joŋ dulyã naan yaŋ de woore patala ɓaa.
Ferge ko nen hadge no
-
Dage Baa hay le taŋgu ti Adam wo de Efa na ga hãylà?
-
Mayse ngaɓ ne naa ga ɗiggi Jeofa bay de cooge ti dage ɓe maa see naan wa là?
-
Ndo da’ wer fẽn maaga Baa da ga ndo mo hay joŋge ɓe ti tamsir la na da’ge ge là?
MAA DA’ WER PA
Ko fẽn maaga baw naa go jag jilli ga pay sug nẽẽ maa Edeŋ hay mbe we cwãy mono.
« Le jardin d’Eden—un mythe? » (La Tour De Garde, 1er janvier 2011)
Ko fẽn maaga baw naa jag jiili ga tamsir la joŋ ge mbe yaŋ ti’ tum mono.
Ko maaga Bible kay naa maa koge ga naa gesiŋ ti tamsir la maa mayla.
Wããre blo po ga hay ɗig ga se go de da’ fẽẽren ɓuy, lan ga wo da’ wer go ga fẽẽre po gwa’ wo go se see ɗa.
a Ɓil hadge maa peln la mono, naa ko yaŋ ga wer mayse ga naa da’ tée dulyã maa sen wara ga là.
