De maaga jobo yaŋ nen re maa de gayri no, se wii jag see ɓe ga ndi nen gayri sen na diŋ wer maylà? Naa fruy debaŋ werga Bible fer wããre ne naa ti wiigi jag sen de woore!

1. Ɓlagge nduu ti tamsir la nduugi là?

Manhúulɩ́ giŋ Baa. Á hay da ga se mo kol waŋ ti tamsir la ɓuy, diŋ wersen so ga se kal jor glog Adam wo de Efa ga á mo mbiɗ wo faale ne Baa doo se no lay. Manhúulɩ́ joŋ sen diŋ de caa gete’ ne Efa (Tĩĩgi were 3:1-5). Á caa gete’ ne Efa ga Baa maŋ jag ɓaara go ti fẽn maa de woore. Wããre sen hay da wããge ga jar téebeere da’ wo fruygi yaŋ debaŋ de maaga á bay wo we hoo sug ti Jeofa wa no. Gete’ maa taŋgun diŋ maaga Manhúulɩ́ wãã ne Efa ga á húugi ga has mono. Diŋ wersen so ga Bible ɗe Manhúulɩ́ ga “je gete’e, pan gete’n lay”—Jaŋ 8:44.

2. Adam wo de Efa hay joŋ wo na joŋge là?

Jeofa hay joŋ ɓil de el see Adam wo de Efa debaŋ. A wãã ne hara ga á mo re wo mbaara le’ge koore maa ɓil paradis Eden wo ɓuy, amaa ga koo maa po yaŋ boŋ ka’, á mo re wo le’ge ɓe wa (Tĩĩgi were 2:15-17). Amaa jee twar wo de wãy ɓe re wo mbaara le’ge koo sen no. Efa “kal brag le’ge ɓe kal rege.” Blam sen, Adam “kal rege” ɓe lay (Tĩĩgi were 3:6). Á hoo wo sug ti jag lingi Baa ga ɓog ɓuy. De maaga Adam de wãy ɓe hay bay wo de ɓlagge see wa mono, á hay wo de kããge maa joŋge tum diŋ fẽẽre maa de el wo. Amaa, blam giŋgi ɓaaran mono, saara kol go de ɓlagge see; lan saara hay bay yãã waŋ maa ni Jeofan wa so. Joŋre ɓaara sen ɓo’ gayri ne hara ti debaŋ—Tĩĩgi were 3:16-19.

3. Fẽn maaga Adam wo de Efa joŋ wo a de mayse ne naa ti là?

De maaga Adam wo de Efa joŋ wo ɓlagge mono, saara kol go de ɓlagge see, day saara ya’ ɓlagge ɓaaran ne naa lay. Bible wãã ga: “Ɓlagge kal le yoo jar ma ti tamsir la wer jobo boŋ, diŋ Adam, day ɓlagge raw age de húulí ne jar ti”—Rom wo 5:12.

Naa nen gayri wer re maa wer sar sar wo. Maapo se diŋ werga naa maŋ ɗiggi maa de bay woore. Maapo ga se diŋ werga jobo maa tigriŋ maŋ ɗiggi de bay woore. Maapo se diŋ werga naa da’ see naa ti ngeel maa de bay woore ti wur maa de bay woore.—Jaŋ Eklesiyaste 9:11.

 FRUGGI NEN HADGE NO

4. Jee maaga naa nen gayri wer ɓe mono

Jar debaŋ ɗig ga Baa diŋ waŋ tamsiri. A diŋ cwãy ɓe yawlà? Ko VIDEYO.

Jaŋ Jag 1:13; 1 Jaŋ 5:19, ni ndal wee ti wiigi jag ma gesiŋ la no:

• Kaŋ gayri wo de ɓlagge ne naa ti diŋ Baa yawlà?

5. Re maaga waŋ maa ni Manhúulín a de ɓaara ti tamsir mono

1. Adam wo de Efa hay bay wo de ɓlagge see wa, day saara hay ti paradis. Amaa, à co’ wo sug Manhúulí, yãã wo jag Jeofa ga

2.   Faage jag ɓaaran a de gayri, de ɓlagge lan de húulɩ́ ne naa ti

3. Jeofa caa ge wer ɓlagge, bone wo de húulɩ́n wo yaŋ go. Blam sen jar téebeere fer wo yaŋ go bay ɓlagge see ti paradis gesiŋ la doo ma tangun nono

6. Jeofa ko decoo naa de maaga naa ti bon mono

Baa mbe de ko decoo naa nen gayrin wo yawlà? Ko yerge maaga waŋ Dafid wo de apotre Piyer yer wo ti fẽn sen mo ɗa. Jaŋ Siŋ wora 31:7; 1 Piyer 5:7, ni ndal wee ti wiigi jag maa blam la no:

• Á joŋ see mo na joŋge de maaga ndo ko ga Jeofa de ko re maaga naa nen ɓaara lan se ko decoo naa là?

 KLUURI HADGE NO

Ɓlagge a ti tamsir diŋ wer joŋre Manhúulɩ́ lan wer Adam wo de Efa. Jeofa ko decoo naa debaŋ, day se caa ge wer gayri wo yaŋ go ɓuy la maŋ.

Ferge ko nen hadge no

• Manhúulɩ́ caa gete’e ne Efa na ga hãylà?

• Fẽn maaga Adam wo de Efa joŋ wo a de mayse ne naa ti là?

• Naa ko ga Jeofa ko decoo naa nen gayri naa koge là?