Naa joŋ ɓlagge, joŋ bone, lan naa húu wer de bay yããge jag Adam wo de Efa, mõõre naa maa taŋgun wo no. a Amaa se bay da wããge ga naa go de taw ge jag naa wa. Jeofa men weel ɓe Yeso go húugi maaga naa mo da’ yããge go jag faɗge ɓlaggen wo de húulí. Bible had ga naa da’ yããge go diŋ wer húulí Yeso boŋ tu seŋ. Raŋsoŋ diŋ poɗge maaga à coo jobo le go jag bon de ɓe. Poɗge maaga Yeso poɗn de ngaɓge dega’ de hõõgesee ɓe maa bay ɓlagge no (Jaŋ Matiye 20:28). De maaga Yeso tob tenen ɓe maa tum ti tamsir la go mono, se ɓo’ faage ne naa maa da’ fẽẽre maaga Adam wo de Efa hay bas wo ra gom ɓuy. Sen ngaɓ go ne naa pa ga Yeso wo de Jeofa da wo naa debaŋ. Hadge sen la kay naa yaŋ maa ko woore fẽn maaga naa da’ wer Húulí Yeso mono.

1. Húulí Yeso kay naa nen naw naa wara na kayge là?

Wer ɓlagge maa see naa no, naa joŋ fẽẽre ngaɓa debaŋ maaga co wo jag Jeofa ga. Amaa, hayga naa yaŋ koge ga fẽẽre maaga naa joŋ ra wo de ɓlagge, naa yaŋ wii fuggi ɓil ti ɓaara do Jeofa de tosge de ɗuu Yeso, lan naa yaŋ durgi maa men joŋre sen wo go no, ni barge naa maa de Jeofan ya’ yaŋ ciŋ ni debaŋ, lan naa fruy yaŋ wer ɓe lay (1 Jaŋ 2:1). Bible wãã ga: “Kris de see ɓe huu go wer ɓlagge jar téebeere wo ɓaale boŋ tuu, á diŋ je ma de deele no, raw huu gi go ti jar ma bay de deelen wo, maga se mo wo de ɓay see Baa”—1 Piyer 3:18.

2. Húulí Yeso kay naa nen naw maa peeln wo na kayge là?

Jeofa ɓo’ Yeso le go hã tenen ɓe maaga “wosela ɓuy yãã wããre ɓe we mo húu wa so hase, ama mo kol go tenen caw tum.” (Jaŋ 3:16). Diŋ wer fẽn maaga Yeso joŋ ga Jeofa ‘wũy fẽẽre maaga de bay yããge jag maa ni Adamn a de ɓaara ne naa ti mono. Sen da wããge so ga hayga naa hã ɓil we ti Húulí Yeso no, ni naa da’ ge see naa yaŋ wurpo nen fruygi ti paradis gesiŋ la maa tum!—Esay 65:21-23.

 FRUGGI NEN HADGE NO

3. Húulí Yeso pog naa go jag ɓlagge wo de Húulí

1. Adam hay bay de ɓlagge see wa. Á mbiɗ faale ne Baa. Se diŋ wersen so ga jar téebeere wo wara joŋ wo ɓlagge, lan húu wo mono

2. Yeso hay bay de ɓlagge see wa. Se yãã jag Baa, lan se ɓo’ faage maaga jar téebeere wo ɓuy kol wo go bay ɓlagge ti hõõgesee, mo joŋ wo tenen ti’ tum

4. Jar ɓuy da’ see ɓaara wer húulí Yeso

 5. Cíi Yeso maaga kaa go diŋ kado maaga Jeofa hã ne

Jar maaga wo diŋ bar Jeofa ko wo raŋsoŋ doo kado maaga Jeofa hã ne saara ne no. Jaŋ Galad wo 2:20, ni ndal wee ti wiigi jag maa blam la no:

• Apotre Pol hay ngaɓ go ga se ko raŋsoŋ doo kado maaga Baa hã ne na ngaɓge là?

De maaga Adam joŋ ɓlagge mono, saara de wer maa ɓen ɓuy hay wo go de sa’ge ti daŋgay maa húugi. Amaa Jeofa ɓo’ weel ɓe maa boŋn le go húugi maaga naa mo da’ tenen maa tum.

De maaga ndo Jaŋ verse maa ta’ wo la, ɗig ti maaga á cee see ne Jeofa de maaga á ko Yeso ti bon húugi go mo ɗa. Jaŋ Jaŋ 19:1-7, 16-18, ni ndal wee ti wiigi jag maa blam la no:

• Fẽn maaga Jeofa wo de Yeso joŋ wo ne ndo joŋ see mo na joŋge là?

 KLUURI HADGE NO

Húulí Yeso diŋ fẽn maaga Jeofa joŋ maaga se mo men ɓlagge naa wo go ne naa, nen maaga naa mo da’ tenen maa tum.

Ferge ko nen hadge no

• Wer mayse ga Yeso húu go là?

• Ti ɓaŋ maa hõn ga hõõgesee Yeso maa bay ɓlaggen hay diŋ maa ti tuu ɓe dega’ maa coo naa le go jag ɓlagge là?

• Húulí Yeso kay mo na kayge là?