Á joŋ see ne ndo na joŋge de maaga jobo hã kado maa de woore we ne ndo là? Maapo ndo fruy debaŋ, day ndo joŋ de sãy joŋ suse’ ne bar ɓon ti. Jeofa wo de Yeso hã wo kado maaga naa da’ tee ɓe ti boŋ ga ne naa. Kado sen diŋ maylà? Naa joŋ suse’ ne Baa wo de Kris ti kado sen na joŋge là?

1. Naa joŋ suse’ ne Jeofa wo de Yeso ti de el maaga á joŋ wo see naa diŋ de ɗeŋ maa hõnlà?

Bible wã ga “wosela ɓuy maga yãã wããre [Yeso] we” mo kol go tenen caw tum (Jaŋ 3:16). Yããge wããre ɓen da wããge ga hãylà? Á bay da wããge diŋ ga naa mo hay de hã ɓil ti Yeso tawa wa. Naa mo ngaɓ hãge ɓil naan go nen ɗiggi maaga naa far ra, lan nen joŋre naa wo (Jag 2:17). De maaga naa naa nen hãge ɓil ti Yeson go nen joŋre naa lan nen wããre naa wo mono, naa ya’ barge naa de Yeso, lan de Pan ɓe Jeofa ciŋ ni.—Jaŋ Jaŋ 14:21.

2. Ti few maa hõn sar ga naa ngaɓ go ga naa joŋ suse’ ne Jeofa wo de Yeso ti de el maaga á joŋ wo see naa là?

De law taŋgu maaga á húu yaŋ go mono, Yeso ngaɓ ɗeŋ maa tigriŋ ne jar maa wer ɓen wo maaga á mo joŋ wo suse’ ti tenen maaga á hãn go mono. Á wãã ga á mo tay wo ti few maaga Bible ɗen ga “Hoole mani Wankluu”, noga Few maa ɗig ti ti Húulí Yeso (1 Korente wo 11:20). Yeso hay da ga jar peele sen wo, de krétiyẽ maa ti ngeel ɓe maaga joŋge wo blam ɓaara mo ɓuy, mo tay wo ti ti few sen maa ɗig ti ti fẽn maaga se joŋ see naa mono. Diŋ wersen so ga Yeso wãã ga : “Joŋ we doo sen, maga ndi mo hay de ɗaw ge ɓil ɓay tum” (Lug 22:19). De maaga ndo wo ti few ɗiggi ti húulí Yeso mono, ndo de joŋge diŋ suse’ ne Jeofa wo de Yeso ti dage maaga á da wo naa debaŋ mono.

 FRUGGI NEN HADGE NO

3. Naa joŋ diŋ mayse maa ngaɓge ga naa de joŋ suse’ ne Jeofa wo de Yeso là?

Ko ba ɗa, ndo de hã bii, jobo a le yãã moge go. Ndo yõõ mbo ti yaŋ go ti fẽn maaga jee sen joŋ see ɓo ni ne kay tu no? Mbala ndo ɗig ti ɗeŋ po maaga ndo joŋ suse’ ne hẽn ti de el maaga á joŋ see ɓo mono?

Naa da’ yããge go diŋ wer Jeofa. Jaŋ 1 Jaŋ 4:8-10, ni ndal wee ti wiigi jag maa blam la wo no:

• Wer mayse ga tenen maaga Yeso hãn go wer naa diŋ kado maaga tee ɓe bay wa là?

• A joŋ see mo na joŋge de maaga ndo ɗig ti ti de el maaga Jeofa wo de Yeso joŋ wo see ɓo mo là?

Ndo ngaɓ go ga fẽn maaga Jeofa wo de Yeso joŋ wo de cõõre jag ɓo na ngaɓge là? Jaŋ 2 Korente wo 5:15; 1 Jaŋ 4:11; 5:3, blam maaga à jaŋ verse maa hõnla ɓuy we no, ni ndal wee ti wiigi jag maa blam la no:

• Doo maaga naa ko ti verse sen la ne mono, naa joŋ mayse maa joŋ suse’ ne Jeofa wo de Yeso là?

4. Maŋ blam Yeso

Ndo joŋ suse’ ne hara pa de maŋ blam Yeso. Jaŋ 1 Piyer 2:21, ni ndal wee ti wiigi jag maa blam la no:

• Naa maŋ blam Yeso de deele na maŋge là?

• Naa joŋ few maa ɗig ti ti húulɩ́ Yeson na joŋge là?

 KLUURI HADGE NO

Naa joŋ suse’ ne Yeso ti de el maaga á joŋ see naa diŋ de naa nen hãge ɓil naan go ti ɓe, lan de woge ti taygeti maa ɗig ti ti húulɩ́ ɓe no.

Ferge ko nen hadge no

• Naage nen hãge ɓil ti Yeso go da wããge ga hãylà?

• Ndo joŋ mayse wo maa joŋ suse’ ne Jeofa wo de Yeso ti de el maaga á joŋ wo see ɓo là?

• Wer mayse ga woge ti taygeti maa ɗig ti ti húulɩ́ Yeso diŋ mopo maa de el debaŋ là?