HADGE 31

Twaywaŋ maa ni Baan diŋ maylà?

KAŊ NE

Kluu wããre maa ɓil Biblen diŋ Twaywaŋ maa ni Baa no. Jeofa ferge go kol tamsir diŋ paradis na de Twaywaŋ se no. Twaywaŋn diŋ maylà? Naa ko koge ga á go ti joŋre là? Á go de joŋ mayse là? Day á joŋ ge mayse ti naw maa peeln ge wo là? Naa da’ yiŋgi jag ti wiigi jag sen wo ɓil hadgen la, lan ɓil maaga wo peel ɓogn wo la no.

1. Twaywaŋ maa ni Baan diŋ maylà, day Waŋ ɓen diŋ woselà?

Twaywaŋn diŋ ngomna po le ciŋ ga Jeofa Baa laa ne. Waŋ ɓen diŋ Yeso Krisi, se joŋ joŋre ɓen le hãã ciŋ (Matiye 4:17; Jaŋ 18:36). Bible wãã ti Yeso ga: “à hay ne ge waŋ . . . ma tum” (Lug 1:32, 33). Werga á diŋ waŋ Twaywaŋ maa ni Baan so mono, Yeso wãã ge wããre wosela maa ti tamsir la ɓuy.

2. Wose joŋ ge wo waŋ ti jeŋ Yeso là?

Yeso wãã ge wããre jar boŋ ɓe ga. Jar maa “ti ɓiini jar ɓuy, de jag jar ɓuy, ti ngaɓa jar ɓuy, ti wer jar ɓuy. . . lag ge [wo] waŋ ti tamsir la” (Naage nene 5:9,10). Jar joŋ ge ti joŋre ti jeŋ Yeso na gãylà? Hãã le ti wur maaga Yeso hay gesiŋ la ɗa mono, Jar kol go jar maa wer ɓe miliyoŋ pur debaŋ. Day á joŋ ge wo waŋre ti jeŋ Yeso ɓuy yaw? Baywa. Jar 144.000 yoo ɓaara tawa joŋ ge wo waŋre ɓiŋ Yeso (Jaŋ Naage nene 14:1-4). Krétiyẽ maa lan wo ɓuy joŋ ge wo diŋ jar sir Twaywaŋ no.—Siŋ wora 37:29.

3. Wer mayse ga Twaywaŋ maa ni Baan de daŋ wããge re jar maa ni jar téebeeren wo ɓuy là?

Koh de maaga waŋre maa ti tamsir wo la mbaara de sãy joŋ fẽẽre maa de woore wo ti laybla’ mono, ẽgre ɓaara kãã maa bag jag fẽẽre maaga á da wo joŋge ɓe go ɓuy ga. Blam sen jar maaga kol wo ti tu ɓaara ɗig wo debaŋ diŋ ti see ɓaara tawa, day wo joŋ fẽẽre maa kay jar sir ɓaaran wo ga. Amaa jobo coo Yeso, Waŋ maa ti Twaywaŋ maa ni Baan ti boŋ ga hase. Baa “a . . . de sir waŋ po maga à ɓlag ge go gà” (Danyel 2:44). Yeso wãã ge wããre jar maa ti tamsir wo la ɓuy, day se joŋ ge jar ti ɓaŋ ga. Á joŋ jar de dage, de ele, se de deele lay; day se hadge jar yaŋ maaga á mo joŋ wo kããra de dage, de ele, de deele lay—Jaŋ Esay 11:9.

FRUGGI NEN HADGE NO

Ko wer mayse ga Twaywaŋ maa ni Baan de daŋ ngomna maa ni jar téebeeren wo ɓuy là.

4. Ngomna maa de ẽgre daŋge ɓuy wãã ge wããre tamsirn eŋ ɓuy

Yeso de ẽgre maa wãã re jar de daŋ waŋre maaga joŋ wo gesiŋ la mo ɓuy. Jaŋ Matiye 28:18, ni ndal wee ti wiigi jag maa blam la no:

Ẽgre wããge re jar maa ni Yeson sar de maa ni waŋre maaga wo diŋ jar téebeere na ti maylà ?

Jar kluuri sir maa ni jar téebeeren coor wo, day wosela ɓuy wãã diŋ re sir po degara ta’ tawa. Maa ni Twaywaŋ maa ni Baan lay? Jaŋ Danyel 7:14, ni ndal wee ti wiigi jag maa blam la wo no:

Wer mayse ga á de el ti maaga Twaywaŋ maa ni Baan “ɓlag ge go ga has” là?
Wer mayse ga á de el ti maaga á wãã ge re sirn ɓuy là?

5. Waŋre maa ti tamsirn wo la nen cooge

Wer mayse ga Twaywaŋ maa ni Baan mo coo ngomna maa gesiŋ lan wo là? Ko VIDEYO, ni ndal wee ti wiigi jag maa blam wo la no.

VIDEYO: Twaywaŋ maa ni Baa diŋ maylà?—Á caa see ɓe (1:41)

Wããge wããre jar maa ni jar téebeeren wo a de re mayse wo ne naa ti là?

Jaŋ Eklesiyaste 4:1, ni ndal wee ti wiigi jag maa blam wo la no :

Ndo mbo de ɗiggi ga Twaywaŋ maa ni Baan coo ge ngomna maa gesiŋ lan wo ɓuy yawlà? Wer maylà?

6. Waŋre maa ti Twaywaŋ maa ni Baan wo de ko re maa see naa wo no

Yeso Waŋ naa hay diŋ jee táabay gesiŋ là. Wersen á de ko “hugli naa wo ɓuy” (Hebre wo 4:15) Jar maa 144.000 wo diŋ werpiiri wo de naare maa de deele wo ga Jeofa hoo ra wo diŋ gesiŋ la “ti ɓiini jar ɓuy, ti jag jar ɓuy, ti ngaɓa jar ɓuy, ti wer jar ɓuy”—Naage nene 5:9.

Ndo mbo go de bawge jag jiili ɓo ga Yeso wo de jar maaga joŋ wo joŋre de ɓe wo de kããge maa ko re maa see naa jar téebeeren yawlà? Wer maylà?

Jeofa hoo werpiiri wo de naare wo le ti wer wo sar sar ɓuy maa joŋ joŋre de Yeso

7. Jag liŋgi maaga daŋ wo go

Ngomna wo ɓuy joŋ wo de jag liŋgi maa kay jar sir ɓaaran wo, lan maa gor ti ɓaara. Twaywaŋ maa ni Baan de jag liŋgi ɓe wo maaga jar maa seege wer ɓen mo hoo wo sug ti ɓaara lay. Jaŋ 1 Korente wo 6:9-11, ni ndal wee ti wiigi jag maa blam la wo no:

Ndo ɗig na ga tamsir kol ge de maŋ mayse ti wur maaga wosela ɓuy yaŋ hoo sug ti jag liŋgi maa ni Baan wo là? a
Ndo ɗig na ga á mbe ti ngeel ɓe ga Jeofa wãã ga jar maaga joŋ ge wo ti Twaywaŋ maa ɓen mo hoo wo sug ti jag liŋgi sen wo yawlà? Wer maylà?
Mayse ngaɓ ga jar maaga bay wo hoo sug ti jag liŋgi sen wo wa mbaara de kããge maa cooge là?—Ko verse 11.

Ngomna wo ɓuy joŋ wo de jag liŋgi maa kay jar sir ɓaara wo, lan maa gor ti ɓaara. Jag liŋgi maa ti Twaywaŋ maa ni Baan diŋ maa kay jar maa seege wer ɓen wo, noga maa gor ti ɓaara wo de woore de daŋ maa ti tamsir la wo no

NAA YAŊ LAƊGE GA: “Twaywaŋn diŋ jiili ɓo”