HADGE 34

Naa joŋ diŋ mayse maa naa nen dage naan go see Jeofa là?

KAŊ NE

Hãã de maaga ndo tĩĩ wer had Wããre Baa mono, ndo ɗig ga ndo ya’ wer da Baa de peel ni yaw baywa yawlà? Ndo de sãy sa’ holaŋ ɓo de ɓe de peel ti ni yawlà? Hayga yaŋ no, kaŋ go ti ɓo ga de maaga Jeofa ko we ga ndo de ya’ wer dage ɓe ciŋ ni no, á ya’ wer da moge ciŋ ni, ya’ wer ko decoo ɓo ciŋ ni lay. Ndo joŋ joŋge maa naa nen dage ɓon go see ɓe là?

1. Naa joŋ joŋge maa naa nen dage naan go see Jeofa là?

Naa naa nen dage naan go see Jeofa na de hoo sug ti jag liŋgi ɓen wo no (Jaŋ 1 Jaŋ 5:3). Á bay joŋ doole naa ga naa mo hoo sug ti jag liŋgin wo wa. Á men wosela ɓuy maŋ ɗiggi ɓe. Wer may? Werga Jeofa da ga naa mo hay “hoo sug [ti se] de see naa” (Rom wo 6:17, NWT). Kaŋ nen ga, á da ga naa mo hoo sug ti se bay diŋ do doole wa, amaa diŋ werga naa da se. Caage ɓil kefder maa de 3 wo de maa de 4 maa ɓil kefder sen la wo diŋ maa kay naa maa naa nen dage naan go see Jeofa, maa joŋ fẽẽre maaga co wo jag ɓe, lan maa caa hee de fẽẽre maaga bay wo de cõõre jag ɓe wa mono.

2. Wer may ga á bay gus maaga naa mo naa nen dage naan go see Jeofa wa là?

“Bon daɗ je ma keɗed pur debaŋ” (Siŋ wora 34:20). Werga naa diŋ jar téebeere maa de monãysee mono, naa ɓuy naa dur maa joŋ fẽn maa de ele. Maapo coocoo joŋ naa, à caa kiida naa ni naŋ ga, noga naa yiŋ de re gayri maa tigriŋ wo. Wer re sen wo mo deŋ, á bay gus maaga naa joŋ fẽẽre maaga Jeofa da ga naa mo joŋ ra mo wa. Werga joŋge fẽn maa de ɓlaggen kol go do naa gusi. Amaa hayga naa lag we de deele joŋ fẽẽre maaga Jeofa da ga naa mo joŋ ra no, ni naa go de ɓo’ nen ga naa dan de daŋ fẽẽre lan wo ɓuy. Ni naa go de ɓo’ nen ne hẽn pa ga naa de deele peel ɓe. Day se ti see ɓe, se joŋ ge yaŋ de deele see naa lay; se men ge naa go ga lay—Jaŋ Siŋ wora 4:4.

FRUGGI NEN HADGE NO

Naa ko ɗa, wer may ga hooge sug ti Jeofa de el nen ɓe là? lan mayse kay wo naa maa lagge peel ɓe de deele là.

3. Re po maaga de maŋge see ɓo wara lay

Ɓil kefder maa ni Jobn mono, naa da’ ni ga Manhúulí hay caa re bay diŋ ne Job see tawa wa, amaa diŋ ne jar maaga da wo ga saara joŋ peele ne Jeofa ɓuy mono. Jaŋ Job 1:1, 6–2:10, ni ndal wee ti wiigi jag maa blam wo la no:

Manhúulí hay wãã ga Job hoo sug ti Jeofa naa wer mayse là?—Ko Job 1:9-11.
Manhúulí caa re maa hõn ne ndo see, day ne jar téebeere wo see ɓuy lay là?—Ko Job 2:4.

Jaŋ Job 27:5b, ni ndal wee ti wiigi jag maa blam la no:

Job hay ɓo’ nen go ga see da Jeofa debaŋ na ɓo’ge là?

Job naa nen dage ɓen go see Jeofa diŋ de ooge peel ɓe de deele

Naa naa nen dage naan go see Jeofa diŋ de ooge peel ɓe de deele lay

4. Fruy ɓil Jeofa

Jaŋ Jag jõõ wo 27:11, ni ndal wee ti wiigi jag maa blam la no:

Hayga naa yaŋ de ko re, day naa yaŋ hoo sug ti jag liŋgi maa ni Jeofan wo no, á joŋ ɓil ne hẽn naa joŋge là? Wer mayse là?

5. Ndo mbo de kããge maa ooge de deele peel Jeofa

Dage naa maaga naa da Jeofa jor glog naa maa wããge go ti ɓe ne jare. De deele naa maaga naa de ɓe peel ɓe jor glog naa maa sii wããre go ne jar ti ɓe koh de maaga á bay mbe gus wa mono. Ko VIDEYO, ni ndal wee ti wiigi jag maa blam wo la no.

VIDEYO: Wãã go ti hãge ɓil ɓon bay joŋ hẽẽne koh à mo kaŋ ba mo nene (5:09)

Á mbe gus maaga naa mo sii wããre go ne jar ti Jeofa yawlà?
Ɓil videyon mono, mayse kay Grayson maaga á mo sii wããren go bay joŋ hẽẽne là?

Á go gus maaga naa mo lag de deele peel Jeofa, hayga naa yaŋ da mo maaga á da ne, day yaŋ caa hee de mo maaga á caa hee de ɓe mo lay no. Jaŋ Siŋ wora 97:10, ni ndal wee ti wiigi jag maa blam wo la no:

Doo maaga naa hay had no mono, fẽẽre maa hõn wo ga Jeofa da ra ne? fẽẽre maa hõn wo ga Jeofa caa hee de ɓaara là?
Naa had da mo maa de el na hadge là, day naa had caa hee de mo maa de ɓlagge na hadge lay là?

6. Naa da’ wer hooge sug ti Jeofa debaŋ

Hooge sug ti Jeofa diŋ mo maaga daŋ go. Jaŋ Esay 48:17, 18, ni ndal wee ti wiigi jag maa blam wo la no:

Ndo ɗig ga naa mbe nen kaŋ ɗiggi ga Jeofa de ko fẽn maaga daŋ go tum yawlà? Wer maylà?
Hãã le de maaga ndo tɩ̃ɩ̃ wer had wããre Baa, day ndo de kiɗ wer ne Jeofa Baa maa cwãyn mono, ndo da’ mayse ni là?

NAA YAŊ LAƊGE GA: “Baa bay kaŋ ɗiggi ti fẽẽre maaga naa joŋ ra wa.”

Ndo ngaɓ verse maa hõn ga ɓo’ nen go ga joŋre maaga naa joŋ ra co wo jag Jeofa noga ma’ wo ɓil ɓe là?

KLUURI HADGE NO

Naa ɓo’ nen go ga naa da Jeofa na diŋ ga naa yaŋ hoo sug ti ɓe, yaŋ joŋ fẽn maaga á da ga naa mo joŋn ti ngeel ɓe keɗed mo lay no, koh á mo hay ba gus wa.

Ferge ko nen hadge no

Saɓlaŋ maa ni Jobn had mo ga hãylà?
Ndo naa nen dage ɓon go see Jeofa na naage là?
Mayse kay mo maa ooge de deele peel Jeofa là?

Naw tawge hadge no:

Fẽn maa joŋge blam

Ɗaw verse maa ɓil Jag jõõ wo 27:11 go ti ɓo, blam ɓe hayga ndo yiŋ we de re po maaga hooge sug ti jag liŋgi maa ni Jeofan bay gus wa no, ni ndo mo ɗig ti verse se no.

Maa tigriŋ:

Maa tigriŋ