Wosela ɓuy da diŋ barge maa de deele wo. Jeofa da na ga bar sen mo hay wo de deele lay. Amaa á bay gus wa, werga jar maa ti tamsir maa waran wo go de ɓlagge. Hayga naa yaŋ de deele ti fẽẽren ɓuy no, de el ɓe diŋ maylà?

1. Mo maaga daŋ go ga naa mo hay de deele wer ɓe diŋ maylà?

Hayga naa yaŋ de deele see jar lan wo no, ni naa go de naa nen dage naa wo de hooge sug naan see Jeofa. Kaŋ go ti ɓo ga Jeofa go de ko fẽn maaga naa ɗign de maaga naa joŋ ra mo ɓuy no (Hebre wo 4:13). Hayga ndo yaŋ de deele no, Jeofa de ko ndo day se fruy ɓil ɓe lay. Werga Bible wãã ga: “Je hãyhãyn hoor se ne [Jeofa], á da ɓen diŋ jar maa de deelen wo”—Jag jõõ wo 3:32.

2. Naa mo joŋ joŋge maaga naa mo hay de deele nen naw naan tum là?

Jeofa da ga naa mo “wãã cwãy ne kããra” (Sakari 8:16, 17). Sen da wããge ga hãylà? Sen da wããge ga, de maaga naa de wãã re ne jar maa ɓi feele naa wo, jar maaga naa joŋ joŋre de kããra wo, hẽẽre naa wo, noga jar kluuri sir wo laybla mono, da ga naa mo caa gete’ ne hara wa noga joŋ cugcugla ɓaara wa lay. Jee maa de deelen joŋ freŋ ga, joŋ de rigci ga lay (Jaŋ Jag jõõ wo 24:28 wo de Efes wo 4:28). Á poɗ lombo go lay (Rom wo 13:5-7). Diŋ de ɗeŋ sen wo mo deŋ so ga, naa “joŋ fẽẽren yaŋ wo ɓuy ti ngeel ɓe de deele”—Hebre wo 13:18, NWT.

3. Hayga ndo yaŋ de deele no, da’ge ɓen diŋ mayse wo là?

Hayga à yaŋ kee moge jag ga ndo de deele no, jar kaŋ ɗiggi ti ɓo. Joŋre ɓo sen kay jar maa ti taygen wo maaga á mo ko wo see ɓaara jam doo ga saara liŋ nono. Ɗiggi ɓo joŋ de woore lay. Day pa, seele ɓo se de deelen “togoɗ hadge mani Baa Je yãã naa go,” lan se jor glog jar maaga bay wo ti tayge naa wa maa yãã goŋge Baa maa cwãyn lay—Tid 2:10.

 FRUGGI NEN HADGE NO

5. Joŋre ɓo mo hay de deele ti fẽẽren ɓuy

 6. Seele maa de deele kay naa

Maaga ndo yaŋ de deele no, ndo ɗig doo ga ndo ti bon ne no. Amaa blam ɓe, ndo wo koge ga joŋre maa de deele diŋ fẽn maaga daŋgo. Jaŋ Siŋ wora 34:13-17, blam ɓe ndal wee ti wiigi jag maa blam la no:

• Seele de deele kay ndo kayge nen naw ɓon wo là?

1. De deele kay wãy wo de war maa sa’ holaŋ ɓaara see kẽẽ ciŋ ni

2. Jar joŋre maa de deelen baw wo ɗiggi jar wãã re ɓaaran wo go gusi

3. Jar maaga wo de deele ɓi sir ɓaaran co wo jag jar kluuri sir ɓaaran wo

 KLUURI HADGE NO

Jeofa da ga bar sen mo hay wo de deele nen wããre ɓaara wo de joŋre ɓaara wo.

Ferge ko nen hadge no

• Ndo ngaɓ fẽẽre po yaŋ wo maaga naa mo hay joŋ de deele ti ɓaara yawlà?

• Wer mayse ga yoŋge cwãy do Jeofa diŋ ɗiggi maa de bay ko re là?

• Wer mayse ga naa mo hay de deele tum ti fẽẽre ɓuy là?