HADGE 37

Bible wãã ti joŋre wo de solay na ga hãylà?

KAŊ NE

Ndo da’ see ɓo we go ti boŋ lawge ti re joŋge joŋre po noga wer solay yawlà? Á bay gus maaga naa mo goŋ Jeofa doo ga á da ne wa, lan mo kiɗ solay maa ya’ re maa see naan wo go lay wa. Wersen, Bible baa yaŋ maa de woore wo ne naa maa kay naa jag re sen wo no.

1. Bible wãã ti joŋre na ga hãylà?

Baa da ga naa mo fruy wer joŋre naa wo no. Wersen, Bible wãã ga “twore mani jar téebeeren wo boŋ diŋ . . . joŋge fruygi ti joŋre ɓaara maga saara gay de ɓe mono” (Eklesiyaste 2:24). Jeofa joŋ joŋre debaŋ. Maaga naa yaŋ joŋ joŋre debaŋ no, se fruy Jeofa, naa ti see naa naa da’ fruygi lay.

Joŋge joŋre diŋ fẽn maa de el debaŋ. Amaa da ga á mo kol go diŋ fẽn maa de daŋ togoɗge maaga naa hãn ne Jeofa mo wa hase (Jaŋ 6:27). Jeofa wãã ga hayga naa ɓo’ joŋre maa sen we go peel no, se hã fẽẽre maaga naa de sãy ɓaara ti ɓuy yaŋ ne naa.

2. Bible wãã ti solay na ga hãy là?

Bible wãã ga “solay yãã naa go”, amaa se ɓo’ sug naa ga solay tawa kãã maa hã fruygi ne naa ga (Eklesiyaste 7:12, NWT). Diŋ wersen ga Bible baa yaŋ ne naa ga dage solay mo raw ẽgre naa wa, amaa “ɓil wosela mo hay mbe go feh ti mo ma do ɓen . . . tu” (Jaŋ Hebre wo 13:5). Hayga naa yaŋ fruygi ti mo maa do naan tu no, naa joŋ ge lawge tum doo jar maa da solay wo debaŋ no ga. Day se kay naa maaga naa mo taa ɓeere ti naa debaŋ wa lay (Jag jõõ wo 22:7). Day pa, naa yãã go jag caca wo de ɗiggi maaga ndi mo da’ horog go depardayn wo lay.

3. Naa joŋ joŋre de solay maa do naan wo de woore na joŋge là?

Jeofa diŋ Baa maa de yaŋ ɓili, day naa joŋ doo se no lay na de maaga naa yaŋ joŋ “yaŋ” see jare, lan “ɓes fẽẽre [naan] wo de jar lan wo” lay mono (1 Timote 6:18). Naa joŋ joŋre de solay maa do naan de woore na de maaga naa yaŋ hã ofraŋde maa kay tayge naan no, lan maa kay jar maaga wo nen re mono, debaŋ ɓe diŋ see hẽẽre naa maa ti jag-Baa wo no. De el nen Jeofa bay diŋ maaga naa hã gemãyla wa, amaa diŋ ɗiggi maaga naa hãn de ɓe mono. Hayga naa yaŋ hã fẽẽre ne jar go de jiili naa ɓuy no, se fruy naa, lan naa co jag Jeofa lay—Jaŋ Joŋre 20:35.

FRUGGI NEN HADGE NO

Wer mayse ga á de el ga naa mo ko joŋge joŋre diŋ mopo maa de daŋ goŋge Jeofa wa là? De el fruygi de mo maa do naan diŋ maylà?

4. Hã togoɗge ne Jeofa de maaga ndo de joŋ joŋre mono

De maaga naa de joŋ joŋre mono, daga naa mo ɓo’ nen go ga naa diŋ bar Jeofa. Ko VIDEYO, ni ndal wee ti wiigi jag maa blam wo la no.

VIDEYO: Joŋ joŋre go de see ɓo ɓuy ne Jeofa (4:39)

Ɓil videyon la mayse ɓo’ nen go ga Jason da joŋre ɓen debaŋ là, day mayse du’ jiili ɓo ti seele Jason ti ngeel joŋre ɓen lay?
Á hay joŋ diŋ mayse maaga joŋren mo maŋ jag se go goŋ Jeofa wa là?

Jaŋ Kolos wo 3:23, 24, ni ndal wee ti wiigi jag maa blam la no:

Wer mayse ga joŋge joŋre go de see naa ɓuy de el debaŋ là?

Joŋge joŋre diŋ fẽn maa de el debaŋ. Amaa daga á mo kol go diŋ fẽn maa dedaŋ togoɗge maaga naa hã ne Jeofa mo wa hase.

5. Hayga ɓil naa yaŋ go feh ti mo maa do naan se kay naa

Jar wara ngaɓa dur wo maaga saara mo hay de solay do debaŋ. Amaa, Bible baa yaŋ ne naa ti ɗiggi sen sara lay. Jan 1 Timote 6:6-8, ni ndal wee ti wiigi jag maa blam la no:

Bible jor glog naa ga hãylà?

Koh naa mo hay ba de fẽẽre debaŋ wa, naa mbe de kããge maaga naa joŋ naw naa de fruygi. Ko VIDEYO, ni ndal wee ti wiigi jag maa blam la no.

VIDEYO: Daga “ɓil wosela mo hay mbe go feh ti mo ma do ɓen . . . tu” (3:20)

Koh de maaga feele sen mbaara de coocoo mo laybla no, mayse fruy ra là?

Maapo naa go de horog debaŋ, day naa de sãy da’ge de peel ni ti ɗa pa. Yeso ngaɓ saɓlaŋ po maa ɓo’ nen naa ti re maa wer ɗiggi kiɗgi horog debaŋ no. Jaŋ Lug 12:15-21, ni ndal wee ti wiigi jag maa blam la no:

Wããre jag jõõ maaga Yeso wãã had naa ga hãylà?—Ko verse 15.

Jaŋ Jag jõõ wo 10:22 lan 1 Timote 6:10, ni nday ngaf wee ra. Ni ndal wee ti wiigi jag maa blam wo la no:

Daŋgo nen ɓo na diŋ mayse là: barge de Jeofa yaw mbala maaga ndo mo hay de solay debaŋ mono? Wer may?
Hayga naa yaŋ ɗiggi ga naa mo da’ solay debaŋ no, re maa hõn da’ ge wo naa là?

6. Jeofa hã fẽẽre maaga naa de sãy ɓaara ti yaŋ ne naa

Naa yaŋ bay we da’ joŋre wa noga da’ solay wa no, se kay maa koge ga naa mbe de hã ɓil ti Jeofa yaw bay wa yawlà. Ko VIDEYO maa ko fẽn maaga naa joŋ ne hayga naa yiŋ we de tee re sen wo no.

VIDEYO: Jeofa hã fẽẽre maaga naa de sãy ɓaara ti yaŋ ne naa (6:21)

Ɓil videyon mono, hẽn naan hay yiŋ de re maa hõn wo là?
Á hay joŋ mayse maa cegaɗge go ne re sen wo ti là?

Jaŋ Matiye 6:25-34, ni ndal wee ti wiigi jag maa blam la no:

Jeofa wãã ga se joŋ mayse yaŋ ne jar maaga ɓo’ wo joŋre maa ɓen go peel mo là?

NAA YAŊ LAƊGE GA: “Ndi de durgi maa kiɗ rege ne jar ni ɓi wo. Woge ti taygetin wo tum joŋ do ɓi ga.”

Verse maa hõn baw jag jiili ɓo go ga hayga ndo ɓo’ goŋge Jeofan we go peel no, á hã fẽẽre maaga ndo de sãy ɓaara ti ɓuy yaŋ mo là?

KLUURI HADGE NO

Naa de sãy joŋ joŋre noga de sãy solay ti maa ya’ re maa see naan wo go, amaa daga á mo maŋ wo jag naa go goŋ Jeofa wa.

Ferge ko nen hadge no

Mayse kay mo maaga ndo mo ko joŋge joŋre dedaŋ goŋge Jeofa wa là?
Hayga ɓil ɓo yaŋ go feh ti mo maa do ɓon se kay ndo na kayge là?
Ndo ɓo’ nen go ga ndo de kaŋ ɗiggi ga Jeofa hã fẽẽre maaga jar goŋge ɓen wo de sãy ɓaara ti yaŋ ne haara na ɓo’ge là?

Naw tawge hadge no:

Fẽn maa joŋge blam

Nen few maa blam wo le la ndo a ti taygeti wo ga ɓaale pur werga ndo le ti joŋre yaw? Hayga yaŋ no, kiɗ ɗeŋ maa coo see ɓo.

Maa tigriŋ:

Maa tigriŋ