Cíi diŋ mopo maa de el debaŋ. Jobo joŋ tenen caw bay cíi see ga. Baa diŋ jee joŋ naa no, day diŋ se pa ga ngaɓ maaga naa joŋ joŋre de cíi joŋge là. Á hay wãã go ti cíi ga hãylà? Á mbe maa reege noga co’ge see yawlà? Day naa maŋ ɗiggi de woore ti cíi na maŋge là?

1. Ɗiggi Baa ti cíi ga hãylà?

Jeofa hay wãã ne jar maa wer ɓe maa ɓaan wo ga: “Tenen fẽẽre maa de hõõgesen wo ɓuy diŋ nen cíi ɓaara maaga see ɓaara mono” (Joŋre Jar Lefid wo 17:14). Cíi nen Jeofa diŋ tenene. Doo maaga tenen diŋ kado maaga daŋgo nen Jeofa so mono, cíi nen ɓe doo sen no lay.

2. Joŋge joŋre maa hõn wo de cíi ga Baa maŋ jag ɓaara go là?

Jeofa hã jag liŋgi ne jar ɓe maa taŋgu biŋgi Yeso wo ga á mo re wo cíi wa (Jaŋ Tĩĩgi were 9:4 lan Joŋre jar Lefid wo 17:10). Jeofa dog jag liŋgi sen de maaga tayge jar maa peel krétiyẽ hã wo jag liŋgi ne hara ga á mo “dig [wo] see [ɓaara] go. . . see cíi”—Jaŋ Joŋre 15:28, 29.

Digge see go see cíi da wããge ga hãylà? Hayga dogda po wii mo we ga ndo mo dig see ɓo go see arge no, ndo jon ge ne ga. Day ndo re ge mbo rege maaga go de tay yii nene, noga ndo co’ mbo yaŋ see ɓo yawlà? Sen go tinoo tu ga baywa. Doo sen no lay, Jag liŋgi maaga Baa hã ne naa ga naa mo dig see naa go see cíi da wããge ga naa mo ree cíi noga ree nay maaga à bay de nga’ kiŋ fẽn sen wa wa lay. Day naa bay maa re hoole maaga de tay nen de cíi wa pa.

Day naa wãã ti cíi maaga à joŋ joŋre de ɓe ti laptal ga hãy lay là? Ɗeŋ maaga á joŋ wo joŋre de cíi ni bay tabge de jag liŋgi maa ni Baan wa. À wãã mo ta’ ti co’ge noga carge nen ɓe maa doo globules rouges, globules blancs, plaquettes et plasma. Ɗeŋ maa po wo ti dogda ngaɓa bay wo sar de jag liŋgi maa ni Baan tinoo wa. Sen de ngaɓge doo joŋge joŋre de caage ɓil ɓe maa po boŋ yoo maa 4 wo la nono. Ɗeŋ maa po yaŋ diŋ joŋge joŋre de cíi jobo doga tu. De maaga naa le’ ɗiggi we ti ɗeŋ sen wo mo deŋ no, daga wosela ɓuy yoo naa mo maŋ ɗiggi diŋ se de see ɓe a—Galad wo 6:5.

 FRUGGI NEN HADGE NO

3. Maŋge ɗiggi maaga co jag Jeofa

Ndo joŋ joŋge maaga ndo mo maŋ ɗiggi de maŋ ɗiggi maa ni Jeofan ti ɓaŋ cíi là? Ko VIDEYO, ni ndal wee ti de el joŋge joŋre de ɗeŋ maa blam wo la no.

• Tos Jeofa maa da’ koge re.—Jag 1:5.

• Kiɗ wer ne wããre maa ɓil Bible ga kay wo ndo, lan ne ɗeŋ maaga á kay wo ndo mono.—Jag jõõ wo 13:16.

• Kiɗ ɗeŋ maaga sen wo de joŋge ti ngeel maaga ndo ni mono.

• Hoo ɗeŋ maaga wo go tinoo ga ndo bay joŋ joŋre de ɓaara wa mono.

• Joŋ nen maaga ɗiggi maaga ndo maŋ mo ruu mo wa.—Joŋ. 24:16. b

• Hay de koge ga jobo—koh wãy ɓo noga war ɓo, jee maa peel tayge noga jee had moge—bay de kããge maa wãã fẽn maaga ndo joŋ ti ɗiggi po ga wosela ɓuy yoo naa fer go ne Baa ti ɓe diŋ se mo wa—Rom wo 14:12.

• Yer ɗiggi ɓo maaga ndo maŋ go ti mopo ti’i.

4. Sedeewa Jeofa pẽẽ wo see ɓaara diŋ de saŋgu maa de woore

Á mbe gus maaga hoo sug ti wããre Baa maa ti ɓaŋ cɩ́i lan da’ge saŋgu maa de woore bay cɩ́i nen yawla? Ko VIDEYO.

Jaŋ Tid 3:2, ni ndal wee ti wiigi jag maa blam la no:

• Wer mayse ga naa mo hay desãy see dogda wo de maaga naa yaŋ ndalge de ɓaara là? Wer mayse ga naa mo yãã kayge dogda wo de maaga naa yaŋ ndalge de ɓaara là?

 5. Hayga à wãã we ga joŋ joŋre de caage ɓil ɓen wo no

Naa da’ fẽẽre nen cɩ́i wer sar sar 4:—Globules rouges, globules blancs, plaquettes, lan plasma. Nen fẽẽre maa 4 wo mono, naa da’ fraction wo ni ngaɓa pa ga à ɗe ra ga caage ɓil ɓaara. c À joŋ joŋre de maapo wo yoo ɓaara maa tay nen saŋgu maa maŋ jag cege po wo go noga maa oo cɩ́i.

Ti fraction wo mono, kretiyẽ maa hõnla ɓuy maŋ ɗiggi diŋ se de see ɓe doo maaga Bible had ɗiggi ɓe nono. Jar maa po mbaara de kããge maaga saara yãã saŋgu maa de tay nen de cɩ́i ga. Ɗiggi jar maa po men ra mbaara yãã fraction lay.

Hayga ndo maŋ ɗiggi we no, ni ndo kaŋ ɗiggi ti wiigi jag maa blam la no:

• Ndo joŋ joŋge maa wããge ne medesiŋ ga wer mayse ga ndo yãã saŋgu maa de tay nen de cɩ́i no noga bay wa là?

 KLUURI HADGE NO

Jeofa da ga naa mo ɗee go see cɩ́i hãã.

Ferge ko nen ti hadge no

• Wer mayse ga Jeofa ko cɩ́i go diŋ mopo maaga daŋgo debaŋ là?

• Naa ko koge ga jag liŋgi Baa maaga wãã ga naa mo ɗee go see cɩ́i wãã ti co’ge ɓe see laylà?

• Naa maŋ ɗiggi de woore ti ɓaŋ maaga à pẽẽ jar de joŋge joŋre de cɩ́i na maŋge la?