HADGE 41
Bible wãã ti suɗgi de kããra ga hãylà?
Wããge ti suɗgi de kããra joŋ sõõre ne jar ngaɓa debaŋ. Amaa Bible le’ wããge we ti suɗgi de kããra no, á wãã ne go pah tu, amaa de ɗeŋ maa de woore. Naa da’ wer fẽn maaga á wãã ne mono. Sen mbe ti ngeel ɓe, werga Bible ale diŋ see Jeofa, jee joŋ naa no. Á de ko fẽn maaga kay naa yaŋ mono. Á ngaɓ fẽn maaga naa joŋ ga fruy ɓil se yaŋ ne naa, lan maaga kay naa yaŋ maaga naa mo da’ fruygi nen naw naa mono.
1. Jeofa ko suɗgi de kããra na koge là?
Suɗgi de kããra diŋ kado maaga Jeofa hã ne. Á da ga jee twar wo de wãy maaga wo go de da kããra ti faage ɓe peel ngomna mo fruy wo de ɓe. Kado sen bay diŋ maaga jar da kããran mo biŋ wo weere tawa wa, amaa maa naa nen dage ɓaara wo de sena’ge kẽẽ go see kããra. Diŋ wersen so ga Wããre Baa wãã ga: “Daga ndo mo joŋ fruygi diŋ de wãy maga ndo dan ti jõõ ɓon mono” (Jag jõõ wo 5:18, 19). Jeofa da ga jar maaga wo de da kããra mo hay wo de deele see kããra nen maaga á mo legãɗ wo go wa—Jaŋ Hebre wo 13:4.
2. Figliw diŋ maylà?
Bible wãã ne naa ga “lengaɗge de re sõõre, jar joŋ figliw. . . da’ ge wo ngeel lagge ti twaywaŋ mani Baan ga hase” (1 Korente 6:9, 10 NWT). Jar maaga yer wo kefder maa jag Gregn wo joŋ wo joŋre de wããre porneïa maa wããge ti suɗgi de kããra maa de ɗag wo. Wããre sen wãã ti (1) suugi de kããra maa ti holaŋ jar maaga bay wo de da kẽẽ peel ngomna wa a, (2) ti suugi de kããra maa ti holaŋ jee twar wo de jee twar noga wãy de wãy, lan ti (3) maaga jee táabay suu de horoge. De maaga naa yaŋ “ɗaw see [naa] see joŋge figliw” no, naa fruy ɓil Jeofa, lan naa de joŋge na diŋ de el see see naa tu lay”—1 Tesalonig wo 4:3.
FRUGGI NEN HADGE NO
Naa ko ɗeŋ maaga ndo ɗee go see figliw na ɗeege là, lan da’ge maaga ndo da’ hayga ndo yaŋ bay we dem ɗiggi ɓo de fẽẽre maa de ɗag wo wa no.
3. Ɗee go do figliw
Josef, weejõõ po ga hay de hã ɓil debaŋ, hay durgi maaga se mo dem see se wa. Jaŋ Tĩĩgi were 39:1-12, ni ndal wee ti wiigi jag maa blam wo la no:
-
Josef daŋ diŋ wer maylà?—Ko verse 9.
-
Ndo mbo de ɗiggi ga Josef maŋ mbe na diŋ ɗiggi maa ti ngeel ɓe? Wer mayne?
Weere maa jõõre wo de tigliiri joŋ wo doo Josef ne na joŋge lay ne? Á ɗee wo go do figliw na ɗeege ne? Ko VIDEYO.
Jeofa da ga naa ɓuy naa mo ɗee go do figliw. Jaŋ 1 Korente wo 6:18, ni ndal wee ti wiigi jag maa blam wo la no:
-
Ngeel maaga kaŋ wo wer jobo go joŋ figliw diŋ maa hõn wo ne?
-
Ndo ɗee go do figliw na ɗeege là?
4. Ndo mbo de kããge maa ooge jag liwgi ngiŋ
Wer mayse ga day maa po á joŋ gayri maaga jobo mo oo ngiŋ jag ɗiggi joŋge figliw là? Ko VIDEYO, ni ndal wee ti wiigi jag maa blam la no.
-
De maaga hẽnbe maa ɓil videyon ko ga ɗiggi se wo de joŋre se maa po kaŋ ge wo wer se go maaga se mo hay de deele see wãy se wa so mono, á joŋ diŋ mayse ne?
Á de gayri koh see krétiyẽ wo maaga á mo hay wo go de fããge nen ɗiggi. Ndo joŋ joŋge maaga ndo mo hay kaŋ ɗiggi ti fẽẽre maa de yeeɗe wo wa ne? Jaŋ Filip wo 4:8, ni ndal wee ti wiigi jag maa blam wo la no:
-
Naa mo hay ɗig diŋ fẽẽre maa ẽse wo là?
-
Jaŋge Bible lan joŋge joŋre ne Jeofa tum kay wo naa maa ooge jag liwgi maaga kaŋ wo wer naa go joŋ ɓlagge na kayge là?
5. Wããre maa de woore wo ga Jeofa hã ra wo diŋ maa kay naa
Jeofa de ko fẽn maaga kay naa mono. Á ngaɓ ɗeŋ maaga naa mo hay go de fããge nen ɗiggi ne naa, lan da’ge maa wer ɗiggi maaga go de fããge mono. Jaŋ Jag jõõ 7:7-27 noga Ko VIDEYO, ni ndal wee ti wiigi jag maa blam wo la no.
-
Weel maa jõõ tõõ da’ see ɓe go ti ngeel maa de baywoore na da’ge là?—Ko Jag jõõ wo 7:8, 9.
-
Doo maaga à da’ ɓil Jag jõõ wo 7:23, 26 ne mono, figliw nduu de re maa de baywoore wo ne naa ti debaŋ. Hayga naa lag we go de fããge nen ɗiggi naa no, naa joŋ yaŋ go de yããge jag re maa de baywoore maa hõn wo là?
-
Ɗiggi maaga go de fããge kay naa maaga ɗiggi naa mo hay de kaŋge ti tenen maa tumn na kayge là?
Jar maa po ɗig wo ga fẽn maaga Bible wãã ti suugi de kããra maa ti holaŋ jee twar wo de jee twar noga wãy de wãy bay ti ngeel ɓe wa. Amaa Jeofa diŋ Baa maa de dage. Á da ga wosela ɓuy mo hay tenen caw tum de fruygi. Maaga naa mo da’ ne mono, naa de hoo sug ti jag liŋgi ɓen wo no. Jaŋ 1 Korente wo 6:9-11, ni ndal wee ti wiigi jag maa blam la no:
-
Nen Baa mono, de ɓlagge diŋ ɗiggi maaga jee twar da ga se mo suu de kan se je twar noga wãy de kan ɓe wãy mo tawa tu yaw?
Maaga naa mo hay de cõõre jag Baa mono, naa ɓuy naa maa coo seele naa. Á mbe de el maaga naa dur maa joŋ sen yaw? Jaŋ Siŋ wora 19:8, 11, ni ndal wee ti wiigi jag maa blam la no:
-
Ndo ɗig mbo na ga jag liŋgi maaga Jeofa hã ra mbaara go gus maa hoo sug ti yawlà? Wer mayse ga ãã ne, noga wer mayse ga bay wa ne?
Jeofa kay jar ngaɓa debaŋ maa hoo sug ti jag liŋgi ɓen wo no. Á kay mbe ndo yaŋ doo sen ne lay
NAA YAŊ LAƊGE GA: “Dage yaŋ go ti holaŋ jar po wo ɗa no, á bay diŋ ɓlagge de maaga á suu wo de kããra mo wa.”
-
Ndo fer ni na ga hãyne?
KLUURI HADGE NO
Suugi de kããra diŋ kado maaga Jeofa hã ne jee twar wo de wãy maaga wo go de da kããra ti faage ɓe peel ngomna maaga á mo fruy wo de ɓe.
Ferge ko nen hadge no
-
Maaga à wãã ga re sõõre mono, à wãã diŋ ti mayse wo là?
-
Mayse kay naa maaga naa mo ɗee go do figliw là?
-
Naa yaŋ hoo sug ti jag liŋgi maa ni Jeofan wo no, naa da’ mayse yaŋ là?
MAA DA’ WER PA
Wer mayse ga Baa da ga jee twar wo de wãy maaga naa wo see kããra mo hay wo de da kẽẽ ti faage ɓe peel ngomna ɗa là.
« Vivre en couple sans être mariés : Qu’en dit la Bible ? » (article jw.org)
Ko wer mayse ga fẽn maaga Bible wãã ga jee twar mo da jee twar wa noga wãy mo da wãy wa bay jor glog jar caa hee see kããra wa là.
Ko maaga jag liŋgi maaga Baa hã ra ti ɓaŋ suugi de kããra yãã naa go na yããge la ɗa.
« Les relations buccogénitales sont-elles vraiment des relations sexuelles ? » (article jw.org)
Ɓil mbaa « Ils ont respecté ma dignité », ko fẽn maaga kay blo po ga hay suɗgi de kããre ɓe werpiiri wo maa coo seele ɓe nen maaga á mo hay de cõõre jag Baa mo ɗa.
« La Bible transforme des vies » (La Tour de Garde, 1er avril 2011)
a Legãɗge de re sõõre wo wãã ti joŋre maa wer sar sar wo doo suugi de kããra, kõɗge kããra jage, kõɗge kããra tuu gloge, noga maaga maa tenaare seɗ wo ngeel sõõre kẽẽ, lan lamge ngeel sõõre jobo.
