Ti wer jar maa po wo, à ɗig ga jobo joŋ de fruygi bay ware noga bay wãy ga. Amaa, jar maa de da kããra bay wo ɓuy de fruygi wa. Day jar maa po bay wo de da wãy noga bay wo de da war wa wo de fruygi lay. Cwãyn diŋ ga Bible wãã ga dage kããra noga dwur wo ɓog ɓuy diŋ kado maaga Baa hã ne naa.

1. De woore dwur diŋ mayse solà?

Bible wãã ga: “Jee maaga da war noga da wãy joŋ de el, Jee maaga da war noga da wãy ga joŋ ɗawa pa yaw.” (Jaŋ 1 Korente wo 7:32, 33, 38, NWT). Ti ɓaŋ maa hõn ga jobo maa dwur joŋ ɗawa là? Jar maa dwur bay wo de jobo do maa soɗge wa. Sen maa wããge ga á wo go tum de koɗe. Ko ba ɗa, jar maa po yoo ɓaara wo de wur do debaŋ maa sii wããre Baa go, maa po raw wo siigi ɓe go ti ngeel maa tigriŋ. Debaŋ ɓen pa so yaw diŋ ga á wo de wur do debaŋ maa sa’ holaŋ ɓaara de Jeofa.

2. Da’ge maa wer dage kããra maa peel ngomna diŋ maylà?

Doo dwur ne lay mono, dage wãy noga war de woore ti ngeel maa po wo lay. Bible wãã ga “Jar po tay wo we ɓog no, á wo dedaŋ jee maga ɓen boŋ tu mono” (Eklesiyaste 4:9). Seŋ diŋ cwãy, jar jag-Baa maaga joŋ wo joŋre de wããre Baa wo ti desãy lay. Jar maaga da wo kããra peel ngomna wo de wããge ne jar diŋ ga saara joŋ yaŋ da kããra tum, hoo sug yaŋ ti kããra tum, lan joŋ kããra yaŋ de dage tum lay. Wersen, saara ko see ɓaara go de yããge ɗawa de daŋ jar maaga bay wo de da kããra peel ngomna wa mono. Lan weere ɓaara ko wo see ɓaara go de yããge lay.

3. Jeofa ko dage kããra na koge là?

De maaga Jeofa kaŋ wãy ne jee táabay maa taŋgun mono, á wãã ga: “jee twar men pan ɓe wo le go de man ɓe wo ma sa’ge see wãy ɓe, á kol wo go diŋ [ . . . ] hõõgeese po boŋ” (Tĩĩgi were 2:24; NWT). Jeofa da ga war wo de wãy mo da wo kããra lan mo lag wo de kããra maa tum. Á ɓo’ faage busgi ti holaŋ war wo de wãy say jobo joŋ figliw yoo ɓaara. Ti re maa doo se no kay, Jeofa men jee maaga wãy ɓe noga war ɓe joŋ figliw maŋ ɗiggi maaga se bus go, noga baywa diŋ se a (Mat. 19:9). Jeofa bay dage ga krétiyẽ mo hay de naare noga de war ngaɓa wa—1 Timote 3:2.

 FRUGGI NEN HADGE NO

5. Kiɗ wãy noga war de ko re

Kiɗgi wãy noga war diŋ maŋge ɗiggi maa kluu ga ndo maŋ ti naw ɓon ɓuy. Jaŋ Matiye 19:4-6, 9, ni ndal wee ti wiigi jag maa blam la no:

• Wer mayse ga Krétiyẽ de hay ɗig go de woore taŋgu maaga se da wãy noga war ɗa là?

Bible kay ndo maa ko joŋre wãy noga war maa de woore maaga nen dage mono. Fẽn maa de woore debaŋn diŋ ga ndo mo kiɗ diŋ jobo maaga da Jeofa. b Jaŋ 1 Korente wo 7:39 lan 2 Korente wo 6:14. Ni ndal wee ti wiigi jag maa blam la wo no:

• Wer mayse ga naa mo hay da diŋ sedeewa Jeofa naŋ là?

• Á joŋ see ne Jeofa joŋge de maaga ndo da jobo maaga bay we dage ɓe wa we mo là?

 6. Ko wee dage kããran doo ga Jeofa kon ne no

Le Israyel ɓaa mono, jar maa po hay wo go bus naare ɓaara go ti re maaga bay diŋ figliw wa. Jaŋ Malasi 2:13, 14, 16, ni ndal wee ti wiigi jag maa blam la no:

• Wer mayse ga Jeofa caa hee de busgi maaga Bible bay hã faage ɓe wa là?

Ko VIDEYO, ni ndal wee ti wiigi jag maa blam la no.

• Hayga ndo da jobo maaga bay we diŋ sedeewa Jeofa wa no, ndo joŋ joŋge maaga ɓi feele ɓay mo da’ fruygi là?

7. Joŋ wee joŋre de jag liŋgi maa ni Jeofan ɓi feele ɓay

 KLUURI HADGE NO

Dwur wo de dage kããra diŋ kado maaga a le ni Jeofa. Á wo ɓog ɓuy a wo de fruygi hayga naa yaŋ joŋ joŋre de ɓaara doo maaga Jeofa da ne no.

Ferge ko nen hadge no

• Ndo joŋ joŋre de dwur ɓon de woore na joŋge là?

• Wer mayse ga Bible wãã ga naa mo da say diŋ sedeewa Jeofa là?

• Bible ɓo’ faage busgi diŋ ti re maa hõn boŋ là?