HADGE 44

Few wo ɓuy de cõõre jag Baa yawlà?

KAŊ NE

Jeofa da ga naa mo hay fruygi nen naw naa wo, lan naa mo hay joŋ few de ngar ngeel maa po wo. Day fewn mbaara ɓuy de cõõre jag ɓe yawlà? Naa naa nen dage naan go see Jeofa ti ɓaŋ sen na naage là?

1. Wer mayse ga few maa po bay wo de cõõre jag Jeofa wa là?

Maapo á ngel ndo de maaga ndo laa we ga few maa po a wo le diŋ see hadge maaga bay wo ɓil Bible wa noga wo de sa’ge see jag-Baa maaga bay wo ti ngeel ɓe wa. Maapo ga saara de sa’ge see fẽẽre maa nen suŋgu wo, noga see hadge maaga nenterse jee táabay gwa’ tenen blam húulí ɓe. Few maa po a wo le diŋ see hãge ɓil maaga bay wo ti ngeel ɓe wa noga see hãge ɓil maaga mopo joŋ diŋ see rusgu noga see hoɓre (Esay 65:11). Jeofa wãã ne jar maa goŋge ɓen wo ga: “caa wee see ɓay go de ɓaara! Du’ wee ree ma de ɗag wa”—2 Korente wo 6:17. a

2. Few maaga hã wo togoɗge maaga bay nen maa jar téebeere wo wa ne jar joŋ wo see ne Jeofa na joŋge là?

Jeofa ɓo’ sug naa ga naa mo “kaŋ ɗiggi [naa. . . ] ti je táabay” wa (Jaŋ Jermi 17:5). Few maa po hã wo togoɗge ne waŋre wo noga ne soode wo. Maa po hã wo togoɗge ne fẽẽre maa doo drapo wo lan maa joŋ fruygi ɗiggi ti wur maaga sirn kol go ti see ɓe mono (1 Jaŋ 5:21). Wur maa tigriŋ wo ga à joŋ joŋre ni ga wo diŋ maa ɗig ti ti fẽn poltig po noga fẽn tayge jag po. Hayga naa yaŋ hã togoɗge maaga bay nen maa jee táabay wa ne jobo noga ne tayge jag po no, debaŋ ɓe ne maaga ɗig ti jar ti mopo maaga sar de ɗiggi Baa no, á joŋ ge see ne Jeofa na joŋge là?

3. Joŋre maaga kol wo few po de baywoore diŋ maa hõn wo là?

Bible caa poõ “taɗge de yii, few maaga à joŋ fẽẽre maa hãy hãy wo ni, [lan] joŋ hragge, taɗ de yii” (1 Piyer 4:3). Ti few maa po wo à joŋ fẽẽre maa de baywoore wo de maa de yeeɗe wo ni. Maaga naa mo hay diŋ bar Jeofa tum mono, naa mo hay lag go hãã see fẽẽre maaga dem wo ɗiggi naa mono.

FRUGGI NEN HADGE NO

Ko maaga ndo maŋ ɗiggi maa de woore, ga de cõõre jag Jeofa ti joŋge few wo na maŋge la ɗa.

4. Ɗee go see few maaga bay wo de cõõre jag Jeofa wa mono

Jaŋ Efes wo 5:10, ni ndal wee ti wiigi jag maa blam wo la no:

De maaga naa yaŋ maŋ ɗiggi ga naa joŋ fewn yaw bay wa yawla no, naa mo hay go de ko mayse de woore ɗa la?
Few maaga à da joŋ rage debaŋ ni ɓay diŋ maa hõn wo là?
Ndo ɗig ga few sen mbaara de cõõre jag Jeofa yawlà?

Ndo go de wii jag see ɓo ti boŋ ga Jeofa ɗig ti few maa ɗiggi ti wur biŋgi jobo na ga hãyla yaw? Bible bay wããge ti boŋ ga jobo maaga hay goŋ Jeofa joŋ few maa ɗig ti ti wur biŋgi ɓe wa, amaa á wãã ti few maa ɗig ti wur biŋgi jar po wo ɓog ga hay bay wo goŋ Jeofa wa. Jaŋ Tĩĩgi were 40:20-22 lan Matiye 14:6-10. Ni ndal wee ti wiigi jag maa blam wo la no:

Few sen wo ɓog ɓuy wo de tabge ti mayse là?
Doo maaga verse sen wãã wo la ne mono, ndo ɗig ga Jeofa ko few maa ɗig ti ti wur biŋgi wo na koge là?

Amaa ndo mbo maa wii jag see ɓo ga: ‘Á mbe na de el nen Jeofa maaga ndi joŋ few maa ɗig ti ti wur biŋgi jobo noga few maaga Bible bay wããge ti ɓe wa yawlà?’ Jaŋ Laage go 32:1-8. Ko VIDEYO ni ndal wee ti wiigi jag maa blam la no.

VIDEYO: Few maaga bay wo de cõõre jag Baa wa (5:07)

Wer mayse ga naa mo hay kiɗgi maa ko fẽn maaga de cõõre jag Jeofa là?
Naa joŋ na joŋge so là?

Naa ko koge ga few po bay de cõõre jag Baa wa là

Á de oole diŋ ciŋ ti hadge maaga bay wo ɓil Bible wa yaw? Maa ko sen mono, kiɗ wer ne ngeel maaga á a le ni mono.
Á hã togoɗge wo de kluu debaŋ ne tayge jag wo, ne fẽẽre maaga à ko sir wo see ɓaara yaw? Naa hoo sug taŋgu diŋ ti Jeofa ɗa, lan naa kaŋ ɗiggi ga kne’ ge re maa ti tamsirn wo ɓuy la diŋ se.
À joŋ fẽẽre maa de baywoore wo ga Bible go de caa põõ ɓaara ni yaw? Naa de sãy maaga ɗiggi fẽẽre maa de baywoore mo nduu wo ne naa ti wa.

5. Kay jar lan wo maa hoo sug ti fẽẽre maaga ndo de hã ɓil ti ɓaara mono

Maa po ga jar baa wùu mo see ga ndo mo joŋ few maaga bay wo de cõõre jag Jeofa wa. Maaga ndo mo wãã ga “ndi joŋn ga”, bay gus wa. Naa wer ɗiggi ɓon ne hara desãy, de hooge sug lay. Maa ko saɓlaŋ maaga ngaɓ ɗeŋ maa joŋge doo sen ne mono, Ko VIDEYO.

VIDEYO: Sii ɗiggi ɓon wo de hoo sugi (2:01)

Jaŋ Matiye 7:12, ni ndal wee ti wiigi jag maa blam wo la no:

Doo maaga versen wãã la ne mono, ndo mbo maa wii jar maa liŋ ni ɓay wo ga hãge ɓil ɓay bay sen boŋ wa, ga á mo joŋ wo few po wa yaw?
Ndo joŋ joŋge maa hã bawge go ne jar maa liŋ ni ɓay wo jag jiili ga, koh maaga ndo bay mbo joŋ few sen de ɓaara wa laybla’ no, ndo tum de da ra ge na hãge ne?

6. Jeofa da ga naa mo hay de fruygi

Jeofa da ga naa joŋ fruygi de jar maa ɓi feele naa wo, lan de bar naa wo. Jaŋ Eklesiyaste 8:15, ni ndal wee ti wiigi jag maa blam la no:

Verse sen ɓo’ nen go ga Jeofa da ga naa mo hay de fruygi na ɓo’ge là?

Jeofa da ga jar maa sen mo hay wo joŋ hragge, mo ig wo see kããra joŋ fruygi. Ko VIDEYO maa koge ga sen naa nen go ti taygeti naa maaga jar maa ti sir waare a wo le ni mo ɗa.

VIDEYO: Yããge waare jar ti taygeti maaga jar sir waare a wo ni (5:40)

Jaŋ Galad wo 6:10, ni ndal wee ti wiigi jag maa blam wo la no:

Naa de gor ga say few po mo nduu ɗa maa joŋ “de el” see jar yaw?
Fruy ɓil ɓo diŋ hãge maa hõn ne: diŋ hãge maaga à hãn do doole wur few wo mo yaw, noga maaga ndo hã de dage ɓo mono?
Sedeewa Jeofa po wo debaŋ joŋ wo kado po sar ne weere ɓaara wo wur maa po wo, noga hoo wo nen ɓaara de ɓe do. Hayga ndo yaŋ de weere no, ndo joŋ diŋ mayse maaga joŋ yaŋ nen ɓaara sar là?

NAA YAŊ LAƊGE GA: “Fewn mo a ba le genla, de eln diŋ ga jobo mo fruy de jar maa ɓi feele ɓe wo, lan de bar ɓe wo koɗe.”

Ndo fer ni na ga hãy ne?

KLUURI HADGE NO

Jeofa da ga naa mo hay fruygi de jar maa liŋ ni naa wo, lan de bar naa wo. Amaa á da ga naa mo ɗee go see few maaga bay wo de cõõre jag ɓe wa mo lay.

Ferge ko nen hadge no

Maa koge ga few po bay de cõõre jag Jeofa wa mono, naa de hay wii jag see naa ga hãylà?
Naa kay jar maa liŋ ni naa wo de bar naa wo maa laa wer ne ɗiggi naa ti few maaga à joŋ ra na kayge là?
Ndo ko koge ga Jeofa da ga naa mo hay de fruygi, lan mo joŋ hrag là?

Naw tawge hadge no:

Fẽn maa joŋge blam

Joŋ joŋre de fẽẽre maaga ndo laa ra ɓil hadge sen la maa da’ wer go de woore ne few maaga à da joŋ ra ge ni ɓay mono.

Maa tigriŋ:

Maa tigriŋ