Yeso hay had ga jar maa wer sen “bay ma jar ma ti tamsir wo wa” (Jaŋ 15:19). Kaŋ nen ga naa diŋ wer twaywaŋ maa ni Baan boŋ tu, de ngaɓge doo maaga naa maŋ ɓaŋ ti politig ga lay, wer durgi wo ga lay. Cwãy tu, á bay tum gus maaga naa mo lag doo sen no wa. Jar maa po feg wo ti naa wer maaga naa maŋ go diŋ wer twaywaŋ maa ni Baa boŋ tu mono. Naa joŋ joŋge maaga naa lag diŋ wer twaywaŋ maani Baan boŋ tu, lan naa lag de deele peel Jeofa là?

1. Krétiyẽ maa ti ngeel ɓe ko wo ngomna maa ni jar téebeeren wo na koge là?

Sedeewa Jeofa hoo wo sug ti ngomna wo. Naa joŋ doo maaga Yeso wãã ne no, naa “hã. . .fẽn maga diŋ ma Sesar go ne hẽne”—kaŋ nen ga, naa hoo sug ti jag liŋgi maaga ngomna hã ne; doo poɗge lombo (Mark 12:17). Bible had naa ga ngomna maa ti tamsir wãã wo wããre jar diŋ ga Jeofa men ra ni (Rom wo 13:1). Naa mo hay ko ga wããge re jar maa ni ngomnan bay go de day maa ni Baan wa. Naa kaŋ wee ɗiggi diŋ ga Baa wo de twaywaŋ ɓe maa ciŋn ‘wũy re maa see jar téebeere yaŋ wo go ɓuy.

2. Naa ngaɓ go ngaɓge ga naa diŋ wer twaywaŋ maa ni Baan boŋ tu là?

Doo Yeso no lay, naa bay maa hee see naa nen poltig wo wa. De maaga jar téebeere ko wo fẽẽre mbuɗgi maaga Yeso joŋ ra mono, saara kiɗ ga saara hay ne waŋ. Yeso day ga (Jaŋ 6:15). Wer may ne? Werga, doo maaga á wãã go blam ga “Twaywaŋ ɓin bay diŋ ti tamsir sen la wa” (Jaŋ 18:36). Naa jar maa wer Yeson, naa ngaɓ go ga naa wer twaywaŋ maa ni Baan de joŋ fẽẽre ngaɓa: Naa wo ti durgi ga (Jaŋ Mise 4:3). Naa hoo sug ti fẽẽre maaga á ko sir wo see ɓaara—doo drapo—amaa naa goŋ ra ga (1 Jaŋ 5:21). Naa maŋ wer parti poltig noga jee maa ti poltig po ga lay; lan naa kaŋ ne hara nen ga lay. De joŋge doo sen no kay, lan de ɗeŋ maa tigriŋ wo, ni naa de ngaɓge ga naa diŋ wer twaywaŋ maa ni Baan boŋ tu.

 FRUGGI NEN HADGE NO

3.Krétiyẽ maa ti ngeel ɓen maŋ wo wer twaywaŋ maa ni Baa no

Yeso wo de jar maa wer ɓen hã wo saɓlaŋ ne naa. Jaŋ Rom wo 13:1, 5-7, lan 1 Piyer 2:13, 14. Blam, Ko VIDEYO ni ndal wee ti wiigi jag maa blam wo la no.

• Wer mayse ga naa mo hoo sug ti ngomna maa ti tamsir wo la là?

• De ɗeŋ maa hõn wo ga naa naa nen hooge sug naan wo go là?

De maaga waŋ le’ we no, sir maa po wãã wo ga saara bay nen waŋn ni wa; amaa paga saara kay jar maaga wo de dur kããra wo mono. Krétiyẽ maa ti ngeel ɓen mo hay ɗig wo ti ngeel maa sen na ɗiggi là? Jaŋ Jaŋ 17:16. Blam, Ko VIDEYO ni ndal wee ti wiigi jag maa blam la no.

• Maaga naa wãã ga naa diŋ wer twaywaŋ maa ni Baan boŋ tu da wããge na ga hãylà?

Hayga ngomna maa ti tamsir wii wo mopo maaga jag liŋgi maa ni Baan go de maŋ jag ɓe we no, naa joŋ joŋge là? Jaŋ Joŋre 5:28, 29. Blam VIDEYO ni ndal wee ti wiigi jag maa blam wo la no.

• Hayga jag liŋgi maa ni jar téebeeren yaŋ wo sar de maa ni Baa no, ndo hoo sug diŋ ti maa hõn yoo ɓaara là?

• Ndo yaŋ ɗiggi ti re po maaga krétiyẽ bay wo maa hoo sug ti jar kluuri maa ti tamsir wo wa yaw?

 4. Hay wer twaywaŋ maa ni Baan nen ɗiggi ɓo wo de joŋre ɓo

Jaŋ 1 Jaŋ 5:21. Blam, Ko VIDEYO ni ndal wee ti wiigi jag maa blam wo la no.

• Ɓil videyo sen la, wer mayse ga Ayeŋge maŋ ga se mo kal ti poltig wa noga se mo wo ti few ɓaara po doo goŋge drapo wa ne?

• Ndo mbo de ɗiggi ga á hay maŋ diŋ ɗiggi maa de woore yaw?

Re maa hõn wo pa ga hãy wo ɗiggi maaga naa maŋ diŋ wer twaywaŋ maa ni Baan boŋ tu là? Ko VIDEYO, ni ndal wee ti wiigi jag maa blam wo la no.

• Ndo joŋ wer twaywaŋ maa ni Baan boŋ tu de maaga jar joŋ espor maa ti wer sir sar sar wo de yiŋgi de kããra ti baloŋ na joŋge là?

• Naa lag wer twaywaŋ maa ni Baan koh de maaga wããre jee poltig po joŋ see ne naa ni naŋ ga na lagge là?

• Fẽẽre maaga naa laa ra ti radio, ti tele noga ti interned hãy wo ɗiggi naa maaga go wer twaywaŋ maa ni Baan boŋ tu na hãyge là?

 KLUURI HADGE NO

Krétiyẽ maa ti ngeel ɓen dur wo maaga saara mo hay diŋ wer twaywaŋ maa ni Baan tawa tu nen ɗiggi ɓaara, nen wããre lan nen joŋre ɓaara.

Ferge ko nen hadge no

• Naa de joŋ see ngomna maa tamsir wo naa joŋge là?

• Wer mayse ga naa mo maŋ wer ɓaŋ poltig po wa là?

• Re maa hõn hãy wo ɗiggi naa maaga naa mo hay wer twaywaŋ maa ni Baan boŋ tu là?