HADGE 47

Ndo mbo go de bag jag see ɓo maa joŋ batem yawlà?

KAŊ NE

Hadge sen kay ndo yaŋ maa da’ koge re ti Jeofa debaŋ. Maapo ga hadge sen kay mo maa coo seele ɓo. Amaa maapo fẽn po yaŋ baa ti ɓo maaga ndo mo hã see ɓo go ne Jeofa, lan mo joŋ batem go wa ɗa. Hadge sen la wãã ge yaŋ ti gayri maaga jar debaŋ hres wo nen ɓaara, day se ngaɓ ɗeŋ maaga á naa wo blum ɓaara na naage là.

1. Ndo de da’ wer go ne fẽẽre gemãy taŋgu maaga ndo joŋ batem là?

Maaga ndo mo wo go joŋ batem mono, á de el maaga ndo mo “ko [ . . . ] cwãy [no]” (1 Timote 2:4). Sen da wããge bay diŋ ga ndo mo hay joŋ go nen yiŋ jag ti wiigi jag wo ɓuy, blam ni ndo joŋ batem kway wa. Koh krétiyẽ maaga wo go de joŋ batem ɓaa ɓaa joŋ wo tum frug nen wããre Baa (Kolos wo 1:9, 10). Amaa á de el maaga ndo mo da’ wer go ne kluuri hadge maa ɓil Biblen wo ɗa. Jar maa peel tayge maaga ndo ni wiɗ wo jag ɓo yaŋ maa koge ga hadge ɓon mbe de kããge yawlà.

2. Ndo de joŋ mayse wo go taŋgu batem ɗa là?

Taŋgu batem ɓo mono, ndo de “coo ɗiggi ɓo ti ɓlagge ɓon wo no . . . blam ɓe ni ndo coo seele ɓo” (Jaŋ ɓil Joŋre 3:19). Sen da wããge ga ndo de law ti ɓlagge maaga ndo hay joŋ ra mono, lan ndo de wii Jeofa ga á mo fug ɓil go mo ti. Ndo de coo seele ɓo maa de baywooren wo no, lan de joŋ go de baa wer see ɓo maa joŋge diŋ fẽẽre maaga wo de cõõre jag Jeofa mono. Ndo mo hay woge ti joŋre maa ti taygen wo tum, lan ndo de tĩĩ wer kalge go sii wããre wer jar maa ti tayge ɓon wo doo jee sii wããre maaga bay go de joŋ batem wa ɗa nono.

3. Wer mayse ga ndo mo men hẽẽne baa ti ɓo wa là?

Jar maa po joŋ wo hẽẽne ga dayla saara joŋ de kããge maa joŋ fẽn maaga saara hay wããn ne Jeofa mo ga. Kidolgi, maapo re maa de baywoore raw ge mbe ne ndo do. Koh jar maa de deele ga kefder Baa wãã ti ɓaara hay joŋ wo fẽẽre maa de baywoore wo lay (Jaŋ Siŋ wora 103:13, 14). Ɓil ɓe go feh ti maaga ndo de durgi de ngar ẽgre ɓo mono! Jeofa wãã ga mopo “kãã ma blaw ɓil naa go de dage maga [se] da naa mo ga hase”—Jaŋ Rom wo 8:38, 39.

FRUGGI NEN HADGE NO

Naa ko maaga da’ge wer ne Jeofa, lan kayge maa ni ɓen kay ndo maa naa blum re maaga baa wo ti ɓo maa joŋ batem go mo ɗa.

4. Da’ wer go ne Jeofa de woore

Ndo mo hay ko mayse wo go see Jeofa taŋgu maaga ndo joŋ batem go là? Ndo mo hay go de da’ wer ne hẽn de woore. Sen kay mo maaga ndo mo hay dage ɓe, lan joŋ fẽẽre maa de cõõre jag ɓe lay. Ko VIDEYO maa koge ga jar maaga à de had Bible ne hara ti tamsir ɓuy joŋ wo doo sen ne no. Ni ndal wee ti wiigi jag maa blam la no.

VIDEYO: Faage maa woge joŋ batem (3:56)

Mayse kay jar maa ɓil videyon wo la maa bag jag see ɓaara go see batem là?

Jaŋ Rom wo 12:2, ni ndal wee ti wiigi jag maa blam wo la no:

Ndo de mbrawge ti hadge maa ɓil Biblen wo, noga ga Sedeewa Jeofa had mbaara na diŋ cwãy yawla yaw?
Hayga á yaŋ doo sen ne no, ndo maa joŋ mayse là?

5. Naa blum ren wo no

Jobo wãã we ga se hã see se go ne Jeofa nen tosge, lan se joŋ batem go no, á yiŋ de re wo debaŋ. Maa ko saɓlaŋ po boŋ mono, Ko VIDEYO, ni ndal wee ti wiigi jag maa blam la no.

VIDEYO: Dage ɓo see Jeofa kay mo maa naa blum ren wo no (5:22)

Ɓil videyon la Naraŋjerel hay naa blum mayse go maa joŋ peele ne Jeofa là?
Dage ɓe see Jeofa kay ne na kayge maaga ren mo baa wo ti ɓe wa là?

Jaŋ Jag jõõ wo 29:25 lan 2 Timote 1:7, ni ndal wee ti wiigi jag maa blam la no:

Mayse hã ẽgre ne naa maa naa blum ren wo là?

6. Kaŋ ɗiggi ɓo diŋ ti kayge maa ni Jeofa no

Jeofa kay ndo yaŋ maa joŋ dage ɓe. Ko VIDEYO, ni ndal wee ti wiigi jag maa blam la wo no.

VIDEYO: Jeofa kay ndo yaŋ (2:50)

Ɓil videyon la mayse hay baa ti jee maaga à hay had Bible ne hẽn maaga á mo joŋ batem go là?
Mayse kay ne maaga á mo ya’ wer kaŋ ɗiggi ɓe ti Jeofa là?

Jaŋ Esay 41:10, 13, ni ndal wee ti wiigi jag maa blam la no :

Wer mayse ga ndo go de bawge jag jiili ɓo ga ndo joŋ yaŋ de kããge maa joŋ fẽẽre maaga ndo hay wãã ra ne Jeofa nen tosge ɓon là?

7. Ya’ wer joŋ suse’ ne Jeofa ti dage ɓen de peel ni

Ndo yaŋ ya’ wer ɗiggi ti dage maaga Jeofa da mo ciŋ ni no, ndo ya’ wer joŋ suse’ yaŋ ne hẽn de peel ni lay. Lan ndo joŋ yaŋ de sãy joŋ joŋre ne hẽn ti maa tum pa. Jaŋ Siŋ wora 40:6, ni ndal wee ti wiigi jag maa blam la no:

Bosa’ maa ni Jeofa maa hõn wo ga ndo da ra debaŋ là?

Profet Jeremi hay da Jeofa wo de wããre ɓen debaŋ. Ɓil ɓe hay go de fruygi debaŋ ti ɗuu Jeofa maaga se hay joŋ joŋre de ɓe mono. Á wãã ga: “Wããre ɓon raw wo coge jag ɓi lay, joŋ wo ɓil ɓi go feh lay, werga ndi de maŋ ɗuu ɓon jag ɓi, ndo [Jeofa] Pantwãy no.” (Jermi 15:16). Yiŋ jag ti wiigi jag maa blam wo la no:

Wer mayse ga ndo yaŋ diŋ Sedeewa Jeofa se diŋ togoɗge là?
Ndo mbo go de sãy joŋ batem ti maa kol Sedeewa Jeofa lay yawlà?
Fẽn po yaŋ go maŋ jag ɓo ɗa yaw?
Ti ɗiggi ɓo ndo de joŋ diŋ mayse maa joŋ batem go là?

NAA YAŊ LAƊGE GA: “Á bay go tinoo nen ɓi ga ndi hoo ge sug yaŋ ti fẽẽre maaga ndi hay ha’ go peel Jeofa ti ɓaara blam maaga ndi joŋ batem we go wa”