HADGE 02
Bible wãã ga naw maa peeln wo joŋ ge yaŋ de woore
Jar wara ti tamsir debaŋ yiŋ wo de re maaga hã wo lawge ne haara, car wo jiili ɓaara go, noga gay ra wo debaŋ. Ndo hay yiŋ we de tee re sen wo mo hã’ ti boŋ lay yaw? Maapo ga ndo de joo bon do ceege, noga jobo ɓo húu go. Maapo ndo ba de wii jag see ɓo ga, ‘Bon sen taw wo yaŋ mbaara go wurpo yawlà?’ Bible fer wããre ti wiigi jag sen wo no.
1. Bible wãã mayse maa de woore wo ne naa ti naw maa peeln wo là?
Bible wãã ne naa ga wer may ga re maa de gayri wo ti tamsir debaŋ là. Day á wãã pa ga ig la me’ koɗe, re se maa de gayrin taw wo yaŋ go ɓuy. Wããre se ɓil Biblen kay wo mo ‘maga ɗiggi ɓo mo hay de kaŋge gorge wo peel diŋ fẽn ma de ele’ (Jaŋ Jermi 29:11, 12). Wããre se ga Bible wãã ti ɓaara teŋ wo nen naa maa coɓge jag re wo, lan maaga naa mo hay de fruygi patala ɓaa. Day pa á hã wo bawge go ne naa jag jiili ga naa joŋ ge yaŋ de fruygi maa tum.
2. Bible wãã ga mayse joŋ wo yaŋ nen naw maa peeln wo là?
Bible wãã ga nen naw maa peeln wo “jobo huu ga so, jobo law see ɓe ti re po ga so, jobo ndum ti re po ga so, cege joŋ jobo ga so” (Jaŋ Naage nene 21:4). Re maaga joŋ wo wara ga naa mo hay de fruygi wa, doo coocoo, joŋge jar de guri, ceege wo lan húulí joŋ ge wo ga so. Bible wãã ga jar téebeere da’ wo tenen maa tum yaŋ ti Paradis gesiŋ la.
3. Ndo joŋ joŋge maa baw jag jiili ɓo go ga fẽẽre maaga Bible wãã ti naw maa peeln bag ge wo jag yaŋ go cwãy là?
Jar debaŋ da wo ga tamsir mo coo de woore; koh ba de maaga á da wo no laybla mono, mopo bay go ɓo’ nen ga ɗiggi ɓaara sen bag jag yaŋ go wa. Amaa, Bible wãã ga tamsir coo yaŋ go de woore, day wããre sen bag ge jag go cwãy. Maaga naa mo hay go de bawge jag jiili naa ga fẽẽre maaga Bible wãã ra wo diŋ cwãy mono, daga naa mo hay ‘fleg wer wããre maa ɓil kefdern ti naw ɓuy’ (Joŋre 17:11). Hadge Bible ɓon kay mo yaŋ maa koge ga ndo mbo nen hã ɓil ti mo maaga Bible wãã ti ɓe nen naw maa peeln wo mo yaw noga bay wa yawlà.
FRUGGI NEN HADGE NO
Naa ko fẽẽre maaga Bible wãã ga joŋ ge wo yaŋ ti naw maa peeln wo, lan ni naa ko maaga fẽẽre se ga Bible wãã ti ɓaara ti naw maa peeln kay wo jar wara mo ɗa.
4. Bible wãã ga naa joŋ yaŋ tenen jam maa tum
Ko fẽẽre maaga Bible wãã ti ɓaara wo blam la ɗa. Maa hõn coo wo jag ɓo yoo ɓaara debaŋ là? Wer mayselà?
Jaŋ verse maaga wãã ti fẽẽre sen wo mono, ni ɗig ti wiigi jag maa blam wo la ɗa:
-
Verse sen maa blam wo la kay wo mbaara ndo yawlà? Ndo ɗig ga á kay mbaara jar maa ti feele ɓo wo de bar ɓo wo lay yawlà?
Ɗig ɗa, hayga ndo da’ see ɓo ti tamsir maaga:
|
JOBO . . . |
JAR ƁUY . . . |
|---|---|
|
|
|
|
|
|
|
|
|
|
5. Fẽẽre maaga Bible wãã ga joŋ ge wo yaŋ coo ɗiggi naa
Maaga jar ko re wara hresge ti tamsir mo deŋ no, se car jiili ɓaara go debaŋ, maapo se srog glog ɓaara go joŋ re hãy hãy lay. Jar maapo ɗig wo ga saara de coo re sen wo no. Ko maaga fẽẽre maaga Bible wãã ga joŋ ge wo yaŋ kay wãy po mo ɗa. Ko VIDEYO, ni ndal wee ti wiigi jag maa blam wo la no.
-
Ɓil videyon la Rafika hay yiŋ de re maa hõn ga bay ti ngeel ɓe wa là?
-
Koh de maaga re sen taw mbe go ga laybla mono, Bible kay Rafika na kayge là?
Wããre maaga Bible wãã ti naw maa peeln teŋ wo nen naa maa coɓge jag carge jiili wo no, day kay wo naa maaga naa mo hay jag ti feg nen ren wo lay. Jaŋ Jag jõõ wo 17:22 lan Rom wo 12:12, ni ndal wee ti wiigi jag maa blam wo la no:
-
Ndo ɗig ga wããre maaga Bible wãã ti naw maa peeln kay wo mbaara ndo lay yawlà? Wer mayselà?
NAA YAŊ LAƊGE GA:“Fẽẽre maaga Bible wãã ga joŋ ge wo yaŋ nen naw maa peel wo mo deŋ bag ge wo jag go cwãy ga ɓo.”
-
Ti ɗiggi ɓo mono, wer mayse ga á de el ga ndo mo kiɗ wer re se ga Bible wãã ti ɓaara wo mo hã’ là?
KLUURI HADGE NO
Bible wãã ga naw maa peeln joŋ ge wo yaŋ de woore debaŋ. Ɗiggi sen coɓ naa wara maaga naa mo hay mbe de fruygi jag ren wo no.
Ferge ko nen hadge no
-
Wer mayse ga naa de sãy laa wããre maa de cõõre ti naw maa peeln wo là?
-
Bible wãã ga mayse joŋ wo yaŋ nen naw maa peeln wo là?
-
De maaga naa yaŋ de kaŋ ɗiggi gor naw maa peeln de woore no, se kay naa wara na kayge là?
MAA DA’ WER PA
Ko kefder maaga wãã ga kaŋge ɗiggi gor naw maa peeln de woore hã teŋge nen mono.
« L’espoir : où le trouver ? » (Réveillez-vous !, 22 avril 2004)
Kaŋge ɗiggi ga naw maa peeln coo yaŋ kay jar maaga ceege go de kaŋge ne haara see na kayge là?
« Vivre avec une maladie chronique : la Bible est-elle utile ? » (article jw.org)
De maaga ndo de ko videyo sen la mono, ɗig ti maaga nday de jar maa ti feele ɓay wo, nday joŋ ge yaŋ de fruygi ti paradis ti desãy mo ɗa.
Jaŋ wããre blo po maaga hay ɗig ga se coo tamsiri, day ɗiggi ɓe coo de maaga á laa ga Bible wãã ga tamsir coo yaŋ de woore nen naw maa peeln wo mo ɗa.
« Je ne pense plus devoir changer le monde » (La Tour de Garde, 1er juillet 2013)
