Ndo ɗig ga Baa na de maŋ mayselà? Ndo ɗig ga á le go see naa hãã doo ger maa ciŋ wo, ga bay nen maaga à baa barge de ɓe wa yaw? Ndo ɗig ga á diŋ doo leege maa de ẽgre nono, bay de hõõgesee wa yaw? Jeofa de maŋ mayse cwãy so là? Bible ngaɓ joŋre Jeofa maa po wo ne naa see ɓe. Day se wãã pa ga á ko decoo naa debaŋ.

1. Wer mayse ga naa ko Baa ga là?

“Baa diŋ nenterse” (Jaŋ 4:24). Jeofa bay diŋ jobo de hõõgese caw doo naa jar téebeere ne wa. Á diŋ nenterse le ciŋ, day naa kãã maa ko ngeel sen ga.

2. Joŋre Jeofa na ẽlà?

Á mbe cwãy ga naa kãã maa ko Jeofa ga. Amaa, hayga naa kiɗ wer we ne hẽn no, naa ko yaŋ ga joŋre ɓe de el debaŋ, day naa kol yaŋ dage ɓe debaŋ lay. Bible wãã ga: “ [Jeofa] da diŋ joŋre ma de deele day á men jar ma yãã jag ɓen wo go ga” (Siŋ wora 37:28). Ni pa mono, á “ko decoo jar debaŋ, woo ra debaŋ lay”, debaŋ ɓen diŋ jar maaga wo de joŋ bon mono (Jag 5:11). “[Jeofa] maŋ see jar maga jiili ɓaara wo go de carge mono. Day á yãã jar maaga jiili ɓaara mbar ra do re wo go” (Siŋ wora 34:19). Ndo yaŋ mbo de koge ga wer joŋre ɓo maa po wo ndo fruy ɓil Jeofa, noga ndo sõõ ɓil ne hẽn yawlà? Jee maaga joŋ ɓen diŋ fẽẽre maa ni naŋ ga wo, co jag ɓe ga, day se sõõ ɓil ne hẽn lay (Siŋ wora 78:40, 41). Amaa jee maaga joŋ ɓen diŋ de el fruy ɓil ɓe.—Jaŋ Jag jõõ wo 27:11.

3. Jeofa naa nen dage ɓen go see naa na naage là?

Joŋre Jeofa maa kluu ga daŋ go diŋ dage. Werga, “Baa diŋ dage” (1 Jaŋ 4:8). Jeofa naa nen dage ɓen go ne naa ɓil Bible, lan ti fẽẽre maaga se joŋ ra mo deŋ no (Jaŋ Joŋre 14:17). Ko ba maaga á joŋ naa jar téebeere mo hã’ ɗa. Á caa nen ne naa ti, wersen naa de kããge maa ko kuler maa de woore wo; á caa sug ne naa ti, wersen naa de kããge maa laa jõõ maa de cõõre wo; á caa trum ne naa ti, wersen naa de kããge maa liw rege maa de cõõre wo. Á da ga naa mo hay de fruygi tum.

 FRUGGI NEN HADGE NO

5. Joŋre Jeofa wo de woore debaŋ

Moyis hay diŋ jee joŋ peele ne Baa de deele debaŋ, amaa á hay de sãy da’ wer ne jee caage ɓen wo de peel ti ni daŋge daŋge. Diŋ wersen so ga Moyis wii ne ga: “Kaŋ nen ɓi ti faage mani ɓon wo no, ni ndi ko ge ndo yaŋ” (Laage go 33:13). Wersen so, Jeofa kal ngaɓ tee joŋre ɓe po wo ne hẽn see ɓe. Jaŋ Laage go 34:4-6, ni ndal wee ti wiigi jag maa blam wo la no:

• Jeofa hay ngaɓ tee joŋre ɓe maa hõn wo ne Moyis là?

• Yoo joŋre ɓe sen wo maa hõn du’ wo jiili ɓo debaŋ là?

 KLUURI HADGE NO

Jeofa diŋ nenterse, naa kãã ma koge ɓe ga. Joŋre ɓe maa de eln wo ngaɓa debaŋ. Joŋre ɓe sen ya’ wo naa le see ɓe; day maa kluu debaŋn diŋ dage.

Ferge ko nen hadge no

• Wer mayse ga naa kãã maa ko Jeofa ga là?

• Nenterse maa bay ɗagn diŋ maylà?

• Ngaɓ joŋre Jeofa maa po wo ɗa?