HADGE 08

Ndo mbo de kããge maa joŋ bar Jeofa

KAŊ NE

Jeofa da ga ndo mo da’ wer go ne se de woore. Wer maylà? Werga á ɗig ga hayga ndo da’ wer we go ne joŋre se wo de woore, ko ɗiggi se we go de woore, ko mo maaga se da ga joŋn we go de woore lay no, ndo joŋ yaŋ de sãy baa barge de se ti. Ndo mbo de kããge maa kol bar Jeofa cwãy yawlà (Jaŋ Siŋ wora 25:14)? Ndo joŋ joŋge maa kol bar Jeofa là? Bible ngaɓ ɗeŋ ɓe ne naa, day se wãã pa ga joŋge barge de Jeofa diŋ fẽn maaga daŋ go.

1. Jeofa da ga ndo mo joŋ mayse là?

“Yaɗ we see Baa, ni Baa ya’ yaŋ see ɓay lay” (Jag 4:8). Verse sen da wããge na ga hãylà? Á da wããge ga Jeofa da ga ndo mo kol bar se. Jar maa po ɗig wo ga á bay gus maaga saara mo baa barge de Baa wa, werga saara bay koge ɓe wa. Amaa, ɓil Bible mono, Jeofa wãã ne naa ti fẽn maaga naa de sãy koge ɓe ti se ɓuy, maa ya’ see naa see ɓe. Naa jaŋ wããre ɓe maa ɓil Biblen we no, barge naa de ɓe ya’ ciŋ ni, koh de maaga naa kon mbe ti boŋ ga mo laybla no.

2. Wer mayse ga Jeofa diŋ barge maaga daŋ go là?

Jobo maaga da mo de daŋ Jeofa bay wa. Á da ga naa mo hay de fruygi, day naa mo wii se tum de maaga naa yaŋ de sãy kayge ti no. Ndo mbo de kããge maa “men ɗiggi fẽẽre maaga [ndo] de sãy ɓaara tim ɓuy diŋ ne Baa, werga de ko el [ɓo] diŋ se” (1 Piyer 5:7). Jeofa go de gor bar ɓen wo maa kay rage, maa teŋ nen ɓaara, maa co’ sug ɓaara.—Jaŋ Siŋ wora 94:18, 19.

3. Jeofa da ga bar sen mo joŋ wo diŋ fẽẽre maa ese wo là?

Jeofa da jar ɓuy, amaa á sa’ see ɓe debaŋ see “jar ma de deelen wo” (Jag jõõ wo 3:32). Jeofa da ga bar sen mo joŋ wo diŋ fẽẽre maaga co wo jag se, day mo ɗee wo go see fẽẽre maaga se wãã ga wo de ɓlagge mono. Jar maapo ɗig wo ga saara kãã maa hoo sug ti jag liŋgi maa ni Jeofan wo mo deŋ ɓuy tu ga. Amaa, Jeofa yaŋ mbe de koge ga naa diŋ jar téebeere maa de ɓlagge. Wersen so, á yãã woselà ɓuy maaga dan go de jiili ɓe ɓuy, day dur maa joŋ ɗiggi ɓe lay mono.—Siŋ wora 147:11; Joŋre 10:34, 35.

FRUGGI NEN HADGE NO

Naa ko mo maaga naa nen joŋge ɓe maa kol bar Jeofa mono, lan naa ko wer may ga á diŋ barge maaga daŋ go là.

4. Abraham hay diŋ bar Jeofa

Wããre maa ɓil Bible ti Abraham (à ɗen ga Abram mbe pa) kay naa maa laa wer baage barge de Baa. Jaŋ wããre maa ti Abraham ɓil Tĩĩgi were 12:1-4. Ni ndal wee ti wiigi jag maa blam wo la no:

Jeofa hay wãã ne Abraham ga á mo joŋ mayselà?
Jeofa hay wãã ga se joŋ mayse yaŋ ne Abraham là?
Day Abraham joŋ na joŋge lay?

5. Jeofa de gor may do bar ɓen wo là

Naa ɓuy naa de gor fẽẽre po wo do bar naa wo.

Ndo da ga bar ɓo mo joŋ wo fẽẽre maa hõn wo mo là?

Jaŋ 1 Jaŋ 5:3, ni ndal wee ti wiigi jag maa blam la no:

Jeofa de gorge do bar ɓen wo diŋ maylà?

Maaga naa mo hoo sug ti Jeofa mono, á de el maaga naa de coo seele naa noga joŋre naa maa de bay ngar wo no. Jaŋ Esay 48:17, 18, ni ndal wee ti wiigi jag maa blam la no:

Wer mayga Jeofa wii bar ɓen wo ga á mo coo wo seele ɓaaran wo là?

Barge maa ti ngeel ɓen baa yaŋ maa yãã mo ge go jag re wo ne ndo, á baa yaŋ maa koɗ mo ge jag re wo ne ndo lay. Jeofa joŋ na doosen no lay

6. Jeofa kay bar ɓen wo no

Jeofa kay bar ɓen wo maaga á mo hay wo de coɓge jag re maaga á yiŋ wo de ɓaara mono. Ko VIDEYO, ni ndal wee ti wiigi jag maa blam la no.

VIDEYO: Jeofa kay me debaŋ (3:20)

Jeofa kay wãy se ti videyon la maa durgi jag ɗiggi ɓe maaga hay wo hãyge ɓe na kayge là?

Jaŋ Esayi 41:10, 13, ni ndal wee ti wiigi jag maa blam wo la no:

Jeofa wãã ga se joŋ mayse yaŋ ne bar sen wo là?
Ndo ɗig ga Jeofa joŋ yaŋ mbe diŋ bar ɓo maa ti ngeel ɓen yaw? Wer may?

Bar ɓo maa ti ngeel ɓen kay mo de maaga ndo yaŋ nen re no. Jeofa kay ge ndo yaŋ lay

7. Maaga ndo mo hay barge de Jeofa mono, da ga ndo mo hay ndalge de ɓe

Maaga jar po wo ɓog yaŋ wo wãã ɗiggi ɓaara ne kããra no, holaŋ ɓaara sa’ see kããra de woore debaŋ. Jaŋ Siŋ wora 86:6, 11, ni ndal wee ti wiigi jag maa blam wo la no: