Ndo wo we go ti taygeti Sedeewa Jeofa wo ti boŋ yaw? Hayga bay we wa no, maapo jiili ɓo ndar mo de maaga à wãã we ga ndo mo wo ni no. Maapo ndo wii ba jag see ɓo ga: ‘À joŋ wo ni diŋ maylà? Á kay me ti maylà? Ndi wo ba ni na maa maylà?’ Ɓil hadge sen la, naa ko yaŋ ga taygeti kay wo ndo maaga ndo mo ya’ see Baa mbaŋ, lan se kay mo yaŋ nen naw ɓon debaŋ lay.

1. Wer may ga Sedeewa Jeofa tay wo ti là?

Jee yer Bible po wãã ne naa ti de el ɓen ga: “Ndi joŋ ge suse’ yaŋ ne [Jeofa] ti taygen wo no” (Siŋ wora 26:12). Wara lay, Sedeewa Jeofa tay wo see kẽẽ de fruygi maa goŋ Jeofa. Tum nen naw renam, Sedeewa Jeofa maa ti cõõ sir maa hõnla wo ɓuy tay wo ti maa togoɗ Baa de siŋri wo, maa goŋge ɓe, maa tosge ɓe. Nen kiŋgi tum saara joŋ taygeti maa kluuri wo maa togoɗ Jeofa, maa ya’ wer hãge ɓil kããra ciŋ ni, maa da’ hadge ti Jeofa, maa teŋ nen kããra.

2. Ndo da’ hadge maa hõn ti taygetin wo là?

Ti taygeti wùr wo mono, hadge wùrn a wo le diŋ ɓil Wããre Baa, ga wùr “naa wer ɓe” (Jaŋ Nehemi 8:8). Ti taygetin wo mono, ndo da’ hadge yaŋ wo ti Jeofa lan ti joŋre ɓe maa po wo ngaɓa. Ndo ya’ yaŋ see Jeofa mbaŋ de maaga ndo wo we koge ga á da mo no. Ndo ko yaŋ pa ga á kay mo na kayge maaga ndo mo hay jam de fruygi nen naw ɓon là.—Esayi 48:17, 18.

3. De maaga ndo yaŋ woge ti taygetin wo ndo da’ kayge maa hõn wo ni là?

Jeofa wãã ga “naa mo lag ko el kããra, coɓ nen kããra, naa mo hay da kããra debaŋ, naa mo hay joŋ kããra de el tum tum, naa mo hay tay ti see naa tum” (Hebre wo 10:24, 25). Ti taygetin wo mono, ndo yiŋ yaŋ de jar po maaga ko wo decoo kããra debaŋ, day ga doo ndo no lay, wo de sãy maaga saara mo da’ wer ne Baa ti. Ndo yiŋ yaŋ de jar po maaga jor wo wer kããra nen ɗiggi de wããre maa ɓil Bible wo (Jaŋ Rom wo 1:11, 12). Ndo yiŋ yaŋ de jar po maaga wo de fruygi, koh de maaga á wo mbaara de yiŋgi de bon doo jar maa ɓuyn no lay mono. Se diŋ wer re sen wo mo deŋ so ga Jeofa da ga naa mo tay see kẽẽ tum mono!

 FRUGGI NEN HADGE NO

4. Taygeti Sedeewa Jeofan wo

Jar maa wer Kris maa taŋgun hay wo tayge see kããra tum maa goŋ Jeofa (Rom wo 16:3-5). Jaŋ Kolos wo 3:16, ni ndal wee ti wiigi jag maa blam la no:

• Jar maa wer Kris maa taŋgun hay wo goŋ Jeofa na goŋge là?

1. Ti taygeti wùrn wo à sii wããre wo ni, à ngaɓ ɗeŋ maa sii wããre wo ni, lan videyo wo. Taygeti wùrn tĩĩ wo wer de siŋ lan tosge day saara ɓo’ ti go doo sen no pa

2. De ngar ngeel po ti taygeti wùrn wo mono, wosela ɓuy wãã ɗiggi ɓe ti wiɗgi jag wo

3.   Wosela ɓuy wùr yããn jag ti fege: jar tiŋ wo, weere jõõre wo, jar de garge wo, de kamliiri wo

4. Taygeti wùrn wo de koɗe. Sedeewa Jeofa bay wo yãã suŋgu do jar maaga a wo ti taygeti ɓaaran wo mo wa, day á bay wo tar suŋgu do jar ni wa lay

5. Á wii durgi do naa maa woge ti taygeti wo

• Wer may ga naa mo wo ti taygeti wo tum là?

 KLUURI HADGE NO

Woge ti taygeti wo kay naa maa da’ wer ne Jeofa, maa ya’ wer barge naa de Jeofa ciŋ ni, lan kay naa maaga naa mo goŋ Jeofa do kããra de jar lan ɓuy.

Ferge ko nen hadge no

• Wer may ga Jeofa da ga naa mo tay see kẽẽ là?

• Ndo da’ mayse ti taygeti Sedeewa Jeofa wo là?

• Ndo ɗig ga woge ti taygetin wo kay ndo ti ɓaŋ may pa là?