HADGE 12
Mayse kay mo maaga ndo mo men had wããre Baa go wa là?
Hadge Wããre Baa doo raŋge maa de woore nono. Amaa, á bay tum gus wa ane. Maapo ndo wii ba jag see ɓo yaŋ ga ndi kãã mbi yaŋ maa seege de hadge Bible ɓin ciŋ ni yawlà. Day, wer mayse ga á de el ga naa mo dur maa seege de ɓe là? Koh de maaga á bay mbe gus wa laybla mono, mayse kay wo ndo yaŋ maaga ndo mo see de hadge ɓon ciŋ ni là?
1. Wer mayga hadge wããre Baa de el là?
“Wããre Baa tenen cwãy, á de ẽgre debaŋ” (Hebre wo 4:12). Wããre Baa de el debaŋ werga á naa nen mo maaga Baa de ɗiggi ti naa go, wo de mo maaga á ɗig see naa hayga naa yaŋ nen re no. Á kay mo maa da’ koge maa ni Baa no, maa da’ koge re maa ti ngeel ɓe no lan se kay mo maa kaŋ ɗiggi ta’ gorge lay. De daŋ sen ɓuy pa, Bible kay mo maa baa barge de Jeofa. De maaga ndo de had Wããre Baa mono, ni ndo de ɓo’ faage ne ẽgre ɓen maaga á mo coo naw ɓon wo de woore.
2. Wer mayse ga naa mo ko cwãy maa ɓil Wããre Baa wo diŋ fẽẽre maaga daŋ wo go là?
Cwãy maa ɓil Wããre Baa wo doo horog maaga daŋgo nono. Diŋ wersen so ga Bible jor glog naa ga naa mo “yee cwãy le day fer go yeege ɓe wa hase” (Jag jõõ wo 23:23, NWT). Hayga naa yaŋ ɗiggi ga cwãy maa ɓil Wããre Baa wo diŋ fẽẽre maaga daŋ wo go no, se kay naa yaŋ maaga naa mo dur maa seege de hadge naa ciŋ ni, koh naa mo yiŋ ba de re wo layblà—Jaŋ Jag jõõ wo 2:4, 5.
3. Jeofa kay mo kayge maaga ndo mo hay mbo tum had wããre Baa là?
Jeofa, jee maa de Ẽgre daŋgo ɓuy no, ga caa naa, day diŋ Bar naa lay mono, de sãy kay naa maaga naa mo da’ wer ne se ti. Á de kããge maa hã “dage maa joŋ joŋre ɓe maa de eln wo de ẽgre maa joŋge ɓe” ne ndo (Jaŋ Filip wo 2:13, NWT). Wersen so, hayga ndo yaŋ de sãy mopo maa jor glog ɓo maa had Wããre Baa noga maa joŋ joŋre de mo maaga ndo de hadge ɓe mono, á de kããge maa kay ndo. Hayga ndo yaŋ de sãy ẽgre maa coɓge jag re maaga maŋ wo jag ɓo go maa seege de hadge ɓon de peel ni no, á de kããge maa hã ẽgre ɓen ne ndo. Noga hayga ndo yaŋ de sãy ẽgre maa ooge ngiŋ jag kaŋge nen wo no, á de kããge maa kay ndo. Hay wii Jeofa tum nen tosge ga á mo kay mo maa seege de hadge wããre Baa ɓon de peel ni—1 Tesalonig wo 5:17.
FRUGGI NEN HADGE NO
Ko fẽẽre maaga kay wo naa maa seege de hadgen de peel ni hayga joŋre yaŋ do naa debaŋ, noga à de kaŋge ne naa nen no. Blam ɓe, ko maaga Jeofa kay naa maa seege de hadgen tum mo ɗa.
4. Ɓo’ hadge wããre Baa ɓon go peel fẽẽre lan wo
De ngar ngeel maa po wo, joŋre joŋ do naa debaŋ nen maaga naa ɗig ga naa da’ nen maa had wããre Baa ga. Ti ngeel se ta’ naa joŋ na joŋge là? Jaŋ Filip wo 1:10, ni ndal wee ti wiigi jag maa blam la no:
-
Ndo ɗig ga “fẽẽre maaga sen daŋ wo go de el” ti tamsir diŋ mayse wo là?
-
Ndo joŋ joŋge maa ɓo’ hadge wããre Baa ɓon go peel fẽẽre lan wo là?
-
Hayga ndo laa duguɗgin we go taŋgu ɓil soo no, ngeel gwan ni pur nen laa húulìn ɓuy ga so
-
Hayga ndo laa hùulìn we go taŋgu ɓil soo no, ngeel gwan ni maa laa duguɗgin daŋge ɓuy. Doo sen no lay no, hayga ndo laa “fẽẽre maaga sen daŋ wo go de el” ti tamsir la we go peel no, ndo joŋ yaŋ de kããge maa bag jag ɓaara go day ndo da’ wur maa joŋ fẽẽre maa tigriŋ wo ni pa
Hadge wããre Baa bag jag ɗiggi naa maa ti nentersen go, kaŋ nen ga á kay naa da’ wer ne Baa lan maa goŋge ɓe lay. Jaŋ Matiye 5:3, ni ndal wee ti wiigi jag maa blam la no:
-
Hayga naa yaŋ ɓo’ hadge wããre Baa go peel fẽẽre lan wo no, naa da’ mayse wer ɓe là?
5. Oo ngiŋ hayga à yaŋ kaŋge mo nen no
De ngar ngeel maa po wo, jar maa po kiɗ wo ɗeŋ maa woo do ɓo go ti hadge wããre Baa ɓo no. Ko saɓlaŋ re maaga hay da’ Francesco mo ɗa. Ko VIDEYO, ni ndal wee ti wiigi jag maa blam wo la no.
-
De maaga Francesco wo wãã mo maaga se laa ti hadge Bible ne bar ɓe wo de man ɓe mono, á joŋ wo na joŋge là?
-
Á hay da’ poɗge maa hõn wer ooge ngiŋ ɓen là ?
Jaŋ 2 Timote 2:24, 25, ni ndal wee ti wiigi jag maa blam wo la no:
-
Jar ni ɓay wo de bar ɓo wo wo de ɗiggi ti hadge wããre ɓon na ga hãylà?
-
Doo maaga naa da’ ɓil verse sen wo la mono, hayga hadge wããre Baa ɓon bay we de cõõre jag jobo wa no, ndo de hay joŋ na joŋge là? Wer maylà?
6. Kaŋ ɗiggi ɓo diŋ ti kayge maa ni Jeofa no
Hayga naa ya’ see naa we maŋ see Jeofa no, dage naa maa joŋ fẽẽre maaga co wo jag ɓe ya’ yaŋ ciŋ ni lay. Mbe de sen ɓuy, cooge joŋre naa doo maaga wããre Baa daga naa mo joŋn mo kay bay gus wa. Hayga ndo yaŋ yiŋgi de tee re sen wo no, woo do go wa. Jeofa kay mo yaŋ. Ko VIDEYO, ni ndal wee ti wiigi jag maa blam wo la no.
-
Ɓil videyon la, Jim hay coo joŋre ɓe maa hõn wo maa coge jag Jeofa là?
-
Mayse ngel mo ti cooge joŋre Jim sen la là?
Jaŋ Hebre wo 11:6, blam ɓe ndal wee ti wiigi jag maa blam wo la no:
-
Jeofa joŋ mayse ne jar maaga “kiɗ wo ne go de jiili ɓaara ɓuy” là—kaŋ nen ga jar maaga dur wo go de ẽgre ɓaara ɓuy maa da’ wer ne hẽn, day maa joŋ fẽẽre maaga co wo jag ɓe lay mo là?
-
Versen la had naa ga, de maaga Jeofa ko ndo durgi maa had wããre ɓen mono, á joŋ see ne hẽn na joŋge là?
Maapo jobo wii mo yaŋ ga: “Ndo had wããre Baa maa maylà?”
-
Ndo fer ne hẽn ti ɓe ni na ga hãylà?
KLUURI HADGE NO
Hadge wããre Baa kay naa maa da’ tenen maa tum. Amaa á wii durgi do naa. Hayga naa kaŋ ɗiggi naa we ti Jeofa no, á poɗ ge naa yaŋ.
Ferge ko nen hadge no
-
Ti ɗiggi ɓo mono, wer mayse ga cwãy maa ɓil Wããre Baa wo diŋ fẽẽre po maa de el debaŋ là?
-
Ndo joŋ joŋge maa ɓo’ “fẽẽre maaga sen daŋ wo go de el” peel fẽẽre lan wo là?
-
Wer mayse ga ndo mo wii Jeofa ga á mo kay mo maaga ndo mo men had wããre Baa go wa là?
MAA DA’ WER PA
Ɗeŋ po wo naa maa kay naa maa joŋ joŋre de wur maa do naa wo de koge re.
«Comment bien gérer son temps » (Réveillez-vous !, février 2014)
Ko ɗeŋ maaga Jeofa kay wãy po, de maaga ‘war ɓe hay bay yããge ga á mo goŋ Baa wa mo ɗa.
Blo po maaga kol go diŋ bar Baa, werga wãy ɓe hay oo de deele ngiŋ peel Baa.
À wãɗ ga Sedeewa Jeofa car wo ɓil feele wo go. Á mbe diŋ cwãy yawlà?
