HADGE 06
Fẽẽren ɓuy a wo le age là?
Bible wãã ga “joŋ fẽẽren wo ɓuy diŋ [Baa]” (Naage nene 4:11). Ndo hã mbo ɓil yaŋ ti wããre sen yawlà? Jar maa po ɗig wo ga fẽẽren ɓuy a wo mbaara le de see ɓaara tu. Hayga fẽẽren ɓuy a wo mbaara le de see ɓaara tu no, ni naa ti tamsir la de koɗ koɗe. Day hayga joŋ fẽẽren we ɓuy diŋ Jeofa Baa lay no, ni re maaga á joŋ ra wer ɓe yaŋ mbe nen ɓe a. Naa ko maaga Bible wãã ti tĩĩgi wer fẽẽren ɓuy mo ɗa, day wer may ga naa mo hã ɓil ti wããre sen là.
1. Sir wo de ger maa ciŋ a wo le gen là?
Bible wãã ga: “Le ti tĩĩgi wer mono Baa joŋ ngel ma ciŋ wo de ma gesiŋ” (Tĩĩgi were 1:1). Jar maa de ko wer fẽẽren wo daŋge ɓuy de koge ga fẽẽren ɓuy tĩĩ wo wer le tĩĩgi. Baa joŋ fẽẽren ɓuy na joŋge là? Á joŋ ra de “nenterse” ɓe—kaŋ nen ga á joŋ fẽẽre maa doo galagsi wo, ger wo, planed wo ɓuy mo deŋ de ẽgre nenterse ɓe maa bay ɗag no.—Tĩĩgi were 1:2.
2. Baa joŋ tamsir maa maylà?
Jeofa “joŋ [tamsir] nà maga á mo hay ɓil koɗ ga, á [ . . . ] boon nà maga á mo hay de jar ɓili” (Esayi 45:18). Á joŋ tamsir de woore na maaga jar téebeere mo lag wo ni ti desãy maa tum (Jaŋ Esay 40:28; 42:5). Jar maa de ko wer fẽẽren wãã wo ga tamsir sar de planed lan wo ɓuy. Jar téebeere da’ wo fẽẽre maaga joŋ wo ga á mo hay wo tenen ti’ diŋ ti tamsir la tawa tu.
3. Jar téebeere wo sara de nayre wo ti maylà?
Blam maaga Jeofa joŋ tamsiri, joŋ koore wo de nayre wo mono, á kal “joŋ je táabay de maŋ [see] ɓe” (Jaŋ Tĩĩgi were 1:27). Jar téebeere wo sara de nayre wo ti maylà? Werga Baa joŋ naa de maŋ see ɓe so mono, naa de kããge maaga naa da jare, joŋ de deele doo Baa ne lay. De ɗeŋ maaga Baa joŋ naa de ɓe mono, naa de kããge maa had jag maa tigriŋ wo ngaɓa, maa fruygi de fẽẽre maa de woore maaga á joŋ ra mo deŋ no, nen maaga jõõ mo co wo jag naa lay. Ni pa mono, naa sara de nayre wo werga naa de kããge maa goŋ jee joŋ naa no.
FRUGGI NEN HADGE NO
Naa ko fẽẽre maaga ɓo’ wo nen go cwãy ga à joŋ fẽẽren wo ɓuy joŋge, day ga naa mbe nen hã ɓil ti wããre maaga Bible wãã ga à joŋ fẽẽren wo ɓuy joŋge mo ɗa. Ni naa ko maaga joŋre maa de el see jar téebeere had wo naa ti Baa mo lay.
4. Fẽẽren wo ɓuy à joŋ ra joŋge
De maaga jee táabay joŋ mopo we de maŋ fẽẽre maaga Baa joŋ ra no, à kal hã togoɗge ɓen diŋ ne jee ɓe no. Day à de hã togoɗge fẽn maaga á kon le see ɓe diŋ ne wo lay? Ko VIDEYO, ni ndal wee ti wiigi jag maa blam la no.
-
Jar téebeere boo wo mayse de maŋ fẽẽre maaga Baa hay go de joŋ rage là?
Naa de koge ga tiŋ ka’ ɓuy boon diŋ jobo, day jee joŋ fẽẽren wo ɓuy diŋ wose lay là? Jaŋ Hebre wo 3:4, ni ndal wee ti wiigi jag maa blam wo la no:
-
Fẽn maa hõn ti tamsir la ga woo nen ɓo debaŋ là?
-
Ndo hã mbo ɓil yaŋ ga tamsir de fẽẽre maa ɓil ɓen ɓuy joŋ ra diŋ jobo yawlà? Wer maylà?
Ndo ko mbo we?
Ndo da’ kefder wo de videyo maaga wãã wo ti fẽẽre sen yaŋ ɓil sid jw.org ɓil « Évolution ou conception ? » lan ɓil « Points de vue sur l’origine de la vie ».
“Naa de koge ga tiŋ ka’ ɓuy boon diŋ jobo, day jee joŋ fẽẽren wo ɓuy diŋ Baa lay” [NWT]
5. Naa mbe nen hã ɓil ti wããre maaga Bible wãã ga à joŋ fẽẽren ɓuy joŋge mono
Ɓil Tĩĩgi were 1 mono, Bible ngaɓ ga Baa joŋ tamsir de fẽẽre maa ɓil ɓen wo ɓuy na joŋge là. Ndo ɗig ga wããre sen wo mbaara diŋ cwãy yaw, mbala diŋ mbaa po wo koɗe? Ko VIDEYO, ni ndal wee ti wiigi jag maa blam wo la no.
-
Bible wãã mbe na ga à joŋ tamsir de fẽẽre maa ɓil ɓen ɓuy ti naw 6 doo maaga à wãɗ ne yawlà?
-
Wããre se ga Bible wãã ti joŋge tamsir de fẽẽre maa ɓil ɓen ɓuy mbe diŋ cwãy nen ɓo yawlà? Wer mayselà?
Jaŋ Tĩĩgi were 1:1, ni ndal wee ti wiigi jag maa blam la no:
-
Jar maa de ko wer fẽẽre maa ti tamsir la wãã wo ga fẽẽren wo ɓuy tĩĩ wo wer le tĩĩgi. Wããre ɓaara se kayn mbe de tabge de wããre maaga naa jaŋ ɓil Bible lam yawlà?
Jar maa po ɗig wo ga Baa hay joŋ fẽn po mẽ’ẽ, fẽn sen kol mbe fẽẽre lan wo de peel ni tu tu. Jaŋ Tĩĩgi were 1:21, 25, 27, ni ndal wee ti wiigi jag maa blam wo la no:
-
Bible wãã mbe na ga Baa hay joŋ fẽn po mẽ’, blam ɓe se raw kol cẽẽre wo, raw kol nayre wo go, ya’ saara raw kol jar téebeere wo go yawlà? Mbala á joŋ fẽẽren wo ɓuy go sar sar de “wer ɓaara” wo yawlà?
6. Baa joŋ jee táabay sar de fẽẽre lan wo no
Naa bay doo fẽẽre lan wo ga Jeofa joŋ ra no wa. Jaŋ Tĩĩgi were 1:26, ni ndal wee ti wiigi jag maa blam la no:
-
Jeofa joŋ naa de maŋ see ɓe no. Hayga naa yaŋ da jare, ko decoo jar lay no, sen da wããge ga á ti see ɓe ẽlaylà?
NAA YAŊ LAƊGE GA: “Wããre maaga Bible wãã ti fẽẽre maaga Baa joŋ ra wo mo deŋ diŋ mbaa wo.”
-
Ndo ɗig na ga hãy lay? Wer maylà?
KLUURI HADGE NO
Jeofa joŋ tamsiri, ngeel maa ciŋ wo de fẽẽre maa ɓil ɓaaran wo ɓuy.
Ferge ko nen hadge no
-
Bible wãã ga tamsiri, ngeel maa ciŋ wo, de fẽẽre maa ɓil ɓaaran wo ɓuy tĩĩ wo wer tĩĩgi là?
-
Baa joŋ fẽn po mẽ’ blam ɓe se raw men ge ɓe kol wer fẽẽre ngaɓa yaw, mbala á joŋ fẽn maa hõnlà ɓuy de wer ɓe yawlà?
-
Mayse caa ɓil jee táabay go de fẽẽre lan wo là?
MAA DA’ WER PA
Ko fẽẽre po maaga ɓo’ wo nen go ga jee joŋ fẽẽren ɓuy yaŋ mo ɗa.
« Qu’enseigne la nature ? » (Réveillez-vous !, septembre 2006)
Ko maaga pããbe po de naa wer re maaga Bible wãã ti tĩĩgi wer fẽẽre ne mbarga ɓe po maa klee mo ɗa.
Maaga à wãã ga fẽn po tĩĩ wer le mẽ’ se kol wer fẽẽre maa tigriŋ wo de peel ni mono, ɗiggi sen mo kay mbe de tabge de wããre maa ɓil Biblen yawlà.
« Dieu s’est-il servi de l’évoltion pour créér les différentes formes de vie ? » (article jw.org)
Hm maa ɓaa ɓaa maaga à da’ ra wo de fẽẽre maaga jar koge re maa ti tamsir wãã wo ti ɓaara ɓo’ wo nen na ga fẽẽren wo ɓuy à joŋ ra joŋge yaw noga á a wo mbaara le de see ɓaara tu yawlà?
Cinq questions à se poser sur l’origine de la vie (brochure)
a Ɓil hadge maa de 25 naa ko yaŋ ga Baa joŋ jar téebeere wo maa maylà.
