Maa laa wer hadge Bible maa ɓil kefder sen la de woore
Taŋgu ko maaga hadge maa ɓil kefder sen la de car ɓil mo ɗa, blam ko VIDEYO.
NGEEL MAA TANGU NO
Maa bag jag see ɓo go see hadgen mono, jaŋ ngeel maa taŋgu no. Wiigi jag maa de yerge nen kluurin wo (A) de verse maa de yerge nen kluurin wo (B) wãã wo ti kluuri hadgen wo. Verse maa po yaŋ wo ndo da’ de yerge wer ɓe ni ga “jaŋ” ne; da ga nday mo jaŋ wee sen de jee kay ndon ɓuy.
NGEEL MAA DE ƁOG NO
Ti ngeel Fruggi nen hadge no mono, wããre maa de yerge nin (C) wãã wo diŋ ti kluuri hadge maaga naa kon yaŋ wer ɓe gesiŋ mono. Kluuri ɓe maa kleeren (D) naa wo wer hadge maa wer ɓaaran wo no. Nday de jee had moge no, jaŋ wee verse wo no, yiŋ wee jag ti wiigi jag wo no, blam ɓe ni ko wee videyo wo no.
Ngeel maa de gaɗge maa VIDEYO wo de ɓo da’ videyo maaga kay ndo maa laa wer hadgen wo de peel ni. Videyo maa po wãã wo diŋ ti re maaga hay hres wo cwãy. Maa po re ɓen bay wo de hresge cwãy wa. Amaa re maa de maŋ sen wo de daɗ naa wara.
Ko wee foton wo de yerge maa wer ɓaaran wo no (E), day ni ndo yiŋ jag ti wiigi jag maa ti ngeel Naa yaŋ laɗge ga (F) no.
NGEEL MAA DE SWA’ NO
Hadgen taw ti go de Kluuri hadge no wo de Ferge ko nen hadge no (G). Yer naw tawge hadge no. Fẽn maa joŋge blam (H) ɓo’ nen ɓo ti fẽn maaga ndo de hay joŋ blam hadgen mono. Maa da’ wer pa (I) diŋ ngeel maaga ndo da’ kefder wo de videyo wo ni, maa kay ndo laa wer hadgen wo de peel ni.
Ɓil kefder sen la
|
Caage ɓil kefder maa de ɓog no 
|
Caage ɓil kefder maa de swa’ no 
|
Caage ɓil kefder maa de naa no 
|
Ndo joŋ joŋge maa da’ versen wo ɓil Bible ɓon là?
Ɓil Bible naa da’ kefder wo ni kleere sar sar 66. Á de caa ɓil wer ɓoge: maa taŋgun hay de yerge de jag Hebre wo de jag Arameyẽẽ (“Tayge jag maa taŋgu no”). Maa de ɓog hay de yerge de jag Grege (“Tayge jag maa defay no”).
À tĩĩ wer ɓe de Ɗuu kefder maa ɓil Bible no (A), blam ɓe maa kluu ɓe no (B), à ɓo’ ti ɓe go de maa klee ɓe noga maa kleere ɓe wo no (C).
Ko saɓlaŋ po ɗa, Jaŋ 17:3 da wãã ge ga kefder Jaŋ maa kluu ɓe 17, maa klee ɓe 3.
