Maa laa wer hadge se maa ɓil Biblen wo lam no
Wii Sedeewa Jeofa po maa had ndo: Wii jee maaga hã weel kefder sen mo maa had ndo de Bible, noga yer wo ne wùr ɓil sid, jw.org.
NGEEL MAA TAŊGU NO
Jaŋ paragraf wo no, de wiigi jag maa de yerge nen kluuri wo no (A), de versen maa de yerge nen kluurin wo (B) ga yiŋ wo jag ti wiigi jag wo no. Verse maa po yaŋ wo, ndo da’ de yerge wer ɓe ni ga “jaŋ”, daga nday mo jaŋ wee sen de jee kay ndon ɓuy
NGEEL MAA DE ƁOG NO
Ti ngeel Fruggi nen hadge no mono, wããre maa de yerge nin (C) wãã diŋ ti kluuri hadge maaga naa kon yaŋ wer ɓe gesiŋ mono. Titre maa kleere (D) naa wo wer hadge maa wer ɓaaran wo no. Jaŋ verse wo no, yiŋ jag ti wiigi jag wo no, blam ɓe ni ko videyo wo no (E).
Ko foton wo de yerge maa wer ɓaaran wo no (F), day ni ndo yiŋ jag ti wiigi jag maa ti ngeel Naa yaŋ laɗge ga (G) no.
NGEEL MAA DE SWA’ NO
Hadgen taw ti go de Kluuri hadge no wo de Ferge ko nen hadge no (H). Yer naw tawge hadge no. Fẽn maa joŋge blam (I) ɓo’ nen ɓo ti fẽn maaga ndo de hay joŋ blam hadgen mono. Maa da’ wer pa (J) diŋ ngeel maaga ndo da’ kefder wo de videyo wo ni, maa kay ndo laa wer hadgen wo de peel ni.
Ndo joŋ joŋge maa da’ versen wo ɓil Bible ɓon là?
À tĩĩ wer ɓe de Ɗuu kefder maa ɓil Bible no (A), blam ɓe maa kluu ɓe no (B), à ɓo’ ti ɓe go de maa klee ɓe noga maa kleere ɓe wo no (C). Ko saɓlaŋ po ɗa, Jaŋ 17:3 da wãã ge ga kefder Jaŋ maa kluuri ɓe 17, maa klee ɓe 3.
